(රෝෂන් තුෂාර)

කොළඹ ප්‍රධාන මහෙස්ත්‍රාත් අධිකරණයේ නඩු භාණ්ඩ කාමරයේ තිබූ රුපියල් කෝටි 2ක විස්කි බෝතල් 1994 අතුරුදහන් කළේ යැයි කියන භාණ්ඩ භාරකරුට අධාර අනුබල දුන් තවත් පුද්ගලයින් අනාවරණය වන්නේ නම් අත්අඩංගුවට ගෙන අධිකරණයට ඉදිරිපත් කරන ලෙස කොළඹ ප්‍රධාන මහේස්ත්‍රාත් තිළිණ ගමගේ මහතා අද (16) නියෝග කළේය.

විදෙස් මත්පැන් අතුරුදහන් කළ ගයාන් සම්පත් නමැති සැකකරු නඩු භාණ්ඩ වලට අදාල නඩු ගොනුව අතුරුදහන් කිරීමට ප්‍රයත්න දරා ඇති බවත්,ප්‍රධාන මහේස්ත්‍රාත්වරයාගේ රෙජිස්ටර්වරයාගේ අත්සන් හා නිලමුද්‍රා ව්‍යාජව යොදා ගනිමින් නඩු භාණ්ඩ කාමරයට මුද්‍රා තැබීමට කටයුතු කර ඇති බවත් කොළඹ අපරාධ කොට්ඨාසය කරුණු ඉදිරිපත් කරමින් පැවසීය.

සැකකරු කොළඹ මහේස්ත්‍රාත් අධිකරණයේ නඩු භාණ්ඩ කාමරයේ තිබූ හෙරොයින් කිලෝ ග්‍රෑම් 01 ක් බර පාර්සලයක් අතුරුදහන් කිරීම සම්බන්ධයෙන් රක්ෂිත බන්දනාගාරගතව සිට ඇප ලැබූ පුද්ගලයකු වන අතර ඊට අදාළ නඩුව ද මහේස්ත්‍රාත්වරයා ඉදිරියේ කැඳවීය.

ඉදිරිපත් වූ කරුණු සලකා බැලීමෙන් පසුව සැකකරු ලබන තිස් වැනි දින දක්වා යළි රක්ෂිත බන්ධනාගාර ගත කිරීමට මහේස්ත්‍රාත්වරයා නියෝග කළේය.