ඇමරිකාවේ කොරෝනා ආශ්‍රිත මරණ 500,000 ඉක්මවීමත් සමග ජනාධිපති ජෝ බයිඩන් ජාතිය ඇමතීය.
 
"අද දින අපි දරුණු, හද කම්පා කරවන සන්ධිස්ථානයක් සනිටුහන් කරමු. අද වනවිට මේ කුරිරු රෝගයෙන් ඇමෙරිකානුවන් 500,071ක් මිය ගොස් තිබේ. අද දිනය මතක තබා ගන්නැයි මම සියලු ඇමෙරිකානුවන්ගෙන් ඉල්ලමි. අපට අහිමි වූවන් මතක තබා ගන්න. අප අතහැර ගිය අය මතක තබා ගන්න. ජාතියක් වශයෙන් මෙවන් කුරිරු ඉරණමකට ලක්වීම අනුමත කළ නොහැකියි. මේ ශෝකීවීම කෙසේ හෝ නැවැත්විය යුතුය. අපට අහිමි වූ මිනිසුන් අසාමාන්‍යයි. ඔවුන් පරම්පරා ගණනාවක් පුරා දිව යයි. ඔවුන් ඇමෙරිකාවේ උපත ලද හෝ ඇමෙරිකාවට සංක්‍රමණය වූ අයයි. ඔවුන්ගෙන් බොහෝ දෙනෙක් අවසන් හුස්ම ගත්තේ ඇමෙරිකාවේ පමණි." යනුවෙන් ජනාධිපතිවරයා පැවසීය.
 
ඇමරිකාවේ ජනාධිපති, උප ජනාදිපති සහ ඔවුන්ගේ බිරින්දෑවරුන් ධවල මන්දිරයෙන් පිටත ඉටිපන්දම් දැල්වූ අතර විනාඩියක නිෂ්ශබ්දතාවයේ සිටියහ.
 
රජයේ ගොඩනැගිලිවල සියලුම ධජ දින පහක් අඩකුඹු කර තබන ලෙස ජෝ බයිඩන් මහතා නියෝග කර තිබිණි. 
 
ධවල මන්දිරයේදී බයිඩන් මහතා කථාව ආරම්භ කළේ කොරෝනා හේතුවෙන් ඇමරිකාවේ සිදුවූ මරණ සංඛ්‍යාව පළමුවන ලෝක යුද්ධයේදී හෝ දෙවන ලෝක යුද්ධයේදී සිදුවූ මරණ සංඛ්‍යාවට වඩා වැඩි බව සඳහන් කරමිනි.
 
ලොව වැඩිම කොරෝනා ආසාදිතයින් සංඛ්‍යාව ද ඇමෙරිකාවෙන් වාර්තා වන අතර එය මේ වනවිට මිලියන 28.1 ඉක්මවා තිබේ.
 
(බීබීසී ඇසුරිණි)

085