ලංගම බසය විය සුබ ගමනට පිහිට

දරු සෙනෙහසක සිහිනය ළං වී සිතට

දෙහදක මල් පැතුම් සුපිපී නැගි මුවට

එක්වන රිසින් නෑදෑ පිරිවර මැදට

ලංගම බසය විය සුබ ගමනට පිහිට - පද ආරියසේන හඳුවල

(ප්‍රියන්ත දසනායක සහ අජිත් ලංකාතිලක)

අකුරැස්ස මාරඹ ප්‍රදේශයේ විවාහ වූ තරුණ යුවළක් සිය මංගල ගමනට පාර ප්‍රවාහන ලංගම බස් රථයක් යොදාගත් අයුරු ලංකාදීප කැමරාවේ සටහන් වුයේ මේ අයුරිනි.

පවතින ඉන්ධන, ආර්ථික අර්බුදය නිසා මෙම තීරණය ගත් බ නව යුවතිපතිහු පවසති.

ඉතාම චාම්ව හා අභිමානවත්ව පැවති මංගල උත්සවය රටට බරක් නොවන අයුරින් සැලසුම් කළ කළ බව මාරඹ ඉදිකටුදෙනිය, විතානගිරි නිවසේ පදිංචි දමිත් ප්‍රියදර්ශන මනාල මහතා පැවැසීය.

සිය බිරිඳ වූ ඉසංකා මදුෂාණි සමග මාරඹ උත්සව ශාලාවකදී විවාහ වූ ඔවුන් දෙපළ නෑදෑ හිතමිතුරන්ට ආහාර පානවලින් සංග්‍රහ කොට පසුව අකුරැස්ස සිට දෙනියාය බලා ධාවනය වන බස්‍ රථයකින් නිවස වෙත පැමිණි බවත් දමිත් මහතා වැඩිදුරටත් පැවසීය.

අදහස් (6)

ලංගම බසය විය සුබ ගමනට පිහිට

Nimal Monday, 30 May 2022 02:03 PM

පම්පෝරි ගහන කාට කාටත් නියම ආදර්ශයක්... ඔබ දෙපළට ජයවේවා. විවාහ දිවියත් සාර්ථක වේවා..!

: 3 111

swiss Monday, 30 May 2022 02:26 PM

පලමුව සුභ පැතුම මේ යුවලගෙ මංගල දිවියට...!! ඒ වගේම අපේ මතකයට ආවා. පෙලපාලිවල පෙට්ටිය කරේ තියාගෙන අවමංගල ගමන් "" ප්‍රී-ෂූට් "" කරපු අයවත්..!

: 4 55

Eranga Monday, 30 May 2022 03:29 PM

කාටවත් ආදර්ශ දෙන්න ඕනෑ නම් කරන්න ඕනේ ඔය විදියට මගුලක්වත් නොකා රෙජිස්ට්‍රාර් ගාවට ගිහින් අත්සන් කරලා විවාහ වෙන එක. උත්සවශාලා වලට ගිහින් කාල බීලා එන්න පුළුවන් නම් වාහනයකට වියදම් කරන්න සල්ලි නැතුව නෙවෙයිනේ. මේකත් එක සෝබන වැඩක් විතරයි...

: 32 49

රාවණා Monday, 30 May 2022 04:42 PM

මීඩියා වල හිට් වෙන්න කට්ටිය නොයෙකුත් දේවල් කරනවා මේ දවස්වල... පාපැදිවල වැඩට යනවා, බස් වල දෙවැනි ගමන් යනවා, මඟුල් ඇදුමින් අරගලයට යනවා.. වැරැදිලා හරි බස් එකේ සීට් එකක් ලැබුණේ නැතිනම් හිටගෙන යනවද?

: 15 42

Bunny Preena Tuesday, 31 May 2022 09:25 AM

මනමාල යුවලට මගේ උණුසුම් සුබ පැතුම්.. පොල් පැටෙවුවා වගේ සෙනග ඉන්න බස් එහෙක නැග්ගත් මනමාල යුවලකට සීට් එකක් දෙන්න මගී ජනතාව බසුබට වෙනනෙ නැහැ.

: 2 16

sharm warn Wednesday, 08 June 2022 12:36 PM

එක එක්කෙනා මේක කැමැති විදිහට දකීවි. මම නම් හිතන්නේ මේ දෙන්නා තමන්ගේ ලස්සන දවස ලස්සනට සමරලා ජීවිතයට අනවශ්‍ය බරක් හදාගන්නේ නැතිව අලුත් ජීවිතයක් පටන් ගන්න හොඳම දෙයක් කළා කියලා.. නිකන් ලියාපදිංචි කරන්න කියලා එයාගේ ලස්සන දවස පහත් කරන්න අපිට අයිතියක් නැහැනේ.

: 0 0