[කුෂ්වාන්ත් සිං මේ ලිපියෙන් නොබියව නොසඟවා හෙළිකොට ඇත්තේ මෑත කාලීන ඉන්දියානු දේශපාලන කරළියේ රැඟූ ජනද්රෝහී දේශපාලක අධමයන්ගේ බලු හෙලුවයි. මේ ලිපිය ලංකාවේ දේශපාලක අධමයන් ගැන ලියූවක් නොවන්නේ උන්ගේ නම්වල වෙනස හේතුවෙනි. නැතිනම් මේ දෙරට ජඩයෝම මාපිල් නිඹුල්ලුය.
මෙම පරිවර්තනයෙහි මුල් ඉංග්රීසි ලිපිය එන්නේ කුෂ්වාන්ත් සිංගේ Big Book Of Malice නම් කෘතියෙහිය. මා එම පොත මිල දී ගත්තේ දිවුල් ගස් හන්දියේ පදික වේදිකාවේ මගේ මිතුරු පොත් වෙළෙන්දා ගෙනි. එය අනුර බණ්ඩාරනායකයන්ගේ පෞද්ගලික පොත්ගුලට අයත් වූවකි. මගේ ළෙන්ගතු මිතුරෙකු වන ප්රශස්ත ලේඛක එරික් ඉලයප්ආරච්චිත් මමත් එම පොත්ගුලට අයත් අගනා පොත් කීපයක්ම අප දෙදෙනාගේම මිතුරු අර පොත් වෙළෙන්දාගෙන් උරුම කර ගැන්මේ වාසනාව ලද්දෝ වම්හ. මෙම පොතෙහි එන වැඩි හරියක් ලිපි ඉන්දියානු දේශපාලන කරළියේ රැඟුම් අරබයා ලියැවුණු ලිපි වුවද ඒවා සැබවින්ම ලංකාවේ දේශපාලන කරළිය හා ලංකාවේ දේශපාලන චරිත ගැනම කළ යථාර්ථ විවරණ වැන්න.
කුෂ්වාන්ත් සිංගේ කෙටි ජීවන සටහනක් ලිපිය අග පළ වෙයි.]
දේශපාලක මාපිල්ලු
දේශපාලනය සහ සදාචාරය එකට ගමන් කරන්නේ නැත. ළඟදී පවත්වන ලද මැතිවරණ මගින් නැවත නැවත වැඩි වැඩියෙන් පැහැදිලි කර දී ඇති පළමු වැනි පාඩම මෙයයි. සටන් වැදුණු අය හැටියට මා දන්න සෑම පුද්ගලයෙකුම කීවේ එකම දේය. පැරදුණු අය කීවේ තම පාක්ෂිකයන් තමන් පාවා දී ඇති බවය. එසේම තමන් පරාජයට පත් කළේ තම විරුද්ධ වාදීන් නොව තමන්ට ආධාර කරන බවට දිවුරා පොරොන්දු වුණු අය බවය. පෙනෙන ආකාරයට මෙය ඇත්තක් නම් අපට එක් නිගමනයකට එළඹී නොසිටින්නට නොහැකි වෙයි. එනම් මූණට චාටු බස් කියන ඒත් පිටි පස්සෙන් පිහියෙන් අනින ජාතියක තත්ත්වයට අප පත්ව ඇති බවය.
තවත් මේ හා සමානම සංවේග ජනක නිගමනයකට එළඹීමට අපට සිදුවී ඇත. එනම් දේශපාලන තනතුරු දැරීමේදී දූෂණය තව දුරටත් නුසුදුසුකමකට හේතුවක් ලෙස නොසලකන බවය. නැතහොත් දූෂණ චෝදනා එල්ල වී ඇති පුද්ගලයෙකු උසාවියකින් වරදකරුවෙකු කරන තුරු සැබවින්ම වරදකරුවෙකු යැයි තවදුරටත් විශ්වාස නොකරන බවය. තීන්දු දීමෙහි ලා අපගේ උසාවිවලට කවදාවත් ඉක්මනක් තිබුණේ නැත. එසේ හෙයින් අපරාධ චෝදනා එල්ල වූවන් මැතිවරණ සටනට පිවිසෙන්නේ කිසිම වරදක් නොකළ උන් ලෙසිනි.
පරදිනවාට වඩා ඔවුහු බොහෝ විට ජය ගැනීමට සමත් වෙති. ජය ලලිතාගේ ආකර්ෂණීය පුනරාගමනය, ශුඛ රාම් විසින් හිමාචල් ප්රදේශය තුළ කොංග්රස් පක්ෂය පෙරළා දැමීම, ලාලූ ප්රසාද් යාදේව් තමාට අවමාන කළ එවුන්ට එල්ල කළ මහා අවමානය, බාල්රාම් ජක්හර්, භූත සිං සහ සංජය සිං යළි ලෝක් සභාවට පැමිණීම ඊට නිදර්ශන වශයෙන් දැක්විය හැකිය.
පක්ෂ මාරුව තවදුරටත් පක්ෂයෙන් නෙරපීමට හේතුවක් ලෙස නොසැලකේ. එසේම ඒ දෙස තවදුරටත් අප්රසාදයෙන් වත් නොබැලේ. මායාවතීගේ ආධාරකරුවන්ගෙන් සෑහෙන කුට්ටියක් එකට කල්යාණ් සිං වෙතට යෑමෙන් උත්තර ප්රදේශ M.L.A එක ඊට ආදර්ශය දුන්නේය. ඔවුන් අතරෙන් පක්ෂ මාරු කිරීමෙහිලා අති විශිෂ්ටයෙකු වන නරෙශ් අග්රවාල් එක සතියක් තුළ තුන් වරක් පක්ෂ මාරු කළේය. ජයලලිතාට ප්රධාන වශයෙන් චෝදනා එල්ල කළේත් ඇයට වධ දුන්නේත් ආචාර්ය සුබ්රමානියම් ස්වාමිය. එහෙත් ඔහු වෙස් මාරු කරගෙන ජයලලිතාට පක්ෂපාත වන බවට දිවුරා පොරොන්දු වීමත් එසේම ඇයගේ මුදල් අමාත්ය අපේක්ෂකයා වීමත් දැක මම ගල් ගැසුණෙමි. තම පියා මෙන්ම අවුරුදු කීපයකට පෙර උග්ර සමාජවාදියෙක් වූ කුමාර මංගලම් (කනිෂ්ඨ) ද ඒ අයුරින්ම අද අරිට සමානවම උග්ර Bhajpaite වාදියෙක් වී සිටියි.
ඉතා තරුණ මිතුරෙකු වන මණි ශංකර් අයියාර් අඩු වාසනාව ඇත්තෙක් විය. ඔහු තම දේශපාලන ජීවිතය ගොඩ නගා ගත්තේ රජීව් ගාන්ධිගේ කරපිටින් ගොසිනි. සෝනියා ගාන්ධි ප්රධාන කොට ඇති හිටපු රජ පවුල සහ කොංග්රස් පක්ෂය සමග ඔහු දිගටම ඉතා සමීප සම්බන්ධකමක් පවත්වාගෙන ගියේය. සීතාරාම් කේශරී නැව් කපිතාන්ව සිටිමින් ගමන් කරවූ කොංග්රස් පක්ෂ නෞකාව ගිලී යන බව දුටු ඔහු ඒ පක්ෂය අත හැර ජයලලිතාගේ අනුග්රහය පැතීය. එය අසාර්ථක වූ කල ඔහු කළේ මමතා බැනර්ජි සහ සුභාෂ් ගිසිං වෙතට යෑමට උත්සාහ කිරීමය. ඔහු බාර ගැනීමට කෙනෙකු නැති බව දුටු කල ඔහු ස්වාධීන අපේක්ෂකයෙකු වශයෙන් මැතිවරණයට තරග කළේය. ඔහු එයින් පරාජයට පත්වුණි. ඔහු දැන් ආපසු කොංග්රස් පක්ෂය සමග සිටී.
සුරේෂ් කල්මඩිද ඒ ඉරණමටම මුහුණ පෑවේය. කොංග්රස් පක්ෂයේ උග්ර විවේචකයෙක් වූ ඔහු පසුව එහි ආධාරකරුවෙකු බවට පත් විය. එසේම ඔහු දිල්ලියේ සිටියදී හැමවිටම තමා සමග එකටම නැවතී සිටි ශාරද් පාවර්ගේ රැකවරණයද ලබා සිටියේය. තම ආරක්ෂකයා අත හැර දැමූ කල්මඩි මැතිවරණයේදී කොංග්රස් පක්ෂයට එරෙහිව ස්වාධීනව තරඟ කොට පරාජයට පත් විය.
ළඟදී පවත්වන ලද මැතිවරණය සම්බන්ධයෙන් මා වඩාත්ම සංවේගයට පත්වන කරුණක් ඇත. එනම් අනාගතය පිළිබඳ අනාවැකි පළ කරන නක්ෂත්රය , කේන්දර සහ වෙනත් අවිද්යාත්මක ක්රම කෙරෙහි විශ්වාසය තැබීම යළි ඉස්මතුවීමයි. නොයෙක් විට බොරු බවට ඔප්පු වී ඇති මෙවැනි ඇස් බැන්දුම්වලට උසස් ගණයේ බුද්ධිමතුන් දායක වන්නේ කෙසේද යන්න මට කෙසේ වත් තේරුම් ගත නොහැකිය. ග්රහචාරය අනුව දිවුරුම් දෙන කීර්තිමත් ඉන්දියානුවන්ගේ නම් ලැයිස්තුව කියැවීම තදින් සිතට කා වදින්නකි.
තම ග්රන්ථය එළි දැක්වීම සඳහා සුදුසු සුබ වෙලාවක් සහ සුබ දිනයක් නියම කර ගැනීමට තම ජ්යෝතිෂ වේදිියාගෙන් උපදෙස් ලබාගත් නරසිංහ රාවෝ ඒ අතර වෙයි. තමන් ඉන්දියාවේ අගමැතිවරුන් අගමැතිවරියන් වන බවට තම කේන්දර අනුව සහතික ලෙස විශ්වාස කළ ජයලලිතා , සුබ්රමානියම් ස්වාමි සහ ආචාර්ය කරන් සිංද ඒ ලැයිස්තුවේ සිටිති.
ජක්හර් සහ භූත සිංද ගුප්ත විද්යා අදහන්නෝය. බී . ජේ . පී නායකයන්ගේ අවාසනාව සම්බන්ධයෙන් දක්වා ඇති හේතුව අලුත්ම අනාවැකියයි. වාස්තු ශාස්ත්රය අනුව ඔවුන්ගේ අවාසනාවට හේතුව ඔවුන්ගේ කාර්යාලයට ඇතුළු වන ගේට්ටුව අසුබ දිශාවකට මුහුණ පා තිබීමයි. ඒ අනුව මුර්ලි
මනෝහාර් ජෝෂි සහ කේ.බී. මල්කානි එය වසා දමා වෙනත් ගේට්ටුවක් අනිත් පැත්තේ සවි කළහ.
මෙසේ ළඟදී පැවැති මැතිවරණ වලින් ඔප්පු වී ඇත්තේ කුමක්ද? අපගේ දේශපාලනයෙන් අප සදාචාරය අකාමකා දමා ඇතුවා පමණක් නොව අප මානසික රෝගීන් බවට පිරිහී යමින්ද සිටින වගයි. 21 වන ශත වර්ෂයට යන බලාපොරොත්තුවෙන් අප නඟින්නට හදන්නේ අතාර්කික මිථ්යා විශ්වාස නමැති බූරුවාගේ පිට උඩටය.
නිමි
කුෂ්වාන්ත් සිං
කුෂ්වාන්ත් සිං සන්නිවේදකයෙකු ලෙස අඛිල භාරතීය ආකාශ්වාණියට බැඳීමත් සමග විශිෂ්ට වෘත්තියක ආරම්භය සිදුවිය. එතැන් සිට ඔහු ඉන්දියාවේ කීර්තිමත් පුවත්පත් රාශියක කර්තෘත්වය හෙබවීය. එසේම ලේඛකයෙකු වශයෙන්ද ඔහු ඉන්දියානු සාහිත්යයට විශිෂ්ට සේවාවක් සිදු කර ඇත.
Train to Pakistan, Company of Women යන සුප්රකට කෘති ඇතුළු නවකතා, කෙටිකතා හා පරිවර්තන මෙන්ම ප්රබන්ධ ගණයට නොවැටෙන කෘතිද ඔහුගේ එකී සාහිත්යය සේවයෙහි විපුල ඵල වෙයි. විවිධ සම්මානයන්ගෙන් පුද ලද ඔහුට 1974 වසරේදී ඉන්දියානු ජනාධිපතිවරයා විසින් 'පද්මභූෂණ' සම්මානය පිරිනමන ලදී. එහෙත් ඒකාබද්ධ ආණ්ඩුව විසින් අම්රිත්සාරයේ රන්දෙවොල ආක්රමණය කරන ලද අවස්ථාවේ ඊට විරෝධය ප්රකාශ කිරීමක් වශයෙන් 1984 වසරේදී ඔහු එකී සම්මාන පදක්කම ආපසු ආණ්ඩුවට භාර දුන්නේය.
ආරම්භක අවධියේ ලංකා ගුවන් විදුලිය ඔස්සේ ගුවන්විදුලි නාට්ය ප්රචාරය කළ ශිල්පීන් සහ නාට්ය සංගම් අතර තැපැල් හා විදුලි සංදේශ නාට්ය සංගමද විය. ලංකා ගුවන
කලක පටන් දැන හැඳින සමීපව ඇසුරු කළ ගුණසේන විතානයන් සමග එකට වැඩ කිරීමේ අවස්ථාව පළමුවෙන්ම මට උදාවූයේ ඔහු ’ජනතා ලේඛක පෙරමුණ’ ආරම්භ කිරීමත් සමගය.
’නිම් වළලු පළල් කරනවා’ යන සුලබ කියමන සේම නිතර නිතර අපගේ කනට ඇහෙන ඇසට පෙනෙන තවත් සුලබ වත්මන් වාග් ව්යවහාරයකි ’යුග පුරුෂයා’ යන්න.
(පී.බී.අල්විස් පෙරේරා කිවිඳුන් මිය ගොස් 2024 අගෝස්තු 21 වැනි දිනට පුරා වසර 58ක් සපිරෙයි. ඔහු පිළිබඳ මගේ මේ හෘදයංගම මතක වත සහෘද ඔබගේ පහන් සංවේගය උදෙසාය.)
අප ’අඹ’ බයන්න යනුවෙන් හැඳින්වීමට පුරුදුව සිටින්නේ සඤ්ඤක ’ඹ’යන්නය. ඊට හේතුව, අඹ නමැති පලතුරට කියන නාමය ලිවීමේදී සඤ්ඤක ’ඹ’යන්න භාවිත වීම බවය බොහෝ දෙනාගේ
ඉංග්රීසි හෝඩියේ F ශබ්දය වෙනුවට සිංහල හෝඩියට මෑතක පිවිස මේ වන විට බහු භාවිතයට පත්ව ජන සම්මතව ඇති ’ෆ’ අක්ෂර රූපය අලුත නිපදවා ගත්තක්ය යන දුර්මතය ඒ පිළිබඳ
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
දේශපාලක මාපිල්ලු