(සුජිත් හේවාජුලිගේ )
ශ්රී ලංකා රාජ්ය ඖෂධ නීතිගත සංස්ථාවේ සේවකයන්ට අදාළ ගිවිසුම අනුව ප්රසාද දීමනා නොගෙවිය යුතු බවට දන්වා තිබියදී රුපියල් එක්කෝටි හැත්තෑ ලක්ෂයකට වැඩි ප්රසාද දීමනා පසුගිය වර්ෂයේදී ගෙවා ඇතැයි ජාතික විගණන කාර්යාලය නිකුත් කළ අලුත්ම වාර්තාවක සඳහන් වේ.
එක් සේවකයකුට රුපියල් විසිදාහ බැවින් මෙම ප්රසාද දීමනා ගෙවා ඇතැයිද එම වාර්තාවේ දැක්වේ.
මේ සම්බන්ධයෙන් අදහස් දක්වන එම සංස්ථාවේ පාලනාධිකාරිය පවසන්නේ සාමූහික ගිවිසුමෙන් වාර්ෂික ප්රසාද දීමනා ගෙවීමට අනුමැතිය ලැබී ඇති බවයි.
චක්රලේඛ විධිවිධාන ප්රකාරව කටයුතු කරන ලෙස විගණන අංශය නිර්දේශ කර ඇත.
මාණ්ඩලික නිලධාරීන්ට ණය පහසුකම් තාවකාලිකව අත්හිටුවිය යුතු බව දන්වා තිබුණද ඉන් බැහැරව නිලධාරීන් 26 දෙනකුට මාසිකව රුපියල් හැට ලක්ෂයකට වැඩි මුදලක් ගෙවා ඇතැයි විගණන වාර්තාව සඳහන් කරයි.
සම්බන්ධයෙන් කරුණු දක්වන ශ්රී ලංකා රාජ්ය ඖෂධ නීතිගත සංස්ථාවේ නිලධාරීන් පවසන්නේ අත්තිකාරම් ගිණුම යටතේ මුදල් සපයනු නොලබන බවයි.
මේ අනුව චක්රලේඛ විධිවිධාන ප්රකාරව කටයුතු කළ යුතු බව විගණන නිලධාරින් නිර්දේශ කර ඇත.
මේ අතර සේවක නිවාඩු කාර්යාල හා සාප්පු පනතේ විධිවිධානවලට අනුකූලව ගණනය කළ යුතුවුවද ඉන් බැහැරව 2022 වර්ෂයේදී සේවක ඉතිරි නිවාඩු වෙනුවෙන් රුපියල් කෝටි 5 කට ආසන්න වටිනා දීමනා ගෙවා ඇතැයි එම වාර්තාවේ දැක්වේ.
මේ සම්බන්ධයෙන් අදහස් දක්වන ශ්රී ලංකා රාජ්ය ඖෂධ නීතිගත සංස්ථාවේ නිලධාරීන් පවසන්නේ සාමූහික ගිවිසුමෙන් මීට අදාළ අනුමැතිය ආවරණය වී ඇති බවයි.
කෙසේ වෙතත් චක්රලේඛ විධිවිධාන වල ප්රකාරව කටයුතු කළ යුතු බව විගණන අංශ දැනුම් දී ඇත.
මේ අතර ආයතනයේ අවදානම් අවම කිරීමට සුදුසු ක්රියාමාර්ග ගැනීම සඳහා අවදානම් කළමනාකරන කමිටුවක් පත් කිරීමට නියෝග කර තිබියදී මේ වසරේ මාර්තු 31 වන විටත් එම කමිටුව පත් කර නොතිබූ බව එම විගණන වාර්තාව පෙන්වා දෙයි.
මේ සම්බන්ධයෙන් අදහස් දක්වන පාලනාධිකාරිය පවසන්නේ අවදානම් කළමනාකරණ කමිටුව පිහිටුවීමට කටයුතු කරන බවයි.
මේ අතර සංස්ථාවට ව්යවසාය සම්පත් සැලසුම්කරණ පද්ධතියක් ස්ථාපිත කිරීම සඳහා මිලදී ගෙන ඇති පරිගණක සහ උපාංග ස්ථාවර වත්කම් අයිතම හතරකින් ඒකක 36 ක් පසුගිය මාර්තු මස 17 වන විටත් භාවිතයට නොගෙන ගබඩාවේ නිකරුණේ තිබුණු බව ජාතික විගණන කාර්යාලය පවසයි.
මේ සම්බන්ධයෙන් අදහස් දක්වන පාලනාධිකාරිය පවසන්නේ මෙම පරිගණක උපාංග අවශ්යතාව අනුව ආයතනයේ වෙනත් අංශ සඳහා භාවිතා කරමින් පාඩුවක් නොවීමට වගබලා ගන්නා බවයි.
ජන අරගල සංවිධානය ඉදිරි මහ මැතිවරණය සදහා දිස්ත්රික්ක 22 කටම නාම යෝජනා ලබා දී අවසන් බව ජන අරගල සංධානයේ දේශපාලන මණ්ඩල සභික සුලේඛා සමරසේන මෙනවිය පැවසුවාය.
වේදනාකාරී ආර්ථික අර්බුදයකට පසුව බලාපොරොත්තු වූවාට වඩා වැඩි වේගයකින් ශ්රී ලංකා ආර්ථිකය ස්ථාවරත්වය කරා ගමන් කර ඇතත් තවමත් මෙරට ආර්ථිකයට ඇති අවදානම පහ
හිටපු පාර්ලිමෙන්තු මන්ත්රී අනූප පැස්කුවල් මහතා නමින් පවත්වාගෙන යන බැංකු ගිණුම් දෙකක් මාස තුනක කාලයකට අත්හිටුවීමට කොළඹ මහාධිකරණ විනිසුරු ආදිත්ය ප
රාජ්ය ලාංඡනය සහිත කැබ් රථයක් ඉකුත් සිකුරාදා සිට හෝමාගම මූලික රෝහලේ මෘත ශරීරාගාරය අසල අත හැර දමා ගොස් තිබියදී සොයා ගත් බව එම රෝහලේ අභ්යන්තර ආරංචි මාර
හිටපු පාර්ලිමෙන්තු මන්ත්රී ජොන්ස්ටන් ප්රනාන්දු මහතාට විදේශ ගතවීම වළකාලමින් කොටුව මහෙස්ත්රාත් තනුජා ලක්මාලි මහත්මිය විදේශ ගමන් තහනමක් අද (10) පැනව
ඉදිරි මහ මැතිවරණය සඳහා තමා ඉදිරිපත් නොවන බව හිටපු මුදල් රාජ්ය අමාත්ය ශෙහාන් සේමසිංහ මහතා පවසයි.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ඖෂධ සංස්ථා සේවකයන්ට ගිවිසුමට පිටින් කෝටි ගණනක ප්රසාද දීමනා දීලා
මහිලල් Wednesday, 25 October 2023 08:11 PM
විගනකාඩිපති ඇග බේර ගන්නද වැරද්ද කල පුද්ගලයින් කවුරුන්ද වග ඔය වාර්තාවෙන් හෙලි නොකරන්නෙ. ඔය වගේ පලක් නැති වාර්තා හැදීමට මහජන මුදල් යට කිරීමත් වැරැද්දක් නොවේද. අපරාදෙ අපේ කාලය ඔය වැනි ප්රවුර්ති කියවන.
පැරකුම් Wednesday, 25 October 2023 09:43 PM
වැරදි අඩුපාඩු හොයල කියල විතරක් මදි ඊට අදාල විනය පියවර ගත යුතුය එසේ නැතුව වැරදි හොයල විතරක් ඇති වැඩේ මොකක්ද නිකං අපරාදෙ අපේ බදුසල්ලි තවත් නාස්ති නොකර තමුන්ගෙ වැඩක් බලාගත්තනම් නේද හොද.