සමිත සේනක අලුත්ගමගේ. Monday, 24 August 2020 02:51 AM

වගා ළිඳ උනාට වතුර නම් නෑ. පායන කාලෙ හින්දාද දන්නෙ නෑ. අටවපු උගුලක් ද දන්නෙත් නැහැ. කෙසේ වෙතත්, මේ අලි මිනිස් ගැටුම හා ප්‍රශ්නය පුදුමාකාර සංකීර්ණ දෙයක්. මිනිසුන් අලින්ට අයිති කැලේ වගා කරලා අලින් කොටුවෙලා. ඒ නිසා ඔවුන් තමන්ගේ පෙර නිජ බිම් වලට පැමිණෙනවා. ඒ වන විට මිනිසුන් වගා කළ ඉඩම් වලට ඔප්පු තිරප්පු හදාගෙන. ඒත්, ඒවායේ අයිතිය අලි ඇතුන්ට බව, වන සතුන්ට බව සොබා දහමට අනුව සතුන් දන්නවා. ඒ නිසා ඔවුන් ප්‍රචණ්ඩ වෙනවා ඇති. මෙන්න මේ නිසා තමයි අලි මිනිස් ගැටුම ආරම්භ වෙන්නේ. මේ වනාන්තර වල වගා කරගෙන ඉන්නා අසරණ මිනිසුන් ගැන අපට හැඟීමක් නැතුවා නොවෙයි. ඒත් එහෙමයි කියලා අසරණ වන සතුන් මොනව කරන්නද .. ? මේ මහ පොළොව ඒ වන සතුන්ටත් අයිතිබව මිනිසා සිතන්නේ නැහැ.