(යොහාන් භාසුර)

ඖෂධ මිලදීගැනීමට මිල කේවල් කිරීම සහ හදිසි මිලදීගැනීම් සඳහා වන තීරණ ඖෂධ නිතීගත සංස්ථාව සහ ඖෂධ සැපයීම් අංශය හරහා සිදුවන බැවින් පසුගිය රජය සමයේ සිදුවූයේ යැයි කියන ඖෂධ අක්‍රමිකතා පිළිබඳ පරීක්ෂණවලට ඖෂධ නියාමන අධිකාරියේ දත්ත මකා දැමීම බලපාන්නේ කෙසේදැයි ඖෂධ නිෂ්පාදන, සැපයුම් හා නියාමන රාජ්‍ය අමාත්‍ය මහාචාර්ය චන්න ජයසුමන මහතා රටට පැහැදිළි කළ යුතු බව සෞඛ්‍ය වෘත්තීයවේදීන්ගේ විද්වත් සංගමයේ සභාපති රවී කුමුදේශ් මහතා පැවසීය.

ඖෂධ නියාමන අධිකාරියේ දත්ත මකාදමා ඇත්තේ පසුගිය රජයේ ඖෂධ හොරකම් කළ කණ්ඩායම් බව පෙන්වා දෙමින් උපායශීලී ලෙස ගැටලුව වෙනතකට යොමු කිරීමේ උත්සහයක් රාජ්‍ය අමාත්‍යවරයා පාර්ලිමේන්වේදී කළ කථාවෙන් පෙණෙන බවත් ප්‍රධාන කරුණු දෙකක් සැලකීමේදී අමාත්‍යවරයාගේ හේතු දැක්වීම පදනම් විරහිත යැයි පෙනී යන බවත් රවී කුමුදේශ් මහතා කියයි.

ඖෂධ නියාමන අධිකාරිය ENMRA  පද්ධතිය හරහා කටයුතු නිල වශයෙන් 2020 ජූලි මාසයේ සිට කටයුතු ආරම්භ කළ ද එම මාස හයක කාලයක් සදහා එම පද්ධතියට සමාන්තරව සාමාන්‍ය ක්‍රමයද භාවිතා කිරීමෙන් පසුගිය රජය සමයේ ඖෂධ අක්‍රමිකතා සහ ෑභඵඍ් දත්ත අතර සෘජු සම්බන්ධතාවක් නොමැති යැයි පෙණන බවත් පසුගිය රජය සමයේ සිදුවූවායැයි කියන පිළිකා ඖෂධ ඇතුළු ඖෂධ මිලදීගැනීමේදී සහ හදිසි මිලදී ගැනීමේ වංචා වසා ගැනීම සදහා මෙම දත්ත මැකීම සිදුකළේ යැයි පවසන්නේ කුමන පදනමකින් ද යැයි රවී කුමුදේශ් මහතා ප්‍රශ්න කරයි.

මෙම ගැටලුව විසදාගන්නා තෙක් හෝ ඖෂධ නියාමන අධිකාරිය රාජ්‍ය ඇමතිවරයාගේ පාලනයෙන් ඉවත් කර කැබිනට් සෞඛ්‍ය ඇමතිවරයා යටතට පත් කරන ලෙස ජනාධිපතිවරයාගෙන් ඉල්ලා සිටින බව ඒ මහතා වැඩි දුරටත් පැවසීය.