( රංජිත්  රාජපක්ෂ)                 

හැටන් කොටගල රොසිටා සහ ග්‍රෙටන් තේ වතු වලින් කොවිඩ් 19 වෛරසය ආසාදනය වු රෝගින් දෙදෙනෙකු අද (26) දින හදුනාගැනීමත් සමඟ කොටගල වෙළෙඳසැල් සියල්ල වසා දැමීමට වෙළඳ සංගමය තීරණය කර තිබේ.

කොවිඩ් 19 වෛසරය ආසාදනය වු එම රෝගින් දෙදෙනා පැලියගොඩ මත්ස්‍යය වෙලදපොලේ සේවය කල දෙදෙනෙකු බවත් , එම සේවකයින් දෙදෙනා නිවසට පැමිණ සිටියදි කොටගල මහජන සෞඛ්‍යය පරික්ෂකවරුන් විසින් ඔවුන් නිරෝධානයට යොමු කර පි.සි.ආර් පරික්ෂණයකට යොමු කිරිමෙන් පසු එම පි.සි.ආර් වාර්තාව අනුව එම සේවකයින් දෙදෙනාට කොවිඩ් 19 වෛරසය ආසාදනය වි ඇති බවට තහවුරු වි ඇත.

කොවිඩ් 19 වෛසරය ආසාදනය වු රෝගින් දෙදෙනා නිරෝධාන මධ්‍යස්ථානයක් කරා යොමු කිරිමට කොටගල සෞඛ්‍යය වෛද්‍යය නිලධාරි කාර්යයාලයේ මහජන සෞඛ්‍යය පරික්ෂකවරුන් විසින් පියවර ගනු ලැබීය.

මේ අතර තලවකැලේ පොලිස් වසමට අයත් රත්නිල්ලකැලේ ජනපදයේ පදිංචි පැලියගොඩ මත්ස්‍යය වෙලදපොලේ සේවය කල සේවකයකුට කොවිඩ් 19 වයිරසය ආසාදනය වි ඇති බවට තහවුරු වී ඇති බව ලිදුලි සෞඛ්‍යය වෛද්‍ය නිලධාරි කාර්යයාලයේ මහජන සෞඛ්‍යය පරික්ෂකවරු කීහ.