(සුජිත් හේවාජුලිගේ  සහ බිමල් ශ්‍යාමන් ජයසිංහ)

නීතිඥ එම්.ආර්.වයි.කේ උඩවෙල මහත්මිය අල්ලස් හෝ දූෂණ චෝදනා විමර්ශන කොමිෂන් සභාවේ අධ්‍යක්ෂ ජනරාල්වරයා ලෙස ජනාධිපති අනුර කුමාර දිසානායක මහතා විසින් පත්කරනු ලැබ සිටින්නීය.

ඇය එම තනතුරේ අද (10) වැඩ බාරගත්තාය.

උඩවෙල මහත්මිය අල්ලස් හෝ දූෂණ චෝදනා විමර්ශන කොමිෂන් සභාවේ අතිරේක අධ්‍යක්ෂ ජනරාල්වරිය ( නීති අංශය) ලෙස මීට පෙර කටයුතු කළාය.

උඩවෙල මහත්මිය සභානායක ලේකම් හර්ෂ විජේවර්ධන බිරිඳය.

අල්ලස් හෝ දුෂණ චෝදනා විමර්ශන කොමිෂන් සභාවේ අධ්‍යක්ෂ ජෙනරාල් ලෙස කටයුතු කළ කනිෂ්ක විජේරත්න මහතා ජනාධිපතිවරයාට ලිපියක් යොමු කරමින් එම තනතුරින් පසුගිය 7 වැනිදා ඉල්ලා අස්විය.

ඔහු මෙසේ තනතුරින් ඉල්ලා අස්වූයේ විජේරත්න මහතා අල්ලස් කොමිසමේ අධ්‍යක්ෂ ජෙනරාල් තනතුරට පත් කිරීම ආණ්ඩුක්‍රම ව්‍යවස්ථාවට මෙන්ම නීතියට පටහැනි බව සඳහන් කරමින් මාධ්‍යවේදනියක සහ රාජ්‍ය නොවන සංවිධානයක් විසින් ශ්‍රේෂ්ඨාධිකරණයට පෙත්සමක් යොමු කරනු ලැබ තිබියදීය.