(ඔගස්ටින් ප්‍රනාන්දු)

හමුදා සේවයෙන් ඉවත්වී  පෞද්ගලික ඉදි කිරිම් ආයතනයක කළමනාකරුවකු ලෙස සේවය කරමින් හෙරෝයින් මත්කුඩු ජාවාරමක් කළ බව කියන පුද්ගලයකු මත්කුඩු තොගයක් රැගෙන යමින් සිටිය දි අද පස්වරුවේ සුඛෝපභෝගි මෝටර් රථයක් සමග අත් අඩංගුවට ගත් බව හලාවත කොට්ඨාස කොට්ඨාස විෂ මත්ද්‍රව්‍ය නිවාරණ ඒකකය කියයි.

සැකකරු තම සුපිරි මෝටර් රථයෙන් පුත්තලම සිට හලාවත දෙසට ගමන් කරමින් සිටිය දී හලාවත ලුනුඔය පාලම අසල දි පොලිස් අත් අඩංගුවට පත්වුණි. සැකකරු ළඟ තිබී හෙරෝයින් මත්කුඩු ග්‍රැම් 290 ක් තිබි සොයා ගත් බවත් පවසයි.

කොළඹ ප්‍රදේශයේ පෞද්ගලික ඉදි කිරිම් ආයතනයට ගොඩනැගිලි ඉංජිනේරුවරයකුව කටයුතු කරන අතර හෙරෝයින් මතක්කුඩු ග්‍රැම් 10 රැගෙන එමින් සිටිය දි හලාවත මැදවත්ත ප්‍රදේශයේ දි ඉකුත් 17 වන දින  අත් අඩංගුවට ගත් සැකකරු  ලබාදුන්රහස් පිණිවුඩයක් අනුව ලුණුඔය පාලම අසල දි අත්අඩංගුවට ගත් සැකකරු  මෙසේ අත්අඩංගුවට ගත් බවත් කියයි.

මෙම සැකකරු 40 වින වියේ පසුවන පුත්තලම ඉහළ පුලියන්කුලම බලගොල්ලාගොඩ ප්‍රදේශයේ පදිචිකරුවකු වන බවත් ඔහු හමුදා සේවයෙන් විශ්‍රාම ගිය පසු පෞද්ගලික ඉදි කිරිම් අයතනයක සේවය කරමින් සිටින අතරම මෙසේ මත්කුඩු ව්‍යාපාරයේ නිරතව සිටි බවට තොරතුරු අනාවරණය වි තිබේ.

අත් අඩංගුවට ගත් සැකකරු කුඩු තොගය හා රථය හලාවත අධිකරණය හමුවට ඉදිරිපත් කිරිමට නියමිතව ඇත.