(කාංචන කුමාර ආරියදාස)
සෞදි අරාබියේ ගෘහ සේවයේ සිටීයදී ආහාර වෙනුවට කොන්ක්රීට් ඇණ පහක් සහ රෙදි වියළීමට උපයෝගී කර ගන්නා යකඩ ස්ප්රින් කැබැල්ලක් ගිල්ලූ බව මාතලේ ඇල්කඩුවේ කාන්තාවත් වත්තේගම පොලිසියට පැමිණිල්ලක් කරමින් පැවසුවාය.
මෙම ගෘහ සේවිකාව සෞදි රෝහලක වෛද්යවරයෙකුගේ මැදිහත්වීමෙන් තානාපති කාර්යාලය හරහා මීට දින කිහිපයකට ඉහත දී ලංකාවට ගෙන්වා ගනු ලැබුවාය.
ආහාර වෙනුවට කොන්ක්රීට් ඇණ ගිල්ලවා ඇත්තේ සෞදි අරාබියේ තායිඩ් ප්රදේශයේ ගෘහ සේවිකාවක ලෙස සේවය කරමින් සිටි මාතලේ ඇල්කඩුව තේවත්තක ජීවත් වූ එම්.එස්. ත්යාගා සෙල්වි නැමැති විසි එක් හැවිරිදි එක් දරු මවකටය.
තම දියණියට සිදු වූවූ මෙම අපරාධය පිළිබඳව ඇයගේ මව තයාගු කුමාරි මහත්මියද වත්තේගම පොලිසියට පැමිණිල්ලක් කළාය.
තමා කොළඹ පෞද්ගලික විදේශ රැකියා ආයතනයකින් ජුනි මාසයේදී ගෘහ සේවය සඳහා ගිය බවත් එහිදී ආහාර පාන නොදී දැඩි පීඩනයකට පත්ව සිටින අවස්ථාවක තමා දුරකථනය හරහා ආහාර නොමැති බව පැවසීමෙන් හා රැකියා නියෝජිත ආයතනයට ඒ බව දැන්වීම නිසා උරණ වූ නිවසේ හිමිකාරිය සහ ඇයගේ මව එක්ව ඉතා අමානුෂික අන්දමින් පහර දී කොන්ක්රීට් සඳහා ගසන සුදු පැහැති ඇණ පහක් ගිල දමන ලෙස බල කරමින් පහර දුන් බව ඇය සඳහන් කළාය.
කම්බි ගිලීම ප්රතික්ෂේප කළ අවස්ථාවේදී පහරදී ගිල්ලූ බවද ඇය කීවාය.
පසුව රෙදි වියලීම සඳහා උපයෝගී කරගන්න සුදු යකඩ වලින් නිෂ්පාදිත ස්ප්රින් එකක් ගිල්ල වූ බවත් එම යකඩ කැබැල්ල උගුරේ සිරවූ බව ද ඇය හැඬු කඳුළින් සඳහන් කළාය.
දින කිහිපයක් මේ ආකාරයෙන් පසුවෙද්දී එකවරම තමන්ගේ උදරයෙන් මුඛයෙන් ලේ වහනය වන්නට වූ අවස්ථාවේ එම නිවැසියන් තමන්ව එරට රෝහලකට රැගෙන ගිය බව සෙල්වී මහත්මිය පැවසුවාය.
වෛද්යවරුන් තමා පරික්ෂා කළ අවස්ථාවේදී උදරයේ යකඩ ඇණ පහක් දැක ඒ සඳහා ප්රතිකාර ලබා දීමට ඉදිරිපත් වූ බව ඇය සඳහන් කළාය.
ලංකාවට පැමිණ මහනුවර රෝහලේ දී පරික්ෂා කිරීමේදී තවත් ඇණ දෙකක් තම කුස තුළ තිබෙන බව එක්ස්රේ වලින් පෙනී ගිය බවද ඇය සඳහන් කළාය.
එක ඇණයක් දින දෙකකට ඉහතදී වෛද්යවරුන් එළියට ගත් බවත් තවත් යකඩ ඇණයක් තමන්ගේ උදරයේ පිට කොන්ද ප්රදේශයේ රැඳී තිබෙන බවද ඇය සඳහන් කරන්නට වූවාය.
මෙම සිද්ධිය සම්බන්ධයෙන් විදේශ රැකියා ආයතනය දැනුවත් කළ ද ඔවුන් කිසිම ප්රතිචාරයක් නොදැක්වූ බවද එම කාන්තාවගේ මව කීවාය.
සැමියාගෙන් වෙන්වී දරුවෙකු සමග තනිව ජීවත්වන තම දියණිය දරුවාගේ අනාගතය සඳහා විදේශගත වූ බව ඇද ඇය හැඬු කඳුළින් කීවාය. මෙවැනි දෙයක් කිසිදු අයකුට සිදුවන්නට ඉඩ නොතබන ලෙස ඇය බලධාරීන්ගෙන් ඉල්ලීමක් කරමින් පැවසුවාය.
වත්තේගම පොලිසියේ නිලධාරීන් පැය හතරක පමණ කාලයක් මෙම ගෘහ සේවිකාවගේ ප්රකාශ සටහන් කරගෙන ඉදිරි විමර්ශන සිදුකරයි.
මේ පිළිබඳව විදේශ සේවා නියුක්ති කාර්යාංශය දැනුවත් කිරීමට අවශ්ය පියවර ගන්නා බව වත්තේගම පොලිසියේ උසස් නිලධාරියෙක් සඳහන් කළේය.
රජයේ ආයතන මගින් සංවිධානය කරන විවිධ කාර්යයන් සඳහා අග්රාමාත්යවරියගේ හෝ අමාත්යවරුන්ගේ ඡායාරූප සහ පණිවුඩ යොදා ගැනීමේ දී අග්රාමාත්යවරිය වෙනුවෙන්
හම්බන්තොට දිස්ත්රික්කයේ ප්රකට දේශපාලන පවුලක් වන රාජපක්ෂ පවුලෙන් වසර 88 කට පසු මෙවර දේශපාලනයේ නියෝජනයක් නොමැති වීම මෙහි විශේෂත්වයක් බව දෙශපාලන වේදි
බළන්ගොඩ දහමාන ප්රදේශයේ නිවසක මාමන්ඩිය සහ බැණා අතර ඇති වූ බහින් බස් වීමක් දුර දිග යාමෙන් බෑනා මියගොස් ඇතැයි බළංගොඩ පොලිසිය කියයි.
දිවයින ආශ්රිත වායුගෝලයේ පවතින කැළඹිලි ස්වභාවය හේතුවෙන්,දිවයිනේ නිරිතදිග කොටසේ පවතින වැසි තත්වය තවදුරටත් බලාපොරොත්තු වන බව කාලගුණ විද්යා දෙපාර්තම
2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .
දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්රික් ආපදා කළමනාකරණ නියෝජ්ය අධ්යක්ෂ
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඉසුරු සොයා ගිය කතට කොන්ක්රිට් ඇණ ගිල්ලවලා
Perera Tuesday, 26 September 2023 08:02 AM
දැන් ලංකාවේ කම්කරු ඇමැති, විදේශ කටයුතු ඇමැති, විදේශ සේවා නියුක්ති කාර්යාංශයේ... මොනවද මේ ගැන කරන්නේ? මුකුත් නැහැ? ලබන පාරත් පෝලිමේ ගිහින් මොවුන්ටම ඡන්දෙ දෙන්න.
කිරිපුතා Tuesday, 26 September 2023 09:28 AM
අහිංසක කාන්තාවන් ගෘහ සේවයට එන්න එපා ! එවන්නත් එපා ! මේ එකම හෝ අවසාන සිද්ධිය නෙවෙයි... මහන්සිවෙලා වැඩ කරනවා නම් ලංකාවේ ඕනෑතරම් රැකියා තියෙනවා. රට යනවා නම් පිළිගත් රැකියාවකට යා යුතුයි..
Nihal Tuesday, 26 September 2023 02:01 PM
සුලු වැටුපකට යන ඔවුන්ට "ඉසුරු සොයා යන" ගැලපෙන්නේ නෑ
sumanasiri Tuesday, 26 September 2023 09:17 PM
මේ අහිංසකයින්ට එරට ශ්රී ලංකා තානාතිපති කාර්යාලයේ පිහිට ලැබිය යුතුයි,මේ සම්බන්ධයෙන් රෝහල් ගතවුණු අවස්ථාවේ තානාතිපති කාර්යාලයේ නිලධාරීන්ට නීති මගින් කටයුතු කල හැකියි,ලංකාවේ ඒජන්සි කාරයන් මිනිසුන් විකුනනවා හැරෙන්න කරන දෙයක් නැත ,විදේශ සේවා එකද ඒජන්සි කරුවන්ගේ කප්පම් වලින් යැපෙන බැවින් කිසිවක් කල නොහැක