ඉන්ධන, ගෑස් ඉල්ලා ඇමතුම් දහස් ගණනක්

(සුජිත් හේවාජුලිගේ )

ජනතාව ඇතුළු විවිධ පාර්ශවවලින් ඉන්ධන, ගෑස් ඉල්ලා දුරකතන ඇමතුම් සිය ගණනක් දෛනිකව ලැබීම හේතුවෙන් මැති ඇමැතිවරුන් සහ ඔවුන්ගේ ඥාතීන් බොහෝ පිරිසක් දැඩි දුෂ්කරතාවයට පත්ව සිටින බව වාර්තා වේ.

මේ හේතුවෙන් බොහෝ මන්ත්‍රීවරුන් මහජන හමුවලට සහභාගීවීමද තාවකාලිකව නවත්වා ඇතැයි දැනගන්නට ඇත.

සමහර පුද්ගලයන් සිය නිවෙස්වලට පවා පැමිණ ඉන්ධන ඉල්ලා කලබල කරන බවත් තවත් සමහරුන් ඉන්ධන පිරවුම්හල්වලට කතාකර ඉන්ධන ඉන්ධන ලබා ගැනීමට උදව් කරන්නැයි ඉල්ලා සිටින බවත් මැති ඇමැතිවරු පිරිසක් ලංකාදීපයට පැවසූහ.

මේ සම්බන්ධයෙන් අදහස් දැක්වූ වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පැවසුවේ ඇමැතිවරුන්ගෙන් මෙයට පෙර ඉල්ලා සිටියේ රැකියාවක් උසස් වීමක් හෝ මාරුවීමක් වුවත් දැන් ඉල්ලා සිටින්නේ තෙල් ලීටර් දහයක් හෝ පහළොවක් බවයි.

මෙය විශාල කරදරකාරී තත්වයක්වී ඇතැයිද ඔහු සඳහන් කළේය.

මේ අතර ඉන්ධන ප්‍රශ්නය හේතුවෙන් පාර්ලිමේන්තු මන්ත්‍රීවරු රැසක් මේ දිනවල දුම්රිය හා පොදු මගී බස් රථ යොදා ගන්නා බව වාර්තා වේ.

ඈත දුර බැහැර ප්‍රදේශවල මන්ත්‍රීවරුන්ට ඉන්ධන හිඟය සහ කොළඹට පැමිණීම සඳහා අවශ්‍ය ඉන්ධන වෙනුවෙන් ලොකු මුදලක් වැය කිරීමට සිදුවීම හේතුවෙන් පාර්ලිමේන්තු රැස්වීම් පැවැත්වීම විශාල අභියෝගයක්වී ඇතැයි කතානායක මහින්ද යාපා අබේවර්ධන මහතා පැවසීය .

අදහස් (8)

ඉන්ධන, ගෑස් ඉල්ලා ඇමතුම් දහස් ගණනක්

Rexi Saturday, 02 July 2022 04:00 PM

ලොක්කා තාම පාඩම්කරනවා පාස් වෙන්න. එයාට මේවා පේන්නේ නැහැ.

: 1 34

Randula Saturday, 02 July 2022 04:33 PM

"මේ සම්බන්ධයෙන් අදහස් දැක්වූ වරාය නාවික හා ගුවන් සේවා අමාත්‍ය නිමල් සිරිපාල ද සිල්වා මහතා පැවසුවේ ඇමැතිවරුන්ගෙන් මෙයට පෙර ඉල්ලා සිටියේ රැකියාවක් උසස් වීමක් හෝ මාරුවීමක් වුවත් දැන් ඉල්ලා සිටින්නේ තෙල් ලීටර් දහයක් හෝ පහළොවක් බවයි." ඡන්දයක වටිනාකම මේ විදිහට ජනතා මුදලින්ම මිලදී ගන්නා දේශපාලකයෝයි, විකුණන/ විකිණෙන ඡන්ද දායකයෝයි අද ශ්‍රී ලංකාව මේ තත්වයට පත්වෙන්න එක හේතුවක්...!

: 0 44

ravin Saturday, 02 July 2022 04:47 PM

අනේ මන්දා කවුදෝ කියනවා වගේ ඇහුණා සමහර අය කොළොන්නාවේ ගබඩාවෙන් අපූරුවට හා උජාරුවට ගන්නවා කියලා. ඒවා තියෙන්නේ අත්‍යාවශ්‍යම වුණොත් ගන්න පමණක්ලු. අහවල්ලු කරන්නෙත් අත්‍යාවශ්‍ය හොරකම්මලු...

: 1 36

පුරවැසියා... Saturday, 02 July 2022 05:23 PM

පාර්ලිමේන්තුවේ සිටින මහජන නියෝජිතයින්ට පාර්ලිමේන්තුවට පැමිණීම පිණිස දුම්රිය බලපත්‍ර...

: 0 0

පුරවැසියා... Saturday, 02 July 2022 05:27 PM

පාර්ලිමේන්තුවට පත්කොට සිටින ජනතා නියෝජිතයින්ව, පාර්ලිමේන්තුවට පැමිණීම පිණිස අතීතයේ සිටම දුම්රිය බලපත් ක්‍රමයක් ක්‍රියාත්මක වන බැවින් සාමාන්‍ය ජනතාව මෙන් දුම්රියේ ගමන් කිරීම උචිතයි. මෙසේ ගමන් කරනා විට ජනතාවගේ ප්‍රශ්න ආදියද කතාකරමින් පැමිණිය හැකියි.

: 0 0

Sas Saturday, 02 July 2022 06:26 PM

අන්ධ, ගොළු සහ බිහිරි පාලකයින් සිටින රටක මෙවැනි දේ සාමාන්‍ය දේවල්ය...

: 0 0

fairoos Sunday, 03 July 2022 02:05 PM

කෝ රට රකින විරුවා? හෙනම වදිනවා...!

: 2 1

sharm warn Monday, 04 July 2022 10:53 AM

එතකොට ඉන්ධන ඉල්ලලා ගමන් ඔහෙලගේ මව්පියෝ එහෙමත් මතක් කරනවද? ජනතාවයි, මොවුන්ට දිගටම ඇමතුම් අරන් තියෙන ප්‍රශ්න කියලා පුළුවන් තරම් කරදර කරන්න. ඒකත් පොඩි අරගලයක්..!

: 0 1

ඔබේ අදහස් එවන්න

දියත

පානදුර පොදු වැසිකිලියේ මුදල් කොල්ලකෑ සිසුන් හයක් අත්අඩංගුවට

2024 නොවැම්බර් මස 17 1 0

පානදුර මුහුදු වෙරලේ පොදු වැසිකිලියේ සේවකයාගේ මුදල් භාජනය කොල්ලකෑ පාසල් සිසුන් හය දෙනෙකු අත්අඩංගුවට ගත්බව පානදුර දකුණ පොලිසිය පවසයි .

කැබිනට් මණ්ඩලය හෙට දිවුරුම් දෙයි

2024 නොවැම්බර් මස 17 20 0

නව රජයේ කැබිනට් මණ්ඩලය හෙට (18) පෙරවරුවේ ජනාධිපති කාර්යාලයේදී දිවුරුම් දීමට නියමිතව ඇත.

විදෙස් ගමන් බලපත් 66ක් සමඟ යුවළක් මාට්ටු

2024 නොවැම්බර් මස 17 139 0

විවිධ පුද්ගලයන්ට අයත් විදේශ ගමන් බලපත්‍ර 66 ක් සන්තකයේ තබාගෙන සිටි කාන්තාවක් සහ පිරිමි පුද්ගලයකු අත්අඩංගුවට ගත් බව කහ තුඩුව පොලිසිය කියයි.

මහනුවරින් තවත් ඩිෆෙන්ඩරයක් සොයාගනී

2024 නොවැම්බර් මස 17 304 0

නීති විරෝධී බවට සැක තවත් නවීන සුඛෝපභෝගී ඩිෆෙන්ඩර් රථයක් මහනුවර මූලස්ථාන පොලිසිය මගින් අත්අඩංගුවට ගෙන තිබේ.

අද - හෙට විශේෂ දුම්රිය කීපයක්

2024 නොවැම්බර් මස 17 92 0

මහ මැතිවරණය සහ සතිඅන්තයේ දීර්ඝ නිවාඩුව අවසන් වී රැකියා ස්ථාන වෙත පැමිණෙන හා සෙසු ජනතාවගේ ගමන් පහසුව සඳහා අද (17) හා හෙට (18 ) විශේෂ දුම්රිය කීපයක් ධාවනය කිරී

පිපිරීමකින් තරුණයෙක් මරුට

2024 නොවැම්බර් මස 17 601 0

අගුණකොලපැලැස්ස , රන්න පාරේ ඉන්ධන පිරවුම් හල අසල පිහිටි වාහන වලට තීන්ත ආලේපනය කරන ගරාජයක් තුළ තිබූ යකඩ බැරලයක් හදිසියේ පුපුරාගොස් එහි කැබැල්ලක් ගෙලෙහි