උපුල් තම්මිට
අනාරක්ෂිත වගා ළිඳකට ඇදවැටී සිටි වයස අවුරුදු එකහමාරක කුඩා ඇත්පැටවෙක් සමග ඇතින්නියන් දෙදෙනෙකු නිරුපද්රිතව බේරා කැලයට මුදා හැරීමට රිටිගල වනජීවී කාර්යාලයේ නිලධාරීහු පිරිසක් අද (07) සමත්වූහ.
ගලෙන්බිදුනුවැව පඩිකාරමඩුව ගම්මානයට නුදුරු හුරුලු රක්ෂිතයට අයත් බමුනුත්තුව කැලෑවේ අතහැර දමන ලද වගා ළිදකට මෙම අලින් තිදෙනා ඇද වැටී ඇති අයුරු පළමුවෙන්ම දැක ඇත්තේ බමුනුත්තුව ගම්මානයේ වැසියෙකු විසින්ය.
උදෑසන ගව පාළනය සදහා කැලයට ගිය අවස්ථාවේ මේ බව දුටු වහාම රිටිගල වනජීවී නිළධාරීන් දැනුවත් කිරීමත් සමග රිටිගල වනසත්ව අඩවි ආරක්ෂක කුමාර හේරත් මහතා ප්රමුඛ නිළධාරීන් පිරිසක් එම ස්ථානයට පැමිණ පළමුවෙන්ම ස්ථානීය පරීක්ෂණයක් සිදුකරනු ලැබීය.
පවතින නියගය සහිත කාලගුණය හේතුවෙන් ජලය සොයා ගමන් කිරීමේදී මෙම අකරතැබ්බයට මෙම අලි තිදෙනා මුහුණ දී ඇති අතර අද අලුයම් කාලයේදී මෙලෙස අනාරක්ෂිත වගා ලිදට ඇද වැටී ඇතැයි තහවුරු කලේය.
වගා ළිඳට වැටී සිටි ඇතින්නියන් දෙදෙනා කුඩා ඇත්පැටවා මනුෂ්යන්ගෙන් වසන් කිරීමට බලවත් උත්සාහයක් දරන අයුරු මෙහිදී දක්නට ලැබිණි.
වනජීවී නිලධාරීහු බැකෝ යන්ත්රයක් රැගෙනවිත් ඉතාම ප්රවේශමෙන් වගාලිදේ ඉවුරු බිද නිරුපද්රිතව අලින් තිදෙනා හුරුලු රක්ෂිතයට මුදා හැරීමට කටයුතු කළහ.
පසුව එම වගා ළිද නැවත වරක් මෙවැනි අකරතැබ්බයන් හට මුහුණ දීමට සිදුවන වනසතුන් ආරක්ෂාකාරී නැවත ගොඩඒමට හැකිවන පරිදි ඉවුරු සකස් කරනු ලැබීය.
රිටිගල වනජීවී කාර්යාලයට අනුයුක්තව සේවය කරන වනසත්ව අඩවි ආරක්ෂක කුමාර හේරත් මහතාගේ අධීක්ෂනයෙන් වනසත්ව නියාමක වරුන් වන දිල්ෂාන්, රොෂාන් හා සිවිල් ආරක්ෂක විමලතුංග යන නිළධාරීන් විසින් මෙම මෙහෙයුම ක්රියාත්මක කරනු ලැබීය.
ජලය පමණක් භාවිතාකර විදුලිය ජනනය කළ හැකි අති නවීන තාක්ෂණයෙන් යුත් විදුලි ජනන යන්ත්රයක් ශ්රී ලංකාවට හඳුන්වා දී තිබේ.
ජනාධිපති රනිල් වික්රමසිංහ මහතා ජනාධිපති කාර්යාලයේදී අද නව වසරේ වැඩ ආරම්භ කළේය.
විශ්ව විද්යාල ආචාර්යවරුන්ගේ වෘත්තීය සමිති මාර්තු මස 03 වනදා සිට ක්රියාත්මක කළ ක්රියාමාර්ගය නිමාකරමින් අද සිට පේරාදෙණිය විශ්ව විද්යාලීය පීඨ නමයෙහ
සිංහල සහ දෙමළ අලුත් අවුරුද්දේ හිස තෙල් ගැල්වීමේ නැකත අද (16) පෙරවරු 9.41 ට යෙදී තිබුණි.
විදේශිකයන් සදහා වෙන්වූ අළුත් අවුරුදු උත්සවයක් අද කළුතර රෝයල් ෆාම් හෝටලයේදී පැවතී අතර , එහි අවුරුදු කුමාරීය ලෙස බටහිර ජර්මනියේ ඊමා ග්රේර් මෙනවිය කිරු
සිංහල අලුත් අවුරුද්දේ ප්රධානම චාරිත්රය වන වැඩ අල්ලීම සහ ආහාර අනුභවය කිරීමේ නැකත උදා විය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
වගා ළිදේ සිරවී සිටි ඇත්පැටවකු සමග ඇතින්නියන් දෙදෙනෙකු බේරාගනී
Champa Wednesday, 08 April 2020 03:06 PM
වඩාත්ම වැදගත් දේ අනාරක්ෂිත වගා ලිඳ ආරක්ෂිත කරපු එක. ඇතින්නියන් දෙන්නයි පැටවයි වේලාසනම බේරා ගත්ත එක ගැන සතුටුයි. මේ දවස් වල ඇඳිරි නීතිය හින්ද වන ජීවී නිලධාරීන්ට කලින් තරම් වැටලීම් කරන්න යන්න අවශ්ය නැතුව ඇති නේද? නරකද ලංකාවේ රක්ෂිතවල සිතියමක් අරගෙන එහෙම නැත්නම් අලුතෙන් අන්දවලා හරි මේ වගේ අනාරක්ෂිත වගා ළිං තියෙන තැන් ලකුණු කරන්න පටන් ගත්තනම්. එතකොට සත්තු වැටෙන්න ඉස්සෙල්ල ඒව වටේ ආරක්ෂිත වැටක් හරි ගහන්න පුළුවන්නේ. ඒ වගේම සත්තුන්ට වතුර තියෙනවවාද කියලත් බලන්න ඕනේ. මේ අහල පහල වතුර නැත්නම් මේ අලි ආවේ වතුර හොයා ගෙනද දන්නේ නැහැනේ. අලියා කියන්නේ හොඳට නුවණ තියෙන සතෙක්. ඒ හින්ද මේ වගේ හොඳට පෙනෙන ලිඳකට අලි තුන්දෙනෙක්ම නිකම් වැටෙන්න විදිහක් නැහැ. නැත්නම් අලි පැටියා මුලින් වැටිලා ඇතින්නියෝ පැටියව බේරගන්න ගියාද දන්නේ නැහැ. මොක වුනත් මේ ඇතින්නියෝ දෙන්නයි අලි පැටවයි ගැන කිව්ව ගැමියාට හුඟක් ස්තුති වෙන්න ඕනේ. ලංකාවේ දැන් වල් අලි ඉන්නේ 3000 කටත් අඩුවෙන්.
ලුම්බිණි Thursday, 09 April 2020 05:59 AM
අනාරක්ෂිත වගා ලිඳ ආරක්ෂිත කරපු එක ඉතාම හොඳ දෙයක්. මෙවැනි ලිං තිබෙනවා නම් එම ලිං මේවගේම ආරක්ෂිත කරන්න පුළුවන් නම් කොපමණ හොඳද?
rasika Wednesday, 15 April 2020 09:05 AM
වගා ලිදේ කාණුවක් සකස් කලොත් ජීවිත බේරී, අනවශ්ය වියදම අඩු වේවි....!!!