(චමිල් රුපසිංහ)

මහනුවර ඇසළ පෙරහර මංගල්‍යයේ දෙවන කුඹල් පෙරහර ශ්‍රී දළදා මාලිගාව අභියසින් අද (17) දකුණු දිශාභිමුඛව ගමන් කිරීම ඇරඹුනි.

මහනුවර ‍ඓතිහාසික ඇසළ පෙරහර මංගල්‍යයේ දෙවන කුඹල් පෙරහරේ සදාතුක කරඩුව වැඩම කරන ලද්දේ ඉන්දි රාජා හස්තියා මතිනි.

ශ්‍රී දළදා මාළිගාවේ පෙරහර නාථ,විෂ්ණු,කතරගම හා පත්තිනි යන සිවුමහා දේවාල වල පෙරහැර සමගින්,ඩී.එස් සේනානායක වීදිය,ඔස්සේ රජවීදියෙන් ඉහළටවිත් ගෙවැදීමට නියමිතය.

ඊයේ (16) ඇරම්භ වුණු කුඹල් පෙරහර අගෝස්තු මස 20 දින දක්වා වීදී සංචාරය කිරීමෙන් අනතුරුව රන්දෝලි පෙරහර අගෝස්තු මස 21 සිට 25 දක්වා පුරාදින පහක් වීදී සංචාරය කිරීමට නියමිතය.

මහනුවර ඓතිහිසික ශ්‍රී දළදා මාලිගාවේ මෙම වසරේ ඇසළ මහා මංගල්‍යයයේ අවසන් රන්දෝලි පෙරහැර අගෝස්තු මස (25) රාත්‍රී වීදි සංචාරය කර (26) දින පැවැත්වෙන දහවල් පෙරහැර විදි සංචාරය කිරිමෙන් මෙවර ඇසළ මංගල්‍යයේ අවසානය සනිටුහන් වන බව දියවඩන නිළමේ ප්‍රදීප් නිලංග දෑල මහතා පවසයි.

‍ඓතිහාසික ඇසළ පෙරහර මංගල්‍යයේ තුන්වන කුඹල් පෙරහැර 18 දින පස්වරු 7 පසුවි විනාඩි 41 ට දකුණු දිශාමුඛව ගමන් ආරම්භ කිරීමට නියමිතය.

පෙරහැර පිටත්ව දළදා වීදිය,ඩී.එස්.සේනානායක වීදිය,කොළඹ වීදිය,ඊ.එල්.සේනානායක වීදිය,ඔස්සේ රජ වීදියෙන් ඉහළටවිත් ගෙවදීමට නියමිතය.