(ප්රියානි මංගලිකා )
ගිල දැමූ හක්කපටස් පිපිරීමෙන් තුවාල ලබා නිකවැරටිය වනජීවි පශු වෛද්ය ඒකකයට ඇතුළත් කළ හැළ කිඹුලාට අද (04) එම නිලධාරීන් ප්රතිකාර ආරම්භ කර තිබේ.
අඩි පහක් පමණ දිගින් යුතු කිඹුලාගේ මුඛයට සහ අතකට හක්ක පටස් පිපිරී යාමෙන් දැඩි හානි සිදුව ඇති බවද, ගල්ගමුව වනජීවි නිලධාරීන් වැවක් අද්දර අසාධ්යව කිඹුලා වැටී සිටියදී සොයාගත් බවද පශුවෛද්ය ඒකකය පවසයි.
අනතුරට ලක්වූ හැළ කිඹුලා දැඩි ලෙස තුවාල ලබා, ආහාර ගැනීමටද නොහැකිව ඉතා අසාධ්ය තත්වයෙන් පසු වන බවද, කඩිනම් ප්රතිකාර ආරම්භ කළ බවද වනජීවි පශුවෛද්ය ඒකකය පවසයි.
ආහාර සොයා ගිය කිඹුලා වන අලින්ට අටවා තිබු හක්කපටස් ගිල දමන්නට යෑමේදී අනතුරට ලක් වන්වන්නට ඇතැයි වනජීවි නිලධාරීහු සැක කරති.
නිකවැරටිය වනජීවි පශුවෛද්ය ඒකකය බාර, වයඹ වනජීවි පශු වෛද්ය ඉසුරු හේවාකෝට්ටගේ, අඩවි සහකාර මංජුල විජේපාල, නියාමක නිලධාරීන් වන ලලිත් පෙරේරා, සපුමල් බණ්ඩාර, ලක්ෂිකා ජයසුන්දර, සුගත් විජේසිංහ, රියදුරු හේරත් යන පිරිස කිඹුලාට ප්රතිකාර කරති.
ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්රයක් ශ්රී ලංකාවට හඳුන්වා දී තිබේ.
ජනාධිපති රනිල් වික්රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.
විශ්ව විද්යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්රියාත්මක කළ ක්රියාමාර්ගය නිමාකරමින් අද සිට පේරාදෙණිය විශ්ව විද්යාලීය පීඨ නමයෙහ
සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.
විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්රේර් මෙනවිය කිරු
සිංහල අලුත් අවුරුද්දේ ප්රධානම චාරිත්රය වන වැඩ අල්ලීම සහ ආහාර අනුභවය කිරීමේ නැකත උදා විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
හක්කපටස් පිපිරී තුවාල වූ හැළ කිඹුලාට වනජීවි ඒකකයෙන් ප්රතිකාර
පූජා Tuesday, 04 August 2020 10:10 AM
අනේ, මේ සතාට කරලා තියෙන අපරාධයක්... මෙයා මේක හැපුවෙ නැත්නම් ඔකට අහුවෙන්නේ,වනයේ සැරිසරන අලියෙක් හෝ අලි පැටියෙක් නේද.? මොන තරම් වේදනාවක් විඳිනවා ඇත්ද මේ අසරණ සතුන්?
විජිත් Tuesday, 04 August 2020 01:33 PM
මට ඔය හක්කපටස් තියපු "නොමිනිසා " අහුවුණා නම්... අල්ලාගෙන ගිහිල්ලා හක්කපටස් එකක් කවනවා. මේ වගේ අය මේ ලෝකෙට ඕනෑ නැහැ. අපායෙන් ලොකු ඉල්ලුමක් තියෙනවා ඔය නරුමයින්ට..
පූජාTuesday, 04 August 2020 01:49 PM
ඇයි දෙයියනේ මේ අසරණ සතාට සිදුවූ විපත ගැන දුක්වෙන්නේ මම විතරද? කෝ මහ ලොකු පරිසරවේදීන්? මැතිවරණය නිසා අතුරුදහන් වෙලාවත්ද?
සමිත සේනක අලුත්ගමගේ.Tuesday, 04 August 2020 04:39 PM
ඇත්තටම අප ජීවත්වෙන්නේ මේ වගේ වැඩ කරන තිරිසන් නොමිනිසුන් සමග නේද ? මේ නම් මේ ඡායාරූපය දක්කාම ඇඟ හිරි වැටුණා.
සමිත සේනක අලුත්ගමගේ.Wednesday, 05 August 2020 04:41 AM
මේ සතාගේ මුහුණට වෙලා තියෙන දේ දැක්කම මට පුංචි හිසරදයක් සමග මහා දුකක් දැනුනා. මේ වන සතුන් මේ අයුරින් විනාශ වීම දෙස බැලීමේදී තවත් කලක් යනකොට මොන වගේ තත්ත්වයක් අපේ රටේ පරිසරයට වී තිබේදැයි සැකයක් මතුවෙනවා. කෙසේ වෙතත්, මෙවන් අමානුෂික ක්රියා මේ රටේ සිදුවීම ඉතාමත් පිලිකුල් සිතින් බැහැර කළ යුතු දෙයක්. කරුමය කියන්නේ මේවට වගකිවයුතු දේශපාලනඥයන් ඇස් කන් පියාගෙන සිටීමයි.
පූජාWednesday, 05 August 2020 06:44 AM
පරිසරයට ආදරය කරන මගේ ආදරණීය මිතුරනි, මම හිතලා ලිව්ව දෙයක් නොවෙයි. මේ අසරණ සතාට වෙලා තිබෙන විපත දැක හිතේ දුකටයි එහෙම ලියැවුනේ.. මම දන්නවා ඔබ දෙපළ මටත් වඩා මේ වන ජීවින්ට ආදරය කරන බව. හිත රිදුණා නම් මට සමාව දෙන්න...