ගුවන් හමුදාව හෙලිකොප්ටර් යානා ගුවන් ගිලන් රථ බවට පෙරළයි

(ඩිල්ෂානි චතුරිකා දාබරේ)

කොරෝනා වයිරසය ආසාදනය වූ පුද්ගලයකු රැගෙන යාම සඳහා අවශ්‍ය පහසුකම් ඇතුළත් කරමින්, ගුවන් හමුදාව විසින් එම් අයි-17 දරන හෙලිකොප්ටරය ගුවන් ගිලන් රථයක් බවට පත්කර නවීකරණය කර නිමවීමේ කටයුතු ඉකුත් දා සිදුකරන ලදී.

ගුවන් හමුදාපති එයාර් මාර්ෂල් සුමංගල ඩයස් මහතාගේ උපදෙස් මත, ගුවන්යානා ඉංජිනේරු අධ්‍යක්ෂකවරයාගේ මෙහෙයවීම අනුව, අංක 6 දරන හෙලිකොප්ටරය බලගණය එහි කටයුතු සඳහා දායක වූයේය.

නවීකරණයට ලක් වූ මෙම හෙලිකොප්ටරයෙහි රෝගීන් 12දෙනෙකු එකවර රැගෙන යා හැකි අතර ගිලන් සයන 12ක් ද තැබීමට පහසුකම සලසා ඇත.

මෙම ගුවන් ගිලන් රථය සමඟ ගුවන් හමුදා කාර්ය මණ්ඩලය සහ වෛද්‍ය ඒකකය හදිසි අවස්ථාකවදී ක්‍රියාකිරීම සඳහා කටුනායක ගුවන් හමුදා කඳවුරෙහි සූදානම් ව සිටිති.

(ඡායාරූප - ගුවන් හමුදා මාධ්‍ය අංශය)

අදහස් (7)

ගුවන් හමුදාව හෙලිකොප්ටර් යානා ගුවන් ගිලන් රථ බවට පෙරළයි

Raveendra Tuesday, 24 March 2020 04:15 AM

මෙම අවදානම් අවස්ථාවේ රටවැසියන්ගේ ආරක්ෂාවට ඉදිරිය ගැන සිතා ඔබලා ගත් තීරණ අප අගය කරන්නෙමු.

: 0 164

Lion Tuesday, 24 March 2020 08:11 AM

රටවැසියට කෙසේවෙතත් දේශපාලුවාට ඔය සේවය ලැබෙයි.

: 461 504

සෑම් Tuesday, 24 March 2020 09:47 AM

මිග් යානා වලින් සහ එයාර් බස් ගනු දෙනුවලින් රජ පවුල ගසා කාපු සල්ලිවලින් දිස්ත්‍රික්කයකට ඔරිජිනල් ඇම්බ්යුලන්ස් හෙලිකොප්ටර් අඩුම තරමේ දෙක ගානේ දෙන්න තිබුණා. දැන් තමයි ජනතාවට හොඳ අවස්ථාව රජ පවුලේ ගසා කෑමේ තරම තේරුම් ගන්න.

: 966 450

තරිඳු Tuesday, 24 March 2020 12:19 PM

මේ වගේ අවස්ථාවක දේශපාලන කොන්ත්‍රාත්තුවක් වෙනුවෙන් කඩේ යන ඔබ වගේ මිනිසුන් සිටිම ගැන පුදුම නොවෙමි. මන්ද අර මල් වගේ දරුපැටවුන් ටිකක් හංගාගෙන නිරෝධායන වැඩසටහන මගහැරීමට කටයුතු කළ වැඩිහිටියන් සිටින රටක..

: 21 727

JayWednesday, 25 March 2020 12:52 AM

හැම ‌දේටම දේශපාලනේ ගාවාගන්නේ නැතුව මේ වෙලාවේ කරගෙන යන වැඩ වලට සහයෝගය දෙන එකයි හැමෝගේම වගකීම. වයිරස් එකට දේශපාලනය සහ තමුන්ගේ පක්ෂය කුමක්ද කියන එක අදාළ නැති බව හොඳින් තේරුම් ගන්න. මොකක් කළත් පක්ෂයකට බනින එක තමා සමහරක්ගේ වැඩේ.

: 0 107

Loku AppuWednesday, 25 March 2020 09:16 AM

දරුවනි, ඇත්ත පැවසීමට කාලයක් අවශ්‍යය නැත.

: 0 30

vipula Wednesday, 25 March 2020 01:56 AM

පෙර සුදානම අගය කොට සලකමි.

: 0 39