ජනපති පොත් ප්‍රදර්ශනය බලන්න යයි

(අංජුල මහික වීරරත්න)

ශ්‍රී ලංකාවෙන් විදේශ රටවලට ගෙන ගොස් ඇති දුර්ලභ සහ ඓතිහාසික වටිනාකමකින් යුතු ග්‍රන්ථ හා ලිපි ලේඛන ඇතුළත් විශේෂ පොත් ප්‍රදර්ශනයක් 75 වන නිදහස් සමරුවට සමගාමීව සංවිධානය කිරිමට අපේක්ෂා කරන බව ජනාධිපති රනිල් වික්‍රමසිංහ මහතා පැවසීය.

ජනාධිපතිවරයා මේ බව සඳහන් කළේ කොළඹ බණ්ඩාරනායක අනුස්මරණ ජාත්‍යන්තර සම්මන්ත්‍ර ශාලා පරිශ්‍රයේ දී 23 වන වරටත් පැවැත්වෙන කොළඹ ජාතික පොත් ප්‍රදර්ශනය නැරඹීමට අද (22) පෙරවරුවේ සහභාගී වූ අවස්ථාවේ දී ය.

නිදහස් සමරු පොත් ප්‍රදර්ශනය සඳහා ශ්‍රී ලංකා පොත් ප්‍රකාශකයන්ගේ සංගමයේ ද සහාය ලබා ගැනීමට බලාපොරොත්තු වන බව ජනාධිපතිවරයා පැවසීය.

අද පෙරවරුවේ ප්‍රදර්ශන භූමිය වෙත පැමිණි ජනාධිපති රනිල් වික්‍රමසිංහ මහතා ශ්‍රී ලංකා පොත් ප්‍රකාශකයන්ගේ සංගමයේ සභාපති සමන්ත ඉන්දීවර මහතා ඇතුළු පිරිස විසින් පිළිගනු ලැබීය. ශ්‍රී ලංකා පදනම් ආයතනයේ සභාපති සමන් අතාවුදහෙට්ටි, පොත් ප්‍රකාශකයින්ගේ සංගමයේ සාමාජිකයන් වන විජිත යාපා, එච්.ඩී. ප්‍රේමසිරි, ආරියදාස වීරමන්,අතුල ජයකොඩි යන මහත්වරු ද මෙම අවස්ථාවට එක්ව සිටියහ.

මෙවර පොත් ප්‍රදර්ශනයට දෙස් විදෙස් පොත් ප්‍රකාශකයන්ගේ කුටි 400කට වැඩි ප්‍රමාණයක් ඇතුළත්ව ඇති අතර එම ප්‍රදර්ශන කුටි වෙත යමින් ඒවා නිරීක්ෂණය කළ ජනාධිපතිවරයා පොත් ප්‍රකාශකයන් සහ ලේඛකයන්ගේ තොරතුරු විමසමින් කෙටි කථා බහක නිරත විය.

ජනාධිපති රනිල් වික්‍රමසිංහ මහතා ප්‍රදර්ශන භූමිය වෙත පැමිණ සිටි ජනතාව සමග ද සුහද කතා බහක නිරත විය.

අදහස් (12)

ජනපති පොත් ප්‍රදර්ශනය බලන්න යයි

amila Thursday, 22 September 2022 02:31 PM

එක පොතක් හරි කියවලා තිබ්බ නම් අද අපිට හොඳ රටක්තියනවා. මේ ගොල්ලෝ අපිට පෙරලන්නේ වෙනම පොත්නේ.

: 24 32

අප්පුහාමි Thursday, 22 September 2022 02:56 PM

ඇත්තටම අධිරාජ්‍යවාදී කාලයේ මෙරටින් ගෙනගොස් විවිධ රටවල තියෙනවා කියන පොත් ආපසු ගන්න බැරිනම් ඒවායේ පිටපත් ගෙනැවිත් මුද්‍රණය කර ජනතාවට ගන්න ක්‍රමයක් හදන්නවත් බැරිද? ඒ ගැන අවධානය යොමුවේවා.. ඒ අතරම කිරිඇල්ලේ වෙද හාමුදුරුවෝ ලියූ වෙදපොත් වැනි වටිනා පොත් අනාගත පරපුරට ගැනීමට සලස්වනවා නම් ඉමහත් සේවයක් වෙන්න පුළුවන්..!

: 0 40

චන්දීම Thursday, 22 September 2022 04:34 PM

අර නැතිවුනා කියන පොතුත් ඔතන තියෙනවද?

: 62 21

රුවන් Thursday, 22 September 2022 04:38 PM

මේ වගේ නිහතමානී නායකයෙක් මුළු රටේම වාසනාවක්.

: 42 31

Rata Perata Thursday, 22 September 2022 04:47 PM

විලච්චියේ දරුවෝ කන්න නැතුව සිහිනැති වෙලා වැටෙනවා. අපේ රටේ නායකා රැජිණ මළගෙදර යනවා. පොත් ප්‍රදර්ශනය බල්නන යනවා. මිහිනහට කිසි ගාණක් නෑ. රටේ කරු‍ෙම.

: 54 33

Akila Thursday, 22 September 2022 06:25 PM

දැන් බබා හම්බවෙන්න ළඟයි වගේ...!

: 51 5

chandima Thursday, 22 September 2022 08:46 PM

පොතක් ගහනවා කියන්නේ අනික් පැත්තෙන් ගහක් කපනවා කියන එකයි. නවීන ක්‍රමයට දියුණු වෙන්න හිතන ආණ්ඩුව මේ පෝසත් සේරම ඩිජිටල් ක්‍රමයට හරවලා තියාගත්තා නම් රටේ අස්සක්මුල්ලක් නෑර, සෑම කෙනෙකුටම එකවරම පොත පරිශීලනය කරන්න පුළුවන් වෙනවා. නමුත් මුද්‍රිත පොතක් එක්වරකට කියවිය හැක්කේ එක් අයෙකුට පමණයි...

: 38 2

kamal Thursday, 22 September 2022 08:49 PM

ඔතන තියෙනවාද පිනට දෙන පොත්?

: 23 2

මාලිනි Thursday, 22 September 2022 11:47 PM

ගෙදර පොත් ලයිබ්‍රරියක් තිබ්බාට එක පොතක් කියෙව්වේ නැහැ.. මාධ්‍යයට පේන්න පොත් ලයිබ්‍රරිය පිටි පස්සෙන් තියාගත්තා. මතක නේද මැන්ගේ බිල් ක්ලින්ටන් පොත..? හැම මාධ්‍ය සාකච්ඡාවකම පිටිපස්සේ පේන්න තිබුණා. ගෙදර උඩ තට්ටුවේ සිට පහත තට්ටුවට, මාධ්‍ය සාකච්ඡාව තියෙන තැනට...!

: 23 2

Perera Friday, 23 September 2022 12:31 AM

පිනාධිපති එක්ක සෙල්ෆි ගහන්නේ... මේ අයට මොංගල්ද?

: 19 3

Lal Friday, 23 September 2022 08:02 AM

සුබපැතුම් ජනාධිපතිතුමනි...,

: 5 11

Bamunuarachchi Friday, 23 September 2022 05:13 PM

ඔය යන්න ඇත්තේ අර නැතිවෙච්චි පොත් ඔතැන තිබෙනවද කියා බලන්න වෙන්න ඇති...?

: 18 1

ඔබේ අදහස් එවන්න

සේයා රූ

ට්‍රම්ප් දිනුම්

2024 නොවැම්බර් මස 06 6541 17

රිපබ්ලිකන් ජනාධිපති ධුර අපේක්ෂක හිටපු ජනාධිපති ඩොනල්ඩ් ට්‍රම්ප් සහ ඩිමොක්‍රටික් පක්ෂ ජනාධිපති ධුර අපේක්ෂිකා, වත්මන් උප ජනාධිපතිනී කමලා හැරිස් අතරේ

විදුලියට නව පිටුවක් ජපානය පෙරළයි

2023 අප්‍රේල් මස 19 6229 11

ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්‍රයක් ශ්‍රී ලංකාවට හඳුන්වා දී තිබේ.

ජනපති නව වසරේ වැඩ අරඹයි

2023 අප්‍රේල් මස 17 7658 25

ජනාධිපති රනිල් වික්‍රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.

අලුත් අවුරුද්දේ පේරා සරසවි ඇදුරෝ ගත් තීරණය

2023 අප්‍රේල් මස 17 18306 10

විශ්ව විද්‍යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්‍රියාත්මක කළ ක්‍රියාමාර්ගය නිමාකරමින් අද සිට පේරාදෙණිය විශ්ව විද්‍යාලීය පීඨ නමයෙහ

තැන තැන නැකතට හිස තෙල් ගාති

2023 අප්‍රේල් මස 16 1277 0

සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.

ජර්මනියෙන් ආ අවුරුදු කුමාරිය

2023 අප්‍රේල් මස 14 9454 2

විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්‍රේර් මෙනවිය කිරු