(  වසන්ත චන්ද්‍රපාල)

අම්පාර  උහන සමන්ගල සහ බංඩාරදුව ආසන්නයේ  වනසංරක්ෂණ දෙපාර්තතමේන්තුවේ  රක්ෂිත වනාන්තරය මහා පරිමාණයෙන් විනාශ කරන බව  ප්‍රදේවාසිහු පවසති.

ප්‍රදේශවාසින්ගේ ලද තොරතුරු අනුව පසුගිය දින  මෙම රක්ෂිත වනාන්තරය තුල සංචාරය කල අතර එහිදි කරමින් තිබෙන වන විනාශය දැක ගැනීමට හැකිවිය.

සමන්ගල රක්ෂිතය ආසන්නව වසර ගනනකට පෙර ප්‍රදේශයේ ජනතාව හේන් වගා කල අතර පසුව පත්වු විවිධ රජයන් මගින් එම  හේන්  ජනතාවට වගා  කිරිමට අවසර දෙනු ලැබිය.පැරැණි හේන් වගා කරනලද භුමි හේන් වගාව  සදහාම වෙන්කර දි තිබේ   .

දැනට සති  තුනක කාලයක සිට මෙම වන විනාශය සිදුවන අතර දිවා කාලයේ කැලෑවට යන ගම්වැසියන් පලමුව කැලෑවතුල ඇති යටි කැලය කපා ගිනි තබන අතර පසුව විශාල  ගස් කපන බවද වාර්තාවේ.

මෙම මහා වන විනාශයට ප්‍රදේශයේ  සමහර ග්‍රාම නිලධාරින් පවා මුනිවත රකිමින් සිටි. දැනට සති තුනක  පමණ කාලයක් මෙම වන සංහාරය කරනු  ලබන්නේ වන සංරක්ෂණ දෙපාර්තමේන්තුවට අයිති  රක්ෂිත වනාන්තරය තුලය.

සමහර පිරිස් රක්ෂිතයට  ඇතුලුවි මුලින්ම කුඩා ගස් කපන අතර පසුව ඒවා ගිනි තබන අතර ඉන් පසුව මහා ගස් කපා ගිනි තබයි. දැනට වසර ගණනාවක සිට ගොවියන් විසින් වගාකර අත් හරින ලද ඉඩම් මහා ඝන කැළෑ  බවට පත්වි තිබේ . එම වනාන්තරද මේ දිනවල කපා දමමින් සිටි.

දැනට වසර කිහිපයකට පෙර වනජීවි දෙපාර්මේන්තුවේ විරෝධය මැද බංඩාරදුව වැව ඉදිකල අතර මේ නිසා වනාන්තරයේ  වර්ග සැතපුම් 575 ක් පමන ප්‍රමානයක් ජලයට යටවිය.

 මේ හේතුව නිසා බංඩාරදුව, සමන්ගල වෑරුන්කැටගොඩ , රතුපස්තලාව යන ගම්මානවලට දැඩි ලෙස වන අලි කරදර ඇති බව වනජීවි දෙපාර්මේන්තුව පවසයි. දැනට සමන්ගල රක්ෂිතය වටා අලිවැටක් ඉදිකර ඇති අතර මෙම වන විනාශය කරනු ලබන්නේ අලිවැටෙන් ඇතුලුවි බවද වාර්තාවේ.

මේ පිලිබදව අම්පාර දිසාවන නිළධාරි ආර්.එම්.විජේපාල මහතාගෙන් විමසු විට ඔහු පැවසුවේ මේ පිළිබදව තොරතුරු ලැබිමෙන් පසුව වන සංරක්ෂණ නිළධාරින් එම ප්‍රදේශයට යොමු කර ඇති බවයි. මෙම වන විනාශයට සම්බන්ධ පිරිස් අත් අඩංගුවට ගන්නා බවද පැවසිය.