ඇමෙරිකන් නියෝජිත මන්ත්රී මණ්ඩලයේ කතානායක කෙවින් මැකාති එම ධුරයෙන් ඉවත් කිරීමේ කුමන්ත්රණයක් ක්රියාත්මක බව මාධ්ය වාර්තා කරයි.
ඇමෙරිකන් කොංග්රස් මණ්ඩලය (පාර්ලිමේන්තුව) නියෝජිත මන්ත්රී මණ්ඩලයකින් සහ සෙනෙට් මණ්ඩලයකින් සමන්විතය. නියෝජිත මන්ත්රී මණ්ඩලයේ බහුතර බලය ඇත්තේ ප්රතිවාදී රිපබ්ලිකන්වරුන් අතරේය.
සෙනෙට් මණ්ඩලයේ බහුතරය ඇත්තේ වත්මන් ජනාධිපති ජෝ බයිඩන්ගේ ඩිමොක්රටික් පක්ෂය සතුවය. බයිඩන් ප්රමුඛ රජය අණ පනත් සම්මත කර ගැනීමේ දී නියෝජිත මන්ත්රී මණ්ඩලයේ රිපබ්ලිකන්වරුන්ගෙන් ඊට බාධා එල්ල වෙයි.
කතානායක කෙවින් මැකාති රිපබ්ලිකන් ප්රබලයෙකි. ඔහුට විරුද්ධව කුමන්ත්රණයක් ආරම්භ කර ඇත්තේ කැරැලිකාර රිපබ්ලිකන්වරුන් කණ්ඩායමකි. එම කැරැලිකාර රිපබ්ලිකන් කණ්ඩායම, හිටපු ජනාධිපති ඩොනල්ඞ් ට්රම්ප් හිතවාදීන් යැයි ද පැවැසෙයි. රිපබ්ලිකන් ප්රබලයකු වන ට්රම්ප්, 2024 වසරේ පැවැත්වීමට නියමිත ජනාධිපතිවරණයට ඉදිරිපත් වීමට සූදානම් වන ප්රබලතම රිපබ්ලිකන් අපේක්ෂකයාය.
ඇමෙරිකන් රජයේ කටයුතු කරගෙන යෑමට අවශ්ය අරමුදල් වෙන් කර ගැනීමට නොහැකි වීමෙන් පසුගිය සති අන්තය වනවිට රජය අකර්මණ්ය වීමේ අවදානමක් මතු විය. කෙසේ නමුත් රිපබ්ලිකන්වරුන් සමඟ තාවකාලික එකඟත්වයක් ඇති කර ගැනීමට ජනපති බයිඩන්ගේ ඩිමොක්රටික්වරු සමත් වූහ.
කැරැලිකාර කණ්ඩායම පවසා ඇත්තේ කෙවින් මැකාති ධුරයෙන් ඉවත් කිරීමේ යෝජනාවක් කොංග්රස් මණ්ඩලයට ඉදිරිපත් කිරීමට බලාපොරොත්තු වන බවය. ඇමෙරිකන් දේශපාලන ඉතිහාසයේ කිසිදු කතානායකවරයකු කිසිදු යෝජනාවකින් ඉවත් කර නොමැති බව ද ඇමෙරිකන් මාධ්ය වාර්තා පෙන්වා දෙයි.
ඇමෙරිකන් ව්යවස්ථාව අනුව, ජනාධිපතිවරයාට යම් අනතුරක් වුවහොත් හෝ ඔහු ධුරයෙන් ඉවත් කළොත් හෝ ඉවත් වීමට සිදුවුවහොත් හෝ ජනාධිපති ධුරය හිමිවන දෙවැනි උප ජනාධිපතිවරයාය. උප ජනාධිපතිවරයාට පසුව සිටින්නේ ඇමෙරිකන් කතානායකවරයාය.
(ඒ.එෆ්.පී.)
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
පුත්තලම දිස්ත්රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.
මෙවර මහ මැතිවරණය සදහා මාතලේ දිස්ත්රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්ර 24ක් ලැබුණූ බවත් ඉන් එක් පිළිගත් දේශප
2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්ර ඉදිරිපත් කළ බව නුවරඑලිය දිස්ත්රික් තේරිම්භාර නිලධාරි නන්දන
වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඇමෙරිකන් කතානායක ධුරයෙන් නෙරපන්න හදයි