සමිත සේනක අලුත්ගමගේ. Friday, 03 July 2020 12:50 PM

බෝදිලිමා යනු කටුසු විශේෂයකි. බෝදිලිමා, බෝදිලි මුවා, යක්කටුස්සා ආදී වශයෙන් බෝදිලිමා හඳුන්වනු ලබයි මේ සතා නපුරු දරුණු පෙනුමක් තිබුණාට බොහෝවිට මොවුන් අහිංසකයින් වෙති. කොළකටුසු පවුලට අයත් කටුස්සන් ලිසාඩ් යනුවෙන්ද, දුඹුරු කටුස්සන් කෑමලියොන් යනුවෙන්ද හැඳින්වේ. මා වසර 8ක කාලයක් තිස්සේ කටුස්සන්ගේ ඡායාරූප ගෙන තිබුණත් මෙවන් විශාල බෝදිලිමෙකුගේ ඡායාරූපයක් ගෙන නැත. බහුලව දක්නට ලැබෙන කොළ කටුස්සා මෙන් නොව බෝදිලිමාගේ ඇලෙනසුලු දිව වඩා දුරක් දික්කොට සතුන් අල්ලා ගනී. සාමාන්‍ය කොළ කටුස්සා එසේ නොව වේගයෙන් දිව ගොස් සතා අල්ලාගනී. කටුසු වර්ග පරිසරයට අනුව තම වර්ණය වෙනස් කර ගනී එය ඔවුන්ගේ සන්නිවේදනය සඳහාද බියවූ විටද ආදී වශයෙන් යෙදෙන දෙයකි. කොළපාට කටුස්සා මිනිසා සපා නොකන අතර දුඹුරු කටුස්සා හෙවත් කෑමලියොන් සපා කන අවස්ථා ඇත.. දෙවතාවක් කටුස්සන් මා පසුපස එළවු අවස්ථා ඇත. එහෙත්, බෝදිලිමා ඇතුළු කොළ කටුස්සන් අහිංසකයෝ වෙති. දුඹුරු කටුස්සන් මෙසේ අල්ලාගෙන සිටිය නොහැකිය. කූරන්, බත්කූරන් සමනළයින්, තණකොළ පෙත්තන් ආදී සතුන් මොවුන්ගේ ආහාර වෙයි. නයා, පොළඟා මොවුන් ආහාරයට ගැනීමට දැඩි ආශාවක් දක්වයි. මොවුන් ඡායාරූප ගැනීමේදී පරිස්සම්වීම වැදගත්...

සමිත සේනක අලුත්ගමගේ.Friday, 03 July 2020 03:19 PM

කටුස්සන් සම්බන්ධයෙන් මට සිනහ යන රසවත් අත්දැකීම් තියෙනවා. කටුස්සන් සමනලයන්, මී මැස්සන් තණකොළ පෙත්තන් අල්ලා කන හැටි මා දැක තිබෙනවා. දවසක් මා සුදු සමනළයෙකුගේ ඡායාරූපයක් ගනිමින් හිටියේ මැක්රෝ ලෙන්ස් එක තුළින්.. ලංකාවේ අය නොදන්නවාට මා මේ ඡායාරූප ගැනීමට අති දක්ෂයකු බව ලෝකය පිළිගන්නා කාරණයක්... පෙරකී සුදු සමනලයාගේ ඡායාරූපය ගෙන ඉවර වෙනවා සමඟම වේගයෙන් පැමිණි කටුස්සෙකු මගේ අතට උඩින් සමනලයාගේ ඇඟට පැන්නා... ක්ෂණයකින් මා සමනලයා ස්පර්ශ කළා. වහා පියාඹා ගිය සමනලයා අල්ලන්න කටුස්සා අඩි එකහමාරක් පමණ උඩ පැන්නා. මට හරි හිනා වැඩේට.. තවත් දිනෙක, නිදිකුම්බා මලක වසා සිටි මී මැස්සෙක්ටත්, මේ දේම වුණා. ඒ සතාගේ ජීවිතේත් මං බේරුවා. තවත් දිනෙක කොළ කටුස්සෙක් මා ඉදිරියේදීම තණකොළ පෙත්තෙකු ඇල්ලුවා. එය මා විශිෂ්ඨ ලෙස ක්ෂණිකව සේයාරුවට නැඟුවා.. එය ලොව විශිෂ්ඨ සේයාරුවක් ලෙස සම්මානයට පාත්‍ර වුණා. මේ සතුන් හා සොබාදහම කියන්නේ මා ඇතුළු පරිසර හිතකාමීන්ගේ ජීවිතයයි. මේ සුන්දර සතුට කෝටි ගානක් දීලාවත් ගන්න බැහැ. මේවා මේ රටේ අයට දැනගන්න ලැබෙන්නේ මේ ලංකාදීප පුවත්පතට මා ආදරය කාරණා නිසයි.

විජිත් Friday, 03 July 2020 03:57 PM

නියමයි.. සමිත. මේ දුර්ලභ ඒ වගේම පරිසර දාමයේ එක් පුරුකක් වන මෙයා ගැන... එයාගේ ඔරිජිනල් උප්පැන්න සහතිකයේ ඇති ඔක්කොම දත්ත ලස්සනට අපිට වැටහෙන විදිහට ඔයා කියලා දීලා තියෙනවා එකම එකක් හැර... ඒක මම අන්තිමට කියන්නම්. මේ ගොල්ලන්ගේ විශාල කට්ටිය අපේ රටේ ඉතාමත්ම විරලයි.. ග්රෑම් 400ත් අපේ රටේ විදිහට ලොකු ප්‍රමාණයක්... අප්‍රිකාවේ වෙසෙන මේ හාදයාගේ නෑයින්... කිලෝ 1 - 1.5 වෙන අවස්ථා ඕන තරම්ලු. වරක්.. මගේ හිතවත් දකුණු අප්‍රිකානු සුදු මිතුරියක්, ෆොටෝ මිටියක් පෙන්නුවා... ගෙදර අම්මා තාත්තා, නංගි... මේ ඔක්කොම පාට පාට තඩිම තඩි බෝදිලිමළාව වඩාගෙන ඉන්නවා. ඒ ගොල්ලන්ව ගෙදර අතහැරලාලු ඉන්නේ... දන්නවාද? අපේ ආච්චි කියලා තියෙනවා. බෝදිලිමාට ගල් ගහන්න එපා. එයා මැරුණොත්.. ආපහු එනවාලු. හරියටම රෑ 12.00ට මැරුණු බෝදිලිමා නැගිටිනවාලු.. නැගිටලා හෙමින් හෙමින් එයා මැරුව කෙනාගේ ගෙදරට එනවාලු... ඇවිත්.. බුලත් හෙප්පුවෙන් බුලත් කොළයක් අරන්, බුදු පහනේ තෙල් ටිකක් ගාලා ඒ කොලය බුදු පහනෙන් රත්කරලා.. එයාගේ තුවාල තවාගන්නවලු... ඊට පස්සේ එයාට අායෙත් එයාගේ ජීවිතය ලැබෙනවාලු.. ඔයාට ලියන්න අමතකවුණු කරුණ එයයි. පසුව හමුවෙමු...

පූජාSaturday, 04 July 2020 08:33 AM

සමිත සහ විජිත් හැම දෙයක්ම ලියලා තියන නිසා මට මෙහි ලියන්න දෙයක් ඉතුරු වී නැහැ.. මම මෙයාලා ගැන අහලා තියෙන්නේ වෙනස්ම කතාවක්.. ගැබිණියක්ව කවුරු හරි ඝාතනය කළොත්, එයා බෝදිලිමෙක් වී මරපු කෙනාගේ ගෙදර ළඟට වෙලා රෑ 12න් පසුව ඒ විදිහටම විලාප දෙනවලු.. මට මේ කතාව කීවේ මගේම නොවන හිතවත් ආච්චි අම්මා කෙනෙක්... මේක මගේ අදහසක් නොවන බව කරුණාවෙන් සලකන්න..

සමිත සේනක අලුත්ගමගේ.Saturday, 04 July 2020 09:23 AM

විජිත්, මම අසා තිබෙන්නේ වෙනත් කතාවක්.. සමහර ගම්වල ජනවහරේ පවතින්නේ බබෙක් ඉපදීමට ගිය අවස්ථාවකදී නැති වූ කාන්තාවක් බෝදිලිමා වෙස්ගෙන අවතාරයක් වී පැමිණෙන බවයි මේ මගේ අදහසක් නෙවෙයි.. සමාජයේ පවතින මතයක්.. සත්‍ය අසත්‍ය කුමක්දැයි කියා දන්නේ නැහැ.. මා වැරදි නම් දන්නා කෙනෙකු එය නිවැරදි කරන්න. වෙනත් මේ වගේ දේ දන්නා අය ඉන්නවා නම් කරුණාකර අප දැනුවත් කරන්න..

සමිත සේනක අලුත්ගමගේ.Sunday, 05 July 2020 03:48 AM

පූජා, මේවා ගැන, නොපෙනෙන ලොව ගැන ලොව දියුණුම රටවල පර්යේෂණ සඳහා විශාල ලෙස මුදල් වියදම් කෙරෙනවා... මේ පිළිබඳව තොරතුරු ගන්න විශ්වයට යවන්නේ, රන් (අවුරම්) තැටි. එයට හේතුව ඇවුරම් ලෝහයේ ඔක්සයිඩ නොබැඳෙන නිසා තොරතුරු වෙනස් වෙන්නේ නැහැ..

Champa Friday, 03 July 2020 04:15 PM

මේ ඉන්නේ කැමිලියන් කියන දුර්ලභ වර්ගයට අයිති සතෙක්. ශ්‍රී ලන්කන් කැමීලියන් අපට ආවේණික සතෙක්. ලෝකයේ දිගම කැමීලියන් අඩි දෙකහමාරක් වගේ. ඒ හින්දා මේ සතා අඩි දෙකක් දිගයි කියන්නේ හරිම දුර්ලභයි. මොවුන්ට විවිධාකාර විදහට පාට වෙනස් කරන්න පුළුවන් වගේම, අංශක 360කට ඇස කරකවන්නත්, එක පාර ඇස් දෙකෙන් දෙපැත්තක් බලන්න වගේම එකම තැනට ඇස් දෙක යොමු කරන්නත් පුළුවන්. තමන්ගේ ශරීර ප්‍රමාණය වගේ දෙගුණයක් විතර දුරට දිව දිගු කරන්නත් පුළුවන්. මෙයා බෝදිලිමෙක් කියලා කිව්වේ කොහොමද? මෙතන මූණත් වෙනස්. මෙයා කෑගැහැව්වද? බෝදිලිමාට හරිම අමිහිරි, භයානක, කන් පසාරු කරගෙන යන කට හඬක් තියෙන්නේ. හැතැප්ම භාගයක් විතර දුරට ඇහෙනවා රෑට කෑගහන කොට. බෝදිලිමා හෝ බෝදිලියා කියලා හරියටම කියන්න පුළුවන් ඒ හඬින් විතරයි.

lanka Friday, 03 July 2020 11:34 PM

මේ සතා හිටපු තැන ආරක්ෂිත නැහැ කියන්නේ කොහොමද? අලුතින් ගෙනියන තැන ආරක්ෂිතයි කියන්නේ කොහොමද? අලුතින් ගෙනියන තැන මේ සතාට බෝවීමට සහකරුවන් ඉන්න තැනක් නොවුණොත් මොකද වෙන්නේ? ඒ නිසා ඌට සුදුසුම තැන තමයි එතැන...

සරත්චන්ද්‍ර Saturday, 04 July 2020 12:07 AM

ඇයි මේ කලබලය? අර හම්බන්තොටින් මැද කොළඹට පැනපු බෝදිලිමා පාට වෙනස් කරමින් දාන සෙල්ලම් පෙනෙන්නේ නැද්ද? මේ බෝදිලිමා නම් දැනටමත් වඳවී යනවා වගෙයි පෙනෙන්නේ...

ලුම්බිණි Saturday, 04 July 2020 12:56 AM

චීන්නුන්ට එහෙම ඔය විස්තර දැන ගන්න තියන්න එපා.

anura Saturday, 04 July 2020 03:48 AM

අපොයි මේ සතාට දෙවියන්ගේම පිහිටයි. දැනටමත් මස් වැද්දෝ සැළැසුම් සකස් කරලා ඉවර ඇති.

පූජා Sunday, 05 July 2020 04:07 AM

සමිත, ඔබ ලීව මන බඳින විස්තරකිරීම් වලට ස්තුතියි.

පූජා Sunday, 05 July 2020 04:07 AM

සමිත, ඒ දීර්ඝ කරුනු දැක්වීම් ඇත්තෙන්ම මන බඳින සුලුයි. ඔබගේ සටහන කියවගෙන යන විට ප්‍රශ්නාර්තයක් සිතට නැගුනා. ඔබ කියනවා , කිසිවෙක් ඔබේ දක්‍ෂතා දන්නේ නැහැ කියලා..නිකම්ම වාචිකව කීවාම, දන්නේ කොහොමද සමිත,?