එජාප තනතුරුවල වෙනසක් නෑ: මධ්‍යම කමිටුව තීරණය කරයි

(අංජුල මහික වීරරත්න)

එක්සත් ජාතික පක්ෂයේ කිසිඳු තනතුරක් වෙනස් නොකළ යුතු බවට පක්ෂයේ මධ්‍යම කමිටුව අද (12) තීරණය කළේය.
එක්සත් ජාතික පක්ෂය ටිකෙන් ටික ඉදිරියට ගෙන ඒම සඳහා පක්ෂයේ වත්මන් නායකයින් ඉතා උනන්දුවෙන් දර දිය ඇද කටයුතු කොට ඇති හෙයින් ඉදිරි වැඩ කටයුතු ද එම නායකයන්ට කරගෙන යාමට ශක්තිය ඇති බව මධ්‍යම කමිටුවට සහභාගී වූ පක්ෂ ජ්‍යෙෂ්ඨයන්ගේ අදහස වී තිබේ.

ජනාධිපති රනිල් වික්‍රමසිංහ මහතාගේ ප්‍රධානත්වයෙන් කොළඹ ජනාධිපති කාර්යාලයේ දී පක්ෂ මධ්‍යම කමිටුව අද පස්වරුවේ රැස් විය.
හිටපු අමාත්‍ය රවී කරුණානායක මහතාට පක්ෂ නියෝජ්‍ය නායක ධුරය හෝ මහ ලේකම් ධුරය ලබා දිය යුතු බවට ඉදිරිපත් වූ යෝජනාවක් ද මධ්‍යම කමිටුවේ සාකච්ඡාවට බඳුන් වී ඇති අතර එහිදී පක්ෂ ජ්‍යෙෂ්ඨයන් සඳහන් කර ඇත්තේ වර්තමානයේ පක්ෂ තනතුරු වල කිසිදු වෙනසක් ඇති කිරීමේ අවශ්‍යතාවයක් නැති බවයි.

මෙහිදී අදහස් දක්වමින් පක්ෂ සභාපති වජිර අබේවර්ධන මහතා පවසා ඇත්තේ සියලු දෙනාම එකමුතු වී එකා මෙන් ඉදිරි ගමන යා යුතුව තිබෙන බවයි.

පක්ෂ නියෝජ්‍ය නායක රුවන් විජයවර්ධන,උපනායක අකිල විරාජ් කාරියවසම් මහත්වරුන් ද මෙහිදී අදහස් දක්වමින් සඳහන් කර තිබෙන්නේ පක්ෂයේ තනතුරු දරන්නන් රට වටා ඇවිදිමින් පක්ෂයේ බිම් මට්ටමේ ගොඩනැගීමේ කටයුතු නිසියාකාරව සිදු කරමින් සිටින බවයි.

එක්සත් ජාතික පක්ෂයේ නායක,මහලේකම් සහ සභාපති තනතුරු හැර සෙසු සියලු තනතුරු අහෝසි කර නායකත්ව මණ්ඩලයක් ඇති කළ යුතු බවට මීට පෙර යෝජනාවක් පැමිණ තිබූ අතර එම යෝජනාව ක්‍රියාත්මක කිරීම අවශ්‍ය නොවන බවද ඊයේ පැවති මධ්‍යම කමිටුවේ දී තීරණයකට එළැඹ තිබේ.

අදහස් (8)

එජාප තනතුරුවල වෙනසක් නෑ: මධ්‍යම කමිටුව තීරණය කරයි

saman Thursday, 12 October 2023 09:11 PM

එක්සත් ජාතික පක්ෂයේ කිසිඳු තනතුරක් වෙනස් නොකළ යුතු බවට පක්ෂයේ මධ්‍යම කමිටුව අද තීරණය කර ඇත...!

: 0 3

Rata Perata Thursday, 12 October 2023 09:41 PM

රනිල් එක්ක ඔය පක්ෂයත් වලකජ්ජ ගහන කම් කිසිම වෙනසක් වෙන්නේ නැහැ. අනේ අපේ පළවෙනි දේශපාලන පක්ෂයට වුණු වැඩේ...

: 2 4

Nihal Thursday, 12 October 2023 10:02 PM

ඉදිරියේ එන සියලුම මැතිවරණ වලින් ඔයගොල්ලෝ සියලු දෙනාටම ඇපත් නැහැ...

: 2 3

CHANDIMA Thursday, 12 October 2023 11:28 PM

ඉතින් අබේවර්දන මහත්තයෝ දැනටත් එක වගේනේ ඉස්සරහට යන්නේ .එකෙක් ඉස්සරහින් දෝලාවේ තියාගෙන අනික් උන් කොට ඇඳගෙන පස්සෙන් යනවා .එහෙම නේද ?

: 2 3

Nimal Friday, 13 October 2023 08:50 AM

මහ බැංකු හොරෙකුට තනතුරු දුන්නොත්, ලැබෙන්න තිබෙන සියයට 3ත් නැතිවෙයි.

: 1 4

C.K.Lankaputhra Friday, 13 October 2023 12:17 PM

තනතුරු වෙනස් කළත්, නැතත් ඔහෙලාට ජනතාවගේ ඡන්දෙ ගන්නවා බොරු... මොන මොන උප්පරවැට්ටි දැම්මත් වැඩේ නම් හරියන්නේ නෑ ගොයියෝ...!

: 3 3

de silva Friday, 13 October 2023 01:04 PM

ඉස්සර 5/6 බලයක්... එනම් 85%ක බලයක් තිබ්බා... පක්ෂයක් 3% දක්වා ගෙන එන්න කටයුතු කළ මෙම පිරිස පසුපස යන්න රටේ ඡන්ද දායකයෝ කැමැති නෑ...

: 2 4

Shashika519 Friday, 13 October 2023 07:24 PM

වජිර මුළු ගාල්ලේම කියව කියවා ඇවිදිනවා ඊළඟ ආණ්ඩුවේ ජනාධිපති රනිල්, අගමැති එයා කියලා...!

: 0 0

ඔබේ අදහස් එවන්න

දියත

අපේක්ෂකයින්ගේ නම් හෙට ලංකාදීපයේ

2024 ඔක්තෝබර් මස 11 1601 0

2024 ඉදිරි මහ මැතිවරණයට ඉදිරිපත්වන සියලු අපේක්ෂකයන්ගේ නම් හෙට (12) ලංකාදීප පුවත්පතේ පළ කෙරේ .

ගම්පහට මහ ගංවතුර තත්වයක්

2024 ඔක්තෝබර් මස 11 509 0

දින කිහිපයක සිට පවතින අධික වර්ෂාව හේතුවෙන් අත්තනගලු ඔයෙහි ජල මට්ටම මහ ගංවතුර මට්ටමකට පත්ව ඇති බව ගම්පහ දිස්ත්‍රික් ආපදා කළමනාකරණ නියෝජ්‍ය අධ්‍යක්‍ෂ

පුත්තලමට අපේක්ෂයන් 429ක්

2024 ඔක්තෝබර් මස 11 191 0

පුත්තලම දිස්ත්‍රික්කයෙන් මෙවර පිළිගත් දේශපාලන පක්ෂ 24 ක් හා ස්වාධීන කණ්ඩායම් 15 ක අපේක්ෂකයන් 429 දෙනෙක් තරග බිමට එක්ව සිටිති.

මාතලේට 24ක් තරඟ බිමට

2024 ඔක්තෝබර් මස 11 280 0

මෙවර මහ මැතිවරණය සදහා මාතලේ දිස්ත්‍රික්කයෙන් පිළිගත් දේශපාලන පක්ෂ 17ක් සහ ස්වාධීන කණ්ඩායම් 07ක් සමග නාම යෝජනා පත්‍ර 24ක් ලැබුණූ බවත් ඉන් එක් පිළිගත් දේශප

නුවරඑළියට 308ක් තරඟ බිමට

2024 ඔක්තෝබර් මස 11 132 0

2024 මහ මැතිවරණය සදහා පිලිගත් දේශපාලන පක්ෂ 20 කින් සහ ස්වාධින කණ්ඩායම් 15 කින් නාම යෝජනා පත්‍ර ඉදිරිපත් කළ බව නුවරඑලිය දිස්ත්‍රික් තේරිම්භාර නිලධාරි නන්දන

වන්නියට කණ්ඩායම් 47ක්

2024 ඔක්තෝබර් මස 11 87 0

වන්නි මැතිවරණ කොට්ඨාසය සඳහා පිළිගත් පක්ෂ සහ ස්වාධීන කණ්ඩායම් 47 තරඟ කිරීම සඳහා සුදුසුකම් ලබා අ‍ැතැයි වන්නි මැතිවරණ කොට්ඨාස තේරීම්භාර නිළධාරි පි.ඒ.සරත්