නුවර ඇසල පෙරහරට කප් සිටුවයි

( චමිල් රුපසිංහ)

මහනුවර ඓතිහාසික ඇසල පෙරහර මංගල්‍ය ආරම්භ කිරීම සඳහා සතර මහා දෙවාලයන්හි කප්සිටුවීමේ මංගල්‍ය අද (12) උදෑසන හය පසුවි මිනිත්තු දෙකට යෙදුණු සුබ මොහොතින් මහනුවර සතර මහා දේවාල වලදී සිදුවිය.

මේ අවස්ථාව සදහා මහනුවර ශ්‍රී දළදා මාළිගාවේ දියවඩන නිළමේ ප්‍රදීප් නිලංග දෑල මහතාද සහභාගි විය.

අලුත් නුවර ශ්‍රි දැඩිමුණ්ඩ දෙවාල භුමියේ හටගත් “කප “ ( ඵල නොදැරු කොස් පැලය ) පුරාණ චාරිත්‍ර සිදුකර වන්නකුරාල විසින් කපා ගත් ‘කප ‘ සකසා අලුත්නුවර ශ්‍රි දැඩිමුණ්ඩ දෙවාලයට ගෙනවිත් වතාවත් සිදුකර මහනුවර ශ්‍රි විෂ්ණුදේවාලය දක්වා කප් වැඩවීම ( “ කල්ප වෘක්ෂ පෙරහර “ ) නමින් හදුන්වනු ලබයි.

එම පෙරහැර ඊයේ (11) උදැසන 6 ට පමණ මාවනැල්ල ඓතිහාසික අලුත් නුවර ශ්‍රි දැඩිමුණ්ඩ දේවාලයෙන් අරඹා මහනුවර විෂ්ණුදේවාලය දක්වා ගමන් කිරිම වසර සියයකට පමණ පසුව පුරාණ චාරිත්‍ර විධි අනුව උත්සවාකාරයෙන් අලි ඇතුන්ගෙන් සපිරි පෙරහර තුන්වැනි වරට පැවැත්විණි.

මහනුවර ශ්‍රි විෂ්ණුදේවාලයේ පල්ලේ දේවාලයට ගෙවදුනු කප පුද පූඡා පවත්වා ශ්‍රි විෂ්ණුදේවාලයේ බස්නායක නිලමේගේ උපදෙස් පරිදි “කප “ 11 වැනිදා සවස 4.22 ට කොටස් 4 කට කපා ඉන් කොටස් 3 ක් නාථ, කතරගම සහ පත්තිනි දේවාල වල බස්නායක නිලමේවරුන් හා රාඡකාරිකරුවන් වෙත භාරදෙයි. ඔවුන් එම “ කප “ තම දේවාල වලට ගෙන ගොස් අද අලුයම කප් සිටුවීමේ මංගල්‍ය උදේ 6.02 සිදු කළේය.

අද(12) සවස සතර මහා දේවාල වල අභ්‍යන්තර පෙරහර ආරම්භ කරන අතර එය (15) වනදා දක්වා පැවැත්වේ. සිටුවා ගත් “ කප “ඓතිහාසික මහනුවර ශ්‍රී දළදා මාළිගා පෙරහැර අවසානයේ දිය කපනා මොහොතේදී ඒවා ගැටබේ දිය කපනා තොටේදි දියේ පා කර හරි.

අදහස් (6)

නුවර ඇසල පෙරහරට කප් සිටුවයි

kumar (gulf) Sunday, 12 August 2018 07:36 AM

මේ මහා ධනස්කන්ධයක් හා මහ ශ්‍රමයක් වැයවෙන මේ පෙරහැර දේවාල පූජාවලින් රටට කිසිම ආධ්‍යාත්මික සුගතියක් සිදුවෙලා තිබෙනවාද? ටුවරිසම් වලින් සල්ලි නම් හොයයි.

: 1166 680

විමලාවතී Sunday, 12 August 2018 10:26 PM

අරාබියේ ඉන්න අයට ඕවා තේරෙන්නේ නෑ.

: 112 2

abaranMonday, 13 August 2018 09:05 AM

ඕනෑම රටක සංස්කෘතියක් කියලා දෙයක් තියෙනවා ඉතිහාසය සමග බැඳුණු... ඇමෙරිකාව, ඕස්ට්‍රේලියාව වගේ රටවල් තමන්ට සංස්කෘතික අංග හොයා ගන්නට බැරිව අපහසුවෙන් ඉන්නවා... එයට ආර්ථික ප්‍රතිලාභ තිබිය යුතුම නැහැ.

: 109 3

Chandana Monday, 13 August 2018 03:20 AM

සංස්කෘතියක් සභ්‍යත්වයක් තුළ ගොඩනොනැගෙන කෙනෙකුට මෙවැනි දෑ දකින්නේ හර සුං දේවල් වශයෙනි. ශ්‍රී ලාංකේය ශිෂ්ඨාචාරයේ අනන්‍යතා ලකුණු වන මෙවැනි සංස්කෘතිකාංග ඉදිරි පරපුර වෙත ආරක්ෂා කරගත යුතුය. ඹබේ මතය අතිශ්‍යයින් වැරදිය.

: 0 10

සමන්ත Monday, 13 August 2018 03:42 AM

සෙතක් වෙනවද, නැද්ද කියන්න අපි නම් දන්නේ නෑ. හැබැයි නුවර මිනිස්සු විදියට අපේ මුතුන් මිත්තන්ගේ ඉඳලා කරගෙන ආපුවා, ඔබලා කැමැති වුනත්, අකමැති වුනත් අපි ඊයෙත් , අදත්, ඒ වගේම හෙටත් කරගෙන යනවා. මතු වටත් කරනවා.

: 0 136

jayasekara Monday, 13 August 2018 04:48 AM

ගල්ෆ් වල ඉපදිච්ච අය ඔය වගේ බහුබූත කතා කියන එක අරුමයක් නොවෙයි... අපි ලාංකිකයෝ විදියට ආඩම්බර විය යුතු අපේ රටේ ප්‍රෞඩ සංස්කෘතිය ගැන.

: 126 229

ඔබේ අදහස් එවන්න

සේයා රූ

විදුලියට නව පිටුවක් ජපානය පෙරළයි

2023 අප්‍රේල් මස 19 6186 11

ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්‍රයක් ශ්‍රී ලංකාවට හඳුන්වා දී තිබේ.

ජනපති නව වසරේ වැඩ අරඹයි

2023 අප්‍රේල් මස 17 7637 25

ජනාධිපති රනිල් වික්‍රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.

අලුත් අවුරුද්දේ පේරා සරසවි ඇදුරෝ ගත් තීරණය

2023 අප්‍රේල් මස 17 18275 10

විශ්ව විද්‍යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්‍රියාත්මක කළ ක්‍රියාමාර්ගය නිමාකරමින් අද සිට පේරාදෙණිය විශ්ව විද්‍යාලීය පීඨ නමයෙහ

තැන තැන නැකතට හිස තෙල් ගාති

2023 අප්‍රේල් මස 16 1254 0

සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.

ජර්මනියෙන් ආ අවුරුදු කුමාරිය

2023 අප්‍රේල් මස 14 9436 2

විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්‍රේර් මෙනවිය කිරු

අනුභව කිරීමේ නැකත උදා වේ

2023 අප්‍රේල් මස 14 590 0

සිංහල අලුත් අවුරුද්දේ ප්‍රධානම චාරිත්‍රය වන වැඩ අල්ලීම සහ ආහාර අනුභවය කිරීමේ නැකත උදා විය.