(ප්‍රසාද් රුක්මල්) 

උඩරට දුම්රිය මාර්ගයේ දෙමෝදර දුම්රිය ස්ථානය අසල දී භාණ්ඩ ප්‍රවාහන මිශ්‍ර දුම්රියක් පිලිපැනීමට ලක්වීමෙන් අඩාලව පැවති බදුල්ල - කොළඹ කොටුව අතර දුම්රිය ධාවනය අද (30) පස්වරුවේ සිට යලි  යථාතත්වයට පත් කල බව නාවලපිටිය දුම්රිය පාලක මැදිරිය පවසයි .

බදුල්ල සිට මහනුවර බලා අද (30) දහවල් ධාවනය වෙමින් තිබූ අංක 1596 දරන භාණ්ඩ ප්‍රවාහන මිශ්‍ර දුම්රියේ භාණ්ඩ ප්‍රවාහන පෙට්ටිය ක් දෙමෝදර දුම්රිය ස්ථානය ආසන්නයේ දී පිලිපැනීමට ලක්වීමෙන්  උඩරට දුම්රිය මාර්ගයේ  බදුල්ල දෙමෝදර  අතර දුම්රිය ධාවනයට බාධා සිදුව තිබූ බවද දුම්රිය පාලක මැදිරිය සදහන් කළේය .

බදුල්ල දුම්රිය ස්ථානයේ දුම්රිය ආපදා සේවකයන් විසින් පිලිපැනීමට ලක්ව තිබූ දුම්රිය යලි පිලීගත කිරිමෙන් අනතුරුව අද (30) පස්වරුවේ සිට බදුල්ල දෙමෝදර අතර දුම්රිය ධාවනය සාමාන්‍ය පරදි ධාවනය වන බවත් , බදුල්ල සිට කොළඹ කොටුව බලා ධාවනය වන අංක .1046 දරන රාත්‍රි තැපැල් දුම්රිය රාත්‍රි 7.00ට පමණ බදුල්ල සිට කොළඹ කොටුව බලා ධාවනය කරවීමට කටයුතු යොදා ඇතැයි දුම්රිය පාලක මැදිරියේ ප්‍රකාශයකු කීය .