(ගයාන් සූරියආරච්චි)
ඉන්දියානු නේපාල පාකිස්ථාන ඇතුළු විවිධ ජාතීන් මෙරට රැඳී සිටිමින් නීති විරෝධීව අන්තර්ජාලය ඔස්සේ මූල්ය වංචා සිදුකිරීම මෙරට ජාතික ආරක්ෂාවට මෙන්ම ජාතික ආර්ථිකයටත් බලපෑමක් සිදු කර ඇති බව පොලිස් මාධ්ය ප්රකාශක නියෝජ්ය පොලිස්පති නිහාල් තල්දුව මහතා පැවසීය.
ඔහු ඒ බව පැවසුවේ මහජන ආරක්ෂක අමාත්යාංශයේ පැවති මාධ්ය හමුවකට සහභාගි වෙමිනි.
අන්තර්ජාලය ඔස්සේ සිදු කරනු ලබන මූල්ය වංචා පරිගණක අපරාධ ගණයට වැටෙන අතර එය ජාතික ආරක්ෂාවට තර්ජනයක් බවද නිහාල් තල්දුව මහතා පැවසීය.
මෙරට විවිධ ප්රදේශවල සුඛෝපභෝගී නිවාස වල රැඳී සිටිමින් අන්තර්ජාලය ඔස්සේ සූදු ක්රීඩා සිදුකරමින් මූල්ය වංචා කළ ඉන්දියානු ජාතිකයන් 137 දෙනෙකු මේ වන විට අත්අඩංගුවට ගෙන ඇති බවද පොලිස් මාධ්ය ප්රකාශකවරයා පැවසීය.
එම ඉන්දියානු ජාතිකයන් සංචාරක වීසා මගින් මෙරට රැඳී සිටි ඇති බව විමර්ශනවලදී අනාවරණය වී තිබේ.
ඉන්දියාවේ තහනම් කරන ලද සූදු වෙබ් පිටුවක් මෙරට සිට ක්රියාත්මක කර ඒ ඔස්සේ ඉන්දියානු ජාතිකයන් සම්බන්ධ කර ගනිමින් කෝටි ගණනින් සූදු ක්රීඩා කර ඇති බව අනාවරණය වී ඇත.
මෙම ඉන්දියානු ජාතිකයන් මාස කීපයක සිට මෙම ජාවාරම් සිදුකරගෙන ගොස් ඇති බව පොලිස් මාධ්ය ප්රකාශකවරයා කීය.
මේ වන විට අන්තර්ජාලය මගින් මූල්ය වංචා සිදුකරන ජාවාරම්කරුවන් ජාලයක් සිටින බවට අනාවරණය වී ඇති අතර එම ජාවාරම්කරුවන් හෙළිදරව් කර ගැනීමට විමර්ශන සිදුකරන බවද නිහාල් තල්දුව මහතා පැවසීය.
යම් පුද්ගලයෙක් සතු නිවසක් කුලියට දුන්නද එම නිවස කුලියට ගත් පිරිස කුමන කාර් යයක නියැලෙන්නේ ද යන්න පිළිබඳව සොයා බැලීමට අයිතිකරුට වගකීමක් ඇති බව පැවසූ තල්දුව මහතා එම කුලියට ගත් නිවස කිසියම් අපරාධයක් සඳහා භාවිතා කර ඇති බවට අනාවරණය වුවහොත් රාජසන්තක කිරීමට පවා හැකියාව ඇති බව පැවසුවේය.
අත්අඩංගුවට ගත් ඉන්දියානු ජාතිකයන් නීතිපතිවරයාගේ උපදෙස් පරිදි නඩු පැවරීමට පියවර ගන්නා බවද නියෝජ්ය පොලිස්පති නිහාල් තල්දූව මහතා කීය.
හිටපු අමාත්යවරුන් සහ රාජ්ය අමාත්යවරුන් එම අමාත්ය ධුර දැරූ සමයේදී පරිහරණය කළ සියලුම රජයේ නිවාස සහ බංගලා වහාම නැවත බාර දෙන ලෙස රාජ්ය පරිපාලන අමාත්
හිටපු පාර්ලිමේන්තු මන්ත්රී සහන් ප්රදීප් මහතා කාලයක් තිස්සේ නොගෙවා පැහැර හැර තිබුණේයැයි කියන රුපියල් ලක්ෂ පනස් තුනක පමණ වාහන අනතුරු වන්දි මුදලක් ඔහ
ලංකා ඛනිජ තෙල් නීතිගත සංස්ථාවේ සභාපතිව සිටි සාලිය වික්රමසූරිය මහතා ඉල්ලා අස්වී ඇත.
ශ්රී ලංකාවේ සංවර්ධන සහ ආර්ථිකය ගොඩනැගීම වෙනුවෙන් චීන රජයේ සහයෝගය ලබාදෙන බව මෙරට චීන තානාපති Qi Zhenhong මහතා පැවසීය.
රුසියානු යුක්රේන යුද්ධයට කුලී හේවායන් ෙලස විශ්රාමික ත්රිවිධ හමුදා සාමාජිකයන් යැවීමේ මිනිස් ජාවාරම පිටුපස සිටි බව කියන රජයේ ඉහළ පෙළේ තනතුරක් හෙබව
පැරණි ක්රමවේදය අනුව වීසා ලබා ගැනීමේ හැකියාව අද මැදියම් රැයේ සිට සියලුම විදේශිකයන්ට හිමිවන බවත් මහජන ආරක්ෂක අමාත්ය විජිත හේරත් මහතා පැවසීය.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
’ඔන්ලයින් මූල්ය වංචා ජාතික ආරක්ෂාවට බලපෑමක්’
නිහාල් Friday, 28 June 2024 10:56 PM
මහබැංකු වංචාවෙන් එහෙම බලපෑමක් නෑ...
රංබොඩ Saturday, 29 June 2024 02:42 AM
ඉන්දියානුවන් එහෙමයි. අධික ජනගහනයක් ඇති රටක් නිසා ලෝකෙ පුරාම ඔවුන් දැඩි සේ ව්යාප්තව ඒ ඒ රටවලට බලපෑම් ඇති කරනවා. රනිල් ලොක්කා ගොඩබිමිනුත් පාරක් හදන්න හදනවා. එහෙම ස්වයං වින්දනයක් යෙදුනට ඒවා සමස්ථ ජාතියටම අනාගත ගැටලු .
Vithana Saturday, 29 June 2024 05:29 AM
ඔන්ලයින් සහ උන්ඩියල් ජාවාරම් වල නිරතවෙන බොහෝමයක් අර පක්ෂේ උදවිය තමයි. ඒ සල්ලි තමයි පක්ෂේ වියදමට එවන්නේ. ඒ නිසයි ඒ පක්ෂයේ නායකයෝ පක්ෂ අරමුදල විගණනය කරනවට විරුද්ධ
End Game Saturday, 29 June 2024 08:51 AM
මහබැංකු හොරු, සුනාමි හොරු ආදී නොයෙක් හොරුත් තාම ලංකාවේ ඉන්නවනේ...!