(ශාන්ත  ප්‍රදීප් කුමාර කුලරත්න)
සැමියා පැදවූ ත්‍රීරෝද රථය අනතුරකට ලක් වී පෙරළීමේදි එහි සවිකර තිබූ හුඩ් ට්‍රක් එක බිරිඳගේ හිසේ ඇනීමෙන් සිදුවූ අනතුරකින් බරපතල තුවාල ලබා රෝහල්ගත කළ බිරිඳ ජීවිතක්ෂයට පත්ව ඇතැයි  කැස්බෑව පොලිසිය පවසයි.

මෙසේ මියගොස් ඇත්තේ පොල්ගස්ඕවිට කිරිගම්පමුණුව අංක 55/ 01 B හි  පදිංචි වතවන විතානගේ නයනා කුමාරි නමැති (55) හැවිරිදි දෙදරු මවක බව පොලිසිය කියයි.

මෙම කාන්තාව සිය සැමියා සමඟ ත්‍රීරෝද රථයකින් පිළියන්දල සිද්දමුල්ල ප්‍රදේශයේ පිහිටි පෞද්ගලික වෙළඳසැල විවෘත කිරීම සඳහා ත්‍රිරෝද රථයක යමින් සිටියදී කුඩමාදූව වෙල්යාය මැද පිහිටි පාලම මතදී ඉදිරිපසින් පැමිණි ත්‍රීරෝද රථයක ගැටී පම් පසට පෙරළී පසුව දකුණු පසටත් පෙරළී අනතුරක් සිදුව තිබේ.

අනතුරින් කාන්තාව ත්‍රීරෝද රථයට යට වී ඇති අතර එහි සවිකර තිබූ හුඩ් ට්‍රක් එක මෙම කාන්තාවගේ හිසේ ඇලේ බරපතල තුවාල සිදුව තිබූණි.

 පසුව අනතුරින් තුවාල ලැබූ සැමියා සමග බිරිඳ හෝමාගම මූලික රෝහලට ඇතුළත් කිරීමෙන් අනතුරුව බිරිඳ ජීවිතක්ෂයට පත්වූ බව පොලිසිය පවසයි.

තුවාල ලැබූ සැමියාගේ තත්ත්වය බරපතල නොවන බව රෝහල් ආරංචි මාර්ග කියයි.