(ශාන්ත චන්ද්‍රසිරි)

නුවරඑළිය දිස්ත්‍රික්කයේ මේ දිනවල පවතින  වර්ෂා සහිත කාලගුණික තත්ත්වය හේතුවෙන් කඳුකරයේ  මාර්ගවල  රථ වාහන ධාවනය කිරීමේදී දැඩි අවධානයෙන් යුතුව රිය ධාවනය කරවන ලෙස එම මාර්ග භාවිතා කරනු ලබන රියදුරන්ගෙන්  නුවරඑළිය දිස්ත්‍රික් ආපදා කළමනාකරණ ඒකකයේ සහකාර අධ්‍යක්ෂ නිමල් බණ්ඩාර මහතා   ඉල්ලා සිටී.

පවතින වර්ෂාව හා කඳුකර මාර්ගවල නිරන්තරයෙන් ඇති වන දැඩි මීදුම් තත්ත්වයන් හේතුවෙන් රථ වාහන ධාවනයේදී කඳුකරයේ මාර්ගයන් පිළිබඳව නිසි අවබෝධයකින් යුතුව  පරික්ෂාකාරීව සිදු  කළ යුතු බවද  බණ්ඩාර මහතා පැවැසීය.

කඳුකරයේ මාර්ගවලට නිරන්තරයෙන් ගස්, ගල් හා පස් කඳු කඩා වැටීම් සිදුවන බවත්, එමෙන්ම බොහෝ අවස්ථාවල පවතින දැඩි මීදුම හේතුවෙන් මාර්ගය නිසි ලෙස දර්ශණය නොවන බැවින් ඒ පිළිබඳව දැඩි අවධානයෙන් යුතුව රථ වාහන ධාවනය කල යුතු බවද බණ්ඩාර මහතා කීය.