(දයාරත්න ඇඹෝගම)
ඓතිහාසික අනුරාධපුර වෙස්සගිරිය ලෙන් විහාර භූමිය ඝණ කැළෑවකින් වැසී ගොස් ගවයන් දිගේලි කරන මධ්යස්ථානයක් බවට පත්ව ඇතැයි දෙස් විදෙස් සංචාරකයන් චෝදනා කරති.
වෙස්සගිරිය ලෙන් සිතුවම් ලොව ඉපැරණිම ලෙන් සිතුවම් අතරට එක්වන පුරාවිද්යා වටිනාකමින් අනූන සංස්කෘතික දායාදයක් බවට ප්රකටය. එහෙත් අද මෙම ලෙන් විහාර සංකීර්ණය ඇතුළු සමස්ත භූමිය ඝණ කැළෑවකින් වැසී ගොසිනි.
ප්රාග් ඓතිහාසික යුගයේ සිට අනුරාධපුර රාජධානියේ අවසානය දක්වා ශ්රී ලාංකීය ඉතිහාසය ඔප් නැංවීමට අමිල වූ පුරාවිද්යාත්මක සාධක රාශීයක් අනුරාධපුර වෙස්සගිරිය ලෙන් විහාර භූමිය තුළින් හමුවී තිබිණි.
භූමිය වටා ආරක්ෂිත වැටක් නොමැති අතර මේ හේතුව නිසාම අසල්වැසියෝ ලෙන් විහාර භූමියේ තැන තැන ඇති ගල් කුළුණුවල ගවයින් ගැට ගසා දිගේලි කරති. මෙය දිගු කාලයක සිට කිසිදු බාධාවකින් තොරව සිදුකර ගෙන යන බව ප්රදේශවාසීහු පවසති.
අතීත මුතුන්මිත්තන්ගේ දහඩියෙන් හා කඳුලින් ඉදිවුණු දස දහස් ගණන් මහ රහතුන් වහන්සේලා වැඩ සිටි මෙවන් පුණ්යභූමි , මෑත කාලයේ පුරාවිද්යාත්මක පර්යේෂණ රාශියක් සිදුකර නව ඓතිහාසික සංසිද්ධීන් ගණනාවක් ලෝකයට එළිදැක්වූ මෙවන් සංස්කෘතික උරුමයන් මෙසේ විනාශ වීමට ඉඩහැර ඇත්තේ මන්දැයි දෙස් විදෙස් සංචාරකයෝ විමසා සිටිති.
මේ සම්බන්ධයෙන් කළ පුරාවිද්යා දෙපාර්තමේන්තුවේ උතුරු මැද සහකාර අධ්යක්ෂ ගුණතිලක බණ්ඩා මහතා ගෙන් කළ විමසුමේ දී හෙතෙම මෙසේ පැවසීය.
මෙහි නඩත්තු කටයුතු සඳහා මධ්යම සංස්කෘතික අරමුදල යටතට පත් කරලයි තිබුණේ.පසුගිය කාලයේ එහි සේවය කළ අනියම් සේවකයන් විශාල පිරිසක් ඉවත් කළා.ඒ වාගේම කොරෝනා උවදුර නිසා සංචාරකයන් නොපැමිණිමෙන් ආදායම අඩුවිමත් සමග නඩත්තු කටයුතු ඇණ හිට තිබුණා.
දැන් දැන් සංචාරකයන්ගේ පැමිණීම හොඳ මට්ටමක තිබෙනවා. මේ සම්බන්ධයෙන් ඉදිරියේ දී මධ්යම සංස්කෘතික අරමුදලේ නිලධාරින් සමඟ සාකච්ඡා කර වෙස්සගිරියේ නඩත්තු කටයුතු සිදු කිරිමටත් එහි ආරක්ෂාව තහවුරු කිරිම සදහාත් පියවර ගන්නවා.
රටේ ආර්ථිකය බේරන්න ගියොත් මිනිසුන් තරහ කරගන්න සිදුවන බව හිටපු ජනාධිපති එක්සත් ජාතික පක්ෂ නායක රනිල් වික්රමසිංහ මහතා එජාප නිලධාරීන් හමුවේ ප්රකාශ කර
අකුරැස්ස සියඹලාගොඩ - පිටබැද්දර මාර්ගයේ බෝපගොඩ මංසන්ධිය ආසන්නයේදී අද සැන්දෑවේ සිදුවූ මාරක රිය අනතුරින් පාසල් ගුරුවරියක හා ඔහුගේ සැමියා මියගොස් ඇතැයි
ණය ප්රතිව්යුහගතකරණ වැඩ සටහන ඉදිරියට ගෙන යාම සඳහා, අදාල පාර්ශව සමග සාකච්ඡා කර ණය සහන ලබා ගැනීමට කටයුතු කරන බව ජනාධිපති අනුර කුමාර දිසානායක මහතා ජාතිය
පොල්ගොල්ල වේල්ලට පහළින් ජලාශයට බැස දියකෙළියේ යෙදෙමින් සිටි මිතුරන් පස් දෙනකු අතරින් දෙදෙනෙකු ජල පහරේ ගසාගන්න ගොස් අතුරුදන් වී ඇති බව වත්තේගම පොලිසිය
ජාතික රූපවාහිනී සංස්ථාවේ නව සභාපති ලෙස ශ්රී ජයවර්ධනපුර විශ්ව විද්යාලයේ ජ්යෙෂ්ඨ කථිකාචාර්ය සෙනෙෂ් දිසානායක බණ්ඩාර මහතද , ස්වාධීන රූපවාහිනියේ සහ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අ’පුර වෙස්සගිරිය ලෙන් විහාර භූමිය ගවගාලක් වෙයි
janahitha Thursday, 17 September 2020 09:23 AM
ඔතන අහල පහළ ඉන්න අය ඔතැනට එන අයගෙන් මුදල් උපයාගන්නවා. ඒ අරමුදලින් එනකම් ඉන්නේ නැතිව සමිතියක් හදාගෙන ඔතන සුද්ද පවිත්ර කරන්න බැරිද?