IMG-LOGO

2025 මාර්තු මස 17 වන සඳුදා


‘ එ.ජා.ප පාක්ෂිකයන් 1960 ක් ජවිපෙන් මරලා‘

 

(අංජුල මහික වීරරත්න)

එක්සත් ජාතික පක්ෂයේ සාමාජිකයන් 1960 දෙනකු පමණ ජනතා විමුක්ති පෙරමුණ විසින් ඝාතනය කරනු ලැබ ඇතැයි බටලන්ද කොමිෂන් සභා වාර්තාවේ 3 වැනි පරිච්ඡේදයේ  සඳහන් වන බව එක්සත් ජාතික පක්ෂ සභාපති වජිර අබේවර්ධන මහතා කොළඹදී මාධ්‍යයට ප්‍රකාශයක් කරමින් අද (17) පැවසීය.

ජනතා විමුක්ති පෙරමුණ රජයේ දේපළ වලට සිදුකරන ලද හානිය බිය උපදවන තරමින් විශාල බව කොමිෂන් සභාව වාර්තාවේ පැහැදිලිවම සඳහන් වන්නේ යැයි ද එජාප සභාපතිවරයා කීය.

1987 අගෝස්තු මාසයේ සිට රටේ ආරක්ෂක තත්ත්වය අනුක්‍රමිකව හා අඛණ්ඩව පිරිහී දේශපාලනඥයින්ගේ ජීවිත වලට බරපතල තර්ජනයක් එල්ලවූ බව කොමිෂන් වාර්තාවේ සඳහන් වන්නේ යැයි ද එජාප සභාපතිවරයා සඳහන් කළේය.

ජනතා විමුක්ති පෙරමුණේ ප්‍රබලතම ඉලක්කය වූයේ රජය කරවූ එක්සත් ජාතික පක්ෂයේ දේශපාලනඥයින් බවත්  සම්ප්‍රදායික වාමාංශික  නායකයෝද මෙම තර්ජන වල ඉලක්ක  වූ බවත් කොමිෂන් වාර්තාවේ සඳහන් වන්නේ යැයි අබේවර්ධන මහතා කීය.

බටලන්ද කොමිෂන් සභාව වාර්තාවේ 29 වැනි පිටුවේ සඳහන් කරුණු ගැන අදහස් දක්වමින් වජිර අබේවර්ධන  මහතා මෙසේද කීය.

ඉහළ මට්ටමේ දේශපාලනඥයින් හැරුණු විට, සාමාන්‍ය පොදු ජනතාව අතර වූ දේශපාලන හිතවත්තු ද තර්ජන වල ඉලක්ක බවට පත්වූ බව එම කොමිෂන් වාර්තාවේ සඳහන්ව තිබෙනවා. 

එක්සත් ජාතික පක්ෂයේ සාමාජිකයින් 1960 දෙනෙකු පමණ ඝාතනය කරනු ලැබු බව (3 වැනි පරිච්ඡේදය-සිංහල-29 වැනි පිටුව)ඇස්තමේන්තු කර ඇතැයි  කොමිසම කියනවා. ඔවුන් අතර අනුගාමීව තනතුරු ලැබූ එක්සත් ජාතික පක්ෂ ලේකම්වරු දෙදෙනෙක් වන හර්ෂ අබේවර්ධන ( 1987.12.21 වන දින ඝාතනය කෙරිණි) හා නන්දලාල් ප්‍රනාන්දු යන මහත්වරුන්ද, එක්සත් ජාතික පක්ෂ පාර්ලිමේන්තු මන්ත්‍රීවරු ටික දෙනෙක් ද වූ බව කොමිෂන් වාර්තාවේ පැහැදිලිව සඳහන් වෙනවා.

මොවුන්ගේ ප්‍රහාර වලට ජ්‍යෙෂ්ඨ පොලිස් නිලධාරීන් ද ඉලක්ක වූ බවත් එවකට ජනතා විමුක්ති පෙරමුණේ ක්‍රියා ගැන රහස් තොරතුරු එක්රැස් කිරීමේ නිරතව සිටි පොලිස් අධිකාරී ක්ලැරන්ස් පෙරේරා මහතා ජනතා විමුත්ති පෙරමුණ විසින් ඝාතනය කරනු ලැබූ බවත් බටලන්ද කොමිසම් වාර්තාවේ දැක්වෙනවා.

බට ලන්ද කොමිෂන් වාර්තාවේ මෙසේද සඳහන්ව තිබෙනවා.

ජ්‍යෙෂ්ඨ පොලිස් අධිකාරී බෙනට් පෙරේරා  මහතා ද (මොහු කඩාකප්පල් කාරී ක්‍රියා  විමර්ශන  කිරීම ගැන උනන්දුවක් දැක්වු නිලධාරියෙකි) ඝාතනය කෙරුණා. රජයේ දේපළවලට සිදුකරන ලද හානිය බිය උපදවන තරමින් විශාලය. පර්යන්ත ප්‍රදේශවල පිහිටි රජයේ ආයතන ගිනි බත් කරන ලදී. තවත් සැළකිය යුතු ලක්ෂණයක් වූයේ රජයේ සංවිධාන තුළ මැනවින් සංවිධානය කරන ලද වැඩ වර්ජන පැවැත්වීමය.

අත්‍යවශ්‍ය සේවා අක්‍රීය තත්ත්වයටම වාගේ පත්කළ එක් වැඩ වර්ජනයක් නම් ජාතික ප්‍රවාහන සේවකයින් විසින් දියත් කළ වැඩ වර්ජනයයි. තවත් නොයෙක් රජයේ ආයතන වල අනුක්‍රමයෙන් වැඩ කටයුතු නතර විය. මෙය සිදුවුයේ  දේශප්‍රේමී ජනතා ව්‍යාපාරය (D.J.V.) නමින් හැඳිවුනු සංවිධානයක් විසින් එම ස්ථාන වලට යැවුනු තුණ්ඩු කෑල්ලකින් දුන් නියෝග සමගය. 

මෙම වැඩ වර්ජන සමඟ එම සංවිධානය විසින්ම ප්‍රකාශයට පත් කරන ලදැයි කියැවුණු  ඇත්ත වශයෙන් වූ ඇඳිරි නීති නියෝගද ක්‍රියාත්මක විය. "දේශප්‍රේමී ජනතා ව්‍යාපාරයේ නියෝග නිකුත් කරනු ලැබුයේ "කීර්ති විජයබාහු" යන නමක් යටතේය. මෙහි ප්‍රතිඵලය ලෙසට රට තුළ අරාජික තත්ත්වයක් ම බඳු තත්ත්වයක් පැවතිණි.යනුවෙන් බටලන්ද කොමිෂන් සභා වාර්තාවේ පැහැදිලිව සඳහන්ව තිබෙන බව එක්සත් ජාතික පක්ෂ සභාපති වජිර අබේවර්ධන මහතා වැඩිදුරටත් සඳහන් කළේය.



අදහස් (13)

‘ එ.ජා.ප පාක්ෂිකයන් 1960 ක් ජවිපෙන් මරලා‘

බකල ජයා Monday, 17 March 2025 12:07 PM

ලොක්ක ප්‍රතික්ෂේප කරපු වාර්තාවෙන්ම තමයි කියවල තියෙන්නෙ. දැන් යන්ඩකො බලන්න ආයෙත් ලොක්කව හම්බවෙන්න::))

:       1       15

Pankumburage Monday, 17 March 2025 12:20 PM

එජාප ආණ්ඩුවෙන් මරපු අහිංසක කෙල්ලෝ කොල්ලෝ ගාන කියලා නැද්ද?

:       3       24

pakeer Monday, 17 March 2025 12:24 PM

අනිවාර්යයෙන් ඒවට පරීක්ෂණ පවත්වන්න. එහෙම කරලා අදාළ අයට දඬුවම් දෙන්න. රජයේ දේපළ හානි කළා නම් ඒවාටත් දඬුවම් දෙන්න... අනිවාර්යයෙන් පරීක්ෂණ පවත්වන්න. එහෙම කියලා අනිත්වා නවත්වන්න බැහැ යාළුවා.

:       1       13

ddsMonday, 17 March 2025 01:39 PM

ඒ කාලෙ හිටපු සමහර JVP අය (සමහරු අදත් ඉන්නවා, ලාල්කාන්ත, ටිල්වින් වගේ අය) වැරැදිවලට සිරදඬුවම් වින්දා. UNP මිණීමරුවන්ට නඩු නැහැ. දාපු නඩුත් සාක්කි හිතාමතාම වරද්දලා අහක ගියා (පුංචි නිලමේ). ඩග්ලස් පීරිස් මේ ඉතාම මෑතක වැරැදිකරු වුණා. දඬුවමට කලින් පැන්නා. ඒ අයගේ පුරුද්ද ඒක. අර්ජුන් මහේන්ද්‍රන් දැක්කානේ...!

:       1       24

Rata Perata Monday, 17 March 2025 12:30 PM

පව් ඒ අසරණ මිනිස්සු..

:       6       6

යෝගා Monday, 17 March 2025 12:32 PM

එදා මිනීමරුවෝ අද පාලකයෝ වී ඇත. මිනීමරනවා, කප්පම් ගන්නවා, බොරු විදිනවා හැර වෙන කිසිම දෙයක් කරන්න දන්නෙත් නෑ වගේ...!

:       31       14

ddsMonday, 17 March 2025 01:20 PM

එදා මිණීමරුවෝ අද විපක්ෂයෙනුත් එලවලා. පාර්ලිමේන්තුවෙනුත් එලවලා. කර්මය හරි පුදුමයි නේද...?

:       3       25

ජයනාත් Monday, 17 March 2025 12:46 PM

89න් පස්සේ ආණ්ඩු කීයක් තිබුණාද? 88,89 කාලේ එක එක සංවිධාන, ආණ්ඩුව මරපු එක්කෙනකුටවත් විරුද්ධව පියවර ගත්තාද..? පොරොන්දු වල අඩුවක් නැහැ. කොමිෂන් වාර්තා අඩුවක් නැහැ. ගත් නීතිමය පියවරකුත් නැහැ...

:       0       15

Lakmal Monday, 17 March 2025 01:10 PM

ඔබව මරන්න බැරි වුණු එක අපිට දුකයි. ලැජ්ජා නැති කතා කියනවා තවත්...!

:       6       10

Shashika519 Monday, 17 March 2025 01:12 PM

මෙච්චර කල් ආණ්ඩු කළා. නඩු දාලා ඒ මිනිස්සුන්ට සාධාරණයක් කරේ නෑ. දැන් බයිලා දොඩවනවා ගාල්ලේ කොට දූෂිතයා...!

:       2       12

ජිල්බු Monday, 17 March 2025 01:22 PM

එතකොට මහත්තයෝ ඉතුරු 58,040 මැරුවේ කව්ද?

:       1       24

රම්බොඩ Monday, 17 March 2025 01:31 PM

ජ.වි.පෙ. ඝාතන රැල්ල පටන් ගත්තා 1989. ඊට පස්සේ හිතුමතේට මිනිසුන් ඝාතනය කළා. ඝාතනය වුණු මිනිසුන් කළ එකම වරද ජ.වි.පෙ. කියන මතයේ නොසිටීමයි. අනුන්ගේ මත ඉවන්න බැරි මාලිමාවට කැමති බොහෝ අය තවමත් ඉන්නවා. මේවා පහළ මානසික මට්ටම්. ඉතින් එදා පාළකයින් විසින් එම ඝාතන රැල්ල අවසන් කළා. එවැනි දේ සිදුවීම හොඳ නෑ. නමුත් තමන්ගේ අතේ කුණු ගොඩ ගහගෙන වෙනත් අයගේ කුණු අවුස්සන්න යෑමෙන් සිදු වන්නේ ඇදගෙන නෑමක් විය හැකියි. ඒක කාට කාටත් පොදු ධර්මතාවයක්...

:       22       8

ddsMonday, 17 March 2025 02:03 PM

1989 ට කලිනුත් අවුරුදු තිබිල තියෙනවා. 1983 කියලත් තිබිලා තියෙනවා. ඒකෙ කලු ජූලිය කියලා එකකුත් තිබිලා තියෙනවා. සමහර පක්ෂ වලට නොකළ වැරැදිවලට අනුන්ගේ පව්වලට කරගහන්නත් වෙලා තියෙනවා. මේ අද රටේ කතාකරන ඒවලා ඉතිහාසය එතැන ඉඳන් තියෙනවා.

:       2       16

ඔබේ අදහස් එවන්න

 

එසැණ පුවත්

ගණේමුල්ල සංජීව ඝාතන සිද්ධියට ආරක්ෂාවට සිටි ජේලර් අත්අඩංගුවට
2025 මාර්තු මස 17 26 0

පාතාල කල්ලි සාමාජිකයකු වූ ගණේමුල්ල සංජීව නමැත්තා ඝාතනය කිරීමේ සිද්ධියට අදාළව ගණේමුල්ල සංජීව නමැත්තාව බූස්ස බන්ධනාගාරයේ සිට අධිකරණය වෙත රැගෙන එන අවස


බදුල්ලේ පවුල් 4034ක් මරු කටේ
2025 මාර්තු මස 17 55 0

බදුල්ල දිස්ත්‍රික්කයේ නාය යෑම් අධි අවදානම් ප්‍රදේශවල ජීවත් වන පවුල් සංඛ්‍යාව 4034 ක් දක්වා ඉහළ ගොස් ඇති බව වැවිලි කර්මාන්ත සහ ප්‍රජා යටිතල පහසුකම් අම


අ‘පුර අපයෝජකයාගේ හඳුනා ගැනීම කල් යයි
2025 මාර්තු මස 17 411 0

අනුරාධපුර ශික්ෂණ රෝහලේ වෛද්‍යවරියක අපයෝජනය කිරීමේ සිද්ධියේ සැකකාර හිටපු යුද හමුදා සෙබළා හඳුනා ගැනීමේ පෙරෙට්ටුව අද දින පැවැත්වීමට නියමිතව තිබුණද පැ


E-8 රැකියා වංචාකරුවෙක් අත්අඩංගුවට
2025 මාර්තු මස 17 118 0

දකුණු කොරියාවේ E-8 කාණ්ඩය යටතේ රැකියා ලබා දෙන බව පවසමින් දිවයිනේ විවිධ ප්‍රදේශවල පුද්ගලයින්ගෙන් රුපියල් මිලියන 3ට වඩා වැඩියෙන් මුදල් වංචා කළ පුද්ගලයකු


මිදිගම වෙඩි තැබීමට තිදෙනකු අත්අඩංගුවට
2025 මාර්තු මස 17 296 0

වැලිගම ,බටවල , මිදිගම ,පාතේගම ප්‍රදේශයේ ව්‍යාපාරික නිවසකට අද(17) අලුයම වෙඩි තැබීම සම්බන්ධයෙන් සැකපිට පුද්ගලයන් තිදෙනකු අත්අඩංගුවට ගත් බව මිදිගම පොලිසි


වෛද්‍යවරියගේ සොරා ගත් දුරකථනය සොයාගනී
2025 මාර්තු මස 17 766 0

අනුරාධපුර ශික්ෂණ රෝහලේ වෛද්‍යවරියකට ලිංගික හිංසනයක් සිදු කළ සැකකරු විසින් කොල්ලකන ලද ’අයි ෆෝන්’ වර්ගයේ ජංගම දුරකථනය සැකකරු සැඟව සිටි කැලෑවේ සඟවා තිබ


මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි 2025 මාර්තු මස 07 347 1
ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි

දේශයේ ආරක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ‍්‍රී ලංකාවේ පවතින වඩාත්ම උපයන රාජ්‍

ප්‍රබල ඕරාවකට හිමිකම් කියන්න ඔබත්  කැමතිද ? 2025 මාර්තු මස 04 807 2
ප්‍රබල ඕරාවකට හිමිකම් කියන්න ඔබත් කැමතිද ?

ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්

ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක් 2025 පෙබරවාරි මස 27 305 1
ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක්

ශ්‍රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස

Our Group Site