(අංජුල මහික වීරරත්න)

අනුර කුමාර දිසානායක මහතාගේ නායකත්වයෙන් යුත් නව පාලනයට සුභාශිංසන පළ කරන බව එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා ජනපතිවරණ ප්‍රතිඵලය පිළිබඳ ප්‍රකාශයක් කරමින් ලංකාදීපයට පැවසීය.

රනිල් වික්‍රමසිංහ මහතා ජනාධිපති ධුරයට සමු දෙන්නේ ජාතිය වෙනුවෙන් යුතුකම ඉටුකළ අභිමානවත් නායකයකු ලෙස බව කී විජයවර්ධන මහතා ඔහු කළ මෙහෙය සමස්ත ජාතියේම ගෞරවාදරයට ලක් විය යුතුව තිබෙන බව කීය.

ඉතා අසීරු අඩියක තිබී ගොඩ ගෙන යම් ස්ථාවර තත්ත්වයකට ගෙන ආ ලංකා ආර්ථිකය නැවත අස්ථාවර නොකොට ඉදිරියට ගෙන යාමට අනුර දිසානායක මහතාට ශක්තිය ලැබේවායි ප්‍රාර්ථනා කරන බවද විජයවර්ධන මහතා සඳහන් කළේය.

ජනතා තීන්දුවට හිස නමන බවද රුවන් විජයවර්ධන මහතා කීය.