නිවහන අහිමි වූ දෙවිමිණීට ජනපති පුතුගෙන් සෙවණ

රත්නපුර අයගම පණ්ඩුකඳේ වත්තේ දෙව්මිණි දැරියට හා මවට නව නිවෙසක් ඉදිකරදීමට දහම් සිරිසේන මහතා ඉදිරිපත් වෙයි.

අග හිඟ කම් මැද වේල පිරිමසා ගනිමින් දෙව්මිනිගේ අධ්‍යාපනය ඉදිරියට ගෙන ගිය රෝගී මවට ගංවතුරට ගසාගෙන ගිය තම නිවෙස නැවත තැනීම සිහිනයක් පමණක් බව ඇයගේ මව මාධ්‍යයට කර තිබූ ප්‍රකාශය මාධ්‍යයෙන් දුටු සිරිසේන මහතා අද(15) එම ප්‍රදේශය නිරීක්ෂණය කර සුදුසු ස්ථානයක නිවෙසක් ඉක්මනින් ඉදිකර දෙන බවට දැරියගේ මවට පොරොන්දු විය.

දෙවිමිණී අධ්‍යාපනයට දක්ෂ දරුවෙකි.පන්තියේ පළවෙනි තැන ලබාගන්නා ඇය ලබන වසරේ ශිෂ්‍යත්ව විභාගයට පෙනීසිටීමට නියමිත ය.මෙම දියණිය මෙම වසරේ ශිෂ්‍යත්ව විභාගයේ ආදර්ශ ප්‍රශ්න පත්‍රවලට මෙවර ශිෂ්‍යත්ව විභාගයට පෙනීසිටින දරුවන් සමග එකට පිළිතුරු ලියා පාසලේ වැඩිම ලකුණුද ලබාගෙන ඇත. පියාද අහිමි දෙව්මිනිගේ මව ඇය පෝෂණය කරනු ලබන්නේ රෙදි මැසිමෙනි.
නිවෙස ඉදිකිරීමට ඉඩමක් ලබා ගැනීම සඳහා දහම් සිරිසේන මහතා අද කිරිඇල්ල නැඳුන් රජමහා විහාරස්ථානයේ නායක ස්වාමින්වහන්සේ හඳපාන්ගොඩ මහින්ද නායක ස්වාමින් වහන්සේ සහ හිටපු ශ්‍රීපාදස්ථානාධිපති හඳපාන්ගොඩ විමල නායක ස්වාමින්වහන්සේ මුණ ගැසී මේ පිළිබඳව සාකච්ඡා කළේය.

එහිදී නායක ස්වාමින් වහන්සේ රජයේ වැඩපිළිවෙළ යටතේ මෙම නිවෙස සාදනු ලබන්නේදැයි විමසූ අවස්ථාවේ දී දහම් සිරිසේන මහතා කීවේ රජයේ කිසිදු ප්‍රතිපාදනයක් ලබා නොගෙන තම හිතවතුන්ගේ ආධාර උපකාර ලබාගෙන මෙම දැරියට නව නිවෙසක් ඉදිකර දෙන බවයි.

ඉන්පසු නායක ස්වාමීන් වහන්සේ ප්‍රකාශ කළේ එම නිවෙස ඉදි කිරීම සදහා රජමහා විහාරස්ථානයට අයත් පර්චස් 20ක ඉඩමක් ලබාදීමට සූදානම් බවත් නිවෙස ඉදිකිරීමට මුල් ගල තබන දින එහි වැඩම කර සෙත් පිරිත් සජ්ඣායනා කිරීමට ස්වාමීන් වහන්සේ වැඩම කරන බවත් ය.

අදහස් (12)

නිවහන අහිමි වූ දෙවිමිණීට ජනපති පුතුගෙන් සෙවණ

Lapaya Thursday, 15 June 2017 02:13 PM

දුක් මහන්සියෙන් හම්බකපු සල්ලි වලින් වෙන්න ඇති. අනේ පින් ගොඩයි.

: 88 222

mohanFriday, 16 June 2017 05:43 AM

අනේ ලපයෝ, පෙන්නේ නැද්ද කියල තියෙනවා සල්ලි හොයාගන්නේ කොහොමද කියල.

: 184 333

shan saudi Saturday, 17 June 2017 04:25 AM

ලපයෝ මේවා කරන්නේ අර ගල්අගුරු ගෙන්නලා ගහගත්තු මිලියන 600 ,හමුදා මුලස්ථානය සන්ග්රිල්ල එකට විකුණා ගත්ත කෝටි ගානයි හම්බන්තොට ඉඩම් හෝටල් වලට දීල හම්බුනා කෝටි ගානයි වියදම කරලා මේවා කරන්නේ තමයි මේ ජනතා සේවය කරන්නේ

: 16 35

Chanak Los angeles Friday, 16 June 2017 05:05 AM

පැහැදිලිවම කියලා තිබෙනවා නේද රජයේ ප්‍රතිපාදන වලින් නොව තම හිත මිතුරන් මගින් නිවස ඉදිකර දෙන්නේ කියල ..

: 124 562

රෝහිත Friday, 16 June 2017 05:43 AM

අර කෘතීම පුතාට වඩා තාත්වික බවක් තියනවා වගේ හැබැයි

: 194 415

ධම්ම Friday, 16 June 2017 09:26 AM

අනේ අපේ තාත්තාත් ජනාධිපති වෙච්ච දවසක මටත් පුළුවන් වෙයි මෙහෙම උදවු කරන්න. අපේ තාත්තා ජනාධිපති වේවා!

: 1 289

sarath Friday, 16 June 2017 02:38 PM

සුබ පැතුම් දහම්

: 65 206

C.K.Lankaputhra Friday, 16 June 2017 11:54 PM

කවුරුන් හෝ හෙඳවැඩක් කරන කොට එකත් අවඥාවට ලක් කරන්නෙ කුහක සිත් වල තරම සමහරෙකුගේ අදහස්වලින් පේනවා කනගාටුයි

: 44 1

shan saudi Saturday, 17 June 2017 04:18 AM

අපේ රටේ ඉන්න ජනතාවගේ මානසිකත්වය මේ අදහස් වලින් පේනවා අනෙක් උන් රටේ ධනය හොරකම් කරමින් යනකොට උන්ගේ සුඛ විහරණ හද ගන්නකොට රටේ ඉන්න ගනිකාවන්ට කෝටි ගණන්වල වාහන පුජා කරනකොට ජනතාවට ජීවත් වෙන්න බැරි තරමට ජීවන බර වැඩි කරමින් උන්ගේ බැංකු පොත් පුරෝගන්නකොට එකෙකුගේවත් අස් පෙනුන් නැ කෙනෙක් යමක් කරනකොට මහජනතාව වෙනුවෙන් එකට අවලාද කියන්න උන් නම් ඉන්නවා

: 2 0

රොමේෂ් Saturday, 17 June 2017 06:36 AM

මේවා කරන්න ඕන ඔයාගේ තාත්තා ලොක්කා වෙලා ඉන්න ආණ්ඩුව. ඒක එයාලගේ වගකීමක්. රඟපාන වෙලේ ඒ පොඩ්ඩ තාත්තට මතක්කරලා දීල, නිවාස කැඩුන හැමෝටම සාධාරණයක් වෙන වැඩපිළිවෙලක් හදන්න පෙළඹෙව්වනම් මීටවඩා වටිනවා. මේ වියදම් කරන්න යන සල්ලි ඒ දරුවාගේ අධ්‍යාපනයට ලබාදීලා.

: 21 68

isurandi Sunday, 18 June 2017 04:10 AM

මොන ක්‍රමයකින් හරි කමක් නැහැ. අසරණ දරුපවුලකට සෙවණක් ලැබෙනවා නම්....!!!

: 0 1

saman Sunday, 18 June 2017 04:25 AM

උපන් දා සිට කරපු පව් නැත වරක් වැන්දොත් කැලණියේ........

: 0 6