(ගයාන් සූරියආරච්චි සහ ජේ.ඒ.එල්. ජයසිංහ)

පහරදීමේ සිද්ධියක් සම්බන්ධයෙන් මහනුවර මහේස්ත්‍රාත් අධිකරණයේ පවතින නඩුවක් මග හරිමින් සිටි යුද හමුදා සෙබළකු ඊයේ (11) අත්අඩංගුවට ගත් බව තලාතුඔය පොලිසිය පවසයි.

මෙසේ අත්අඩංගුවට ගෙන ඇත්තේ අවුරුදු 28 ක් වන බත්තරමුල්ල යුද හමුදා මූලස්ථානයට අනුයුක්තව සේවය කරනු ලබන හපුතලේ, පල්ලේගම ප්‍රදේශයේ පදිංචි සෙබළකු බව පොලිසිය පවසයි.

මෙම සෙබළා පවුල් ආරවුලක් මත සහෝදරයකුට කළ පහරදීමක් සම්බන්ධයෙන් පොලිසියට පැමිණිල්ලක් ලැබූ තිබූ අතර ඒ සම්බන්ධයෙන් මහනුවර මහේස්ත්‍රාත් අධිකරණයේ පැවැති නඩුවකට සැකකරු පෙනී නොසිටීම හේතුවෙන් අධිකරණයෙන් වරෙන්තු නිකුත් කර තිබූ බව පොලිසිය කියයි.

අත්අඩංගුවට ගත් සැකකරු අධිකරණයට ඉදිරිපත් කිරීමට නියමිතව තිබුණි.

මහනුවර දිසාව බාර ජ්‍යෙෂ්ඨ පොලිස් අධිකාරී අනුරුද්ධ බණ්ඩාරනායක මහතාගේ උපදෙස් පරිදි තලාතුඔය පොලිසියේ ස්ථානාධිපති ප්‍රධාන පොලිස් පරීක්ෂක කේ.ඩි. නිශාන්ත අප්පුහාමි මහතා ඇතුළු නිලධාරීහු වැඩිදුර විමර්ශන සිදුකරති.