(විමුක්ති එස් රුද්රිගු)
"ටයිම්ස් ස්කූල් ඔෆ් හයර් එඩියුකේෂන්" ආයතනය කොළඹ ගාලු මුවදොර හෝටලයේදී ජනපති රනිල් වික්රමසිංහ මහතා අද අද උත්සවාකාරයෙන් විවෘත විය.
එදිනම ටයිම්ස් උසස් අධ්යාපන ආයතනයේ නිල වෙබ් අඩවිය වන www.timesschool.lk වෙබ් අඩවිය ජනාධිපති රනිල් වික්රමසිංහ මහතාගේ අතින් එළිදැක්වූවේය.
ලංකාවේ ප්රමුඛතම පුවත්පත් ආයතනයක් වන විජය පුවත්පත් සමාගමේ අනුබද්ධිත ආයතනයක් ලෙස ආරම්භ වන ටයිම්ස් උසස් අධ්යාපන විද්යායතනයේ පාඨමාලා වර්තමාන ඉල්ලුමට සහ ජාත්යාන්තර තත්වයට ගැලපෙන පරිදි නිර්මාණය වී ඇති අතර දැරිය හැකි ගාස්තු ක්රමයක් යටතේ සියලු පාඨමාලා හැදෑරීමට එම ආයතනය මෙරට සිසුන්ට අවස්ථාව ලබාදී ඇත.
අධ්යාපන පොදු සහතික පත්ර සාමාන්ය පෙළ හෝ උසස් පෙළ විභාග සමත්වී නොමැති සිසුන්ට උපාධි සහ ඩිප්ලෝමා පාඨමාලා සඳහා ඇතුළු වීමට පදනම් පාඨමාලාවක් හඳුන්වා දීමටද ටයිම්ස් උසස් අධ්යපාන ආයතනය කටයුතු කර ඇත. එසේම මෙරට සිසුන් වෙනුවෙන් ටයිම්ස් උසස් අධ්යාපන ආයතනය ඩිජිටල් ඇකඩමියක්ද අද ආරම්භ කළේය.
හෙද, මනෝ විද්යාව, නීතිය, තොරතුරු තාක්ෂණය, රොබෝ තාක්ෂණය, සයිබර් ආරක්ෂාව, ආගන්තුක සත්කාරක කළමනාකරණය ඇතුළු විෂය ක්ෂේත්ර රැසක් යටතේ සිසුන්ට උසස් අධ්යාපනය හැදෑරීමටත් උපාධි පාඨමාලා හදාරන සිසුන් සඳහා අවසන් වසර හැදෑරීමට විදේශගත වීමටත් ටයිම්ස් උසස් අධ්යාපන ආයතනය අවස්ථාව ලබාදී ඇත.
ඒ සඳහා ටයිම්ස් උසස් අධ්යාපන ආයතනය ඇමෙරිකාවේ කරිස්මා විශ්ව විද්යාලය, කින්ග් මොන්ග්කුට්ස් තාක්ෂණික විශ්ව විද්යාලය, ට්රේනෝකේට් ආයතනය ඇතුළු විශ්ව විද්යාල සහ උසස් අධ්යාපන ආයතන රැසක් සමඟ ගිවිසුම්ගත වී ඇත.
ටයිම්ස් උසස් අධ්යාපන ආයතනය විවෘත කිරීමේ උත්සවයේ ප්රධාන ආරාධිත අමුත්තා ලෙස ජනාධිපති රනිල් වික්රමසිංහ මහතා සහභාගී වූ අතර අධ්යාපන අමාත්ය සුසිල් ප්රේමජයන්ත, විශ්ව විද්යාල ප්රතිපාදන කොමිෂන් සභාවේ සභාපති ජ්යෙෂ්ඨ මහාචාර්ය සම්පත් අමරතුංග, ශ්රී ලංකාවේ නවසීලන්ත මහ කොමසාරිස් ඩේවිඩ් පයින්, විජය පුවත්පත් සමාගමේ සභාපති රංජිත් වජයවර්ධන, විජය පුවත්පත් සමාගමේ නියෝජ්ය සභාපති සහ කළමණාකරණ අධ්යක්ෂක සුජාන් විජයවර්ධන, දේශගුණික විපර්යාස පිළිබඳ ජනාධිපති ජ්යෙෂ්ඨ උපදේශක රුවන් විජේවර්ධන, ටයිම්ස් උසස් අධ්යාපන ආයතනයේ ප්රධාන විධායක නිලධාරී ජනක රත්නකුමාර යන මහත්වරු ඇතුළු සම්භාවනීය අමුත්තෝ රැසක් මෙම අවස්ථාවට එක් වූහ.
එසේම ටයිම්ස් උසස් අධ්යාපන ආයතනය ගිවිසුම් ගතවී ඇති විශ්ව විද්යාල නියෝජනය කරමින් මහාචාර්යවරු කීපදෙනෙකුද රාජතාන්ත්රික නිලධාරීහු රැසක්ද එම උත්සව අවස්ථාවට එක් වූහ.
(ඡායාරූප: ජයමාල් චන්ද්රසිරි සහ ඉසුරු පෙරේරා)
’’ටයිම්ස් ස්කූල් ඔෆ් හයර් එඩියුකේෂන්’’ ආයතනය තවත් එක සාම්ප්රදායික අධ්යාපනික ආයතනයක් නොවේ. වර්තමානයේ අප බලාපොරොත්තු වන නවීන අධ්යාපන ක්රමයට අයත්
2024 වර්ෂයේ ජනප්රියතම පුවත්පතට හිමි සම්මානය ලංකාදීප පුවත්පතට හිමි විය.
මෙවර ජනාධිපතිවරණයේ තැපැල් ඡන්ද සලකුණු කිරීමේ කටයුතු අද (04) සිට ඇරඹුණු බව මැතිවරණ කොමිෂන් සභාව කියයි.
ශ්රී ලංකාවේ ප්රථම ස්වභාවික වායු විදුලි බලාගාරය වන කෙරවලපිටිය “සොබාදනවි” සංයුක්ත චක්රීය විදුලි බලාගාරයේ පළමු අදියර ජනාධිපති රනිල් වික්රමසිංහ මහ
මහනුවර ඓතිහාසික ඇසළ පෙරහරේ අවසානය සනිටුහන් කරමින් සිදු කරන චාරිත්රයක් වන දිය කැපීමේ චාරිත්රය අද (20) සුභ නැකැතින් ගැටඹේ මහවැලි ගංතොටදී සිදුකෙරුණි .
ජනාධිපති රනිල් වික්රමසිංහ මහතා සහ ශ්රී ලංකා විවෘත විශ්වවිද්යාලයේ නීතිවේදී උපාධි අපේක්ෂක සිසුන් පිරිසක් අතර හමුවක් ජනාධිපති කාර්යාලයේදී සිදු විය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
’’ටයිම්ස් ස්කූල්‘‘ සුභ මොහොතින් විවෘත වේ