(සුජිත් හේවාජුලිගේ සහ අංජුල මහික වීරරත්න)
සමෘද්ධි නිලධාරීන්ට වැටුප් ගෙවීම සඳහා රුපියල් කෝටි 1800 කට වැඩි මුදලක් රජය වැය කළද දිළිඳු භාවයේ අඩුවක් නොමැති බව රජයේ ගිණුම් පිළිබඳ පාර්ලිමේන්තු කාරක සභාවේදී ( කෝපා) තොරතුරු අනාවරණයවිය.
සමෘද්ධිය සඳහා දෙන මුදල් ඵලදායි ලෙස යෙදවීම සම්බන්ධයෙන් අවධානය යොමු කළ යුතු බව කමිටුවේ සභාපති රාජ්ය අමාත්ය ලසන්ත අලගියවන්න මහතා පැවසීය.
ජනතාවගේ දිළිඳුකම නැති කිරීම සඳහා පසුගිය වසරේදී කෝටි 14900 ක වැඩ කර ඇතැයි සමෘද්ධි සංවර්ධන දෙපාර්තමේන්තුවේ අධ්යක්ෂ ජනරාල් බන්දුල තිලකසිරි මහතා පැවසීය.
ශ්රී ලංකා සමෘද්ධි අධිකාරියේ හිටපු නිලධාරීන් පිරිසකට විශ්රාම වැටුප් නොගෙවීම සම්බන්ධයෙන් රජයේ ගිණුම් පිළිබඳ පාර්ලිමේන්තු කාරක සභාවේ (කෝපා කමිටුව) අප්රසාදය පළවිය.
මෙම නිලධාරීන්ට විශ්රාම වැටුප් ගෙවීම සම්බන්ධයෙන් අධිකරණය දුන් තීරණය ක්රියාත්මක නොවීම සම්බන්ධයෙන්ද කෝපා කමිටුව ප්රශ්න කළේය.
මේ අතර අස්වැසුම වැඩසටහන සහ සමෘද්ධි වැඩසටහන ඒකාබද්ධ කිරීමේ අවශ්යතාව කමිටුව එහිදී පෙන්වා දුන්නේය.
කාන්තා හා ළමා කටයුතු හා සමාජ සවිබල ගැන්වීම් අමාත්යාංශය හා සමෘද්ධි සංවර්ධන දෙපාර්තමේන්තුවේ ප්රධානින් කෝපා කමිටුවට කැඳවා ලබාදුන් නියෝගවල වර්තමාන තත්වය සාකච්ඡා කිරීමට රජයේ ගිණුම් පිළිබඳ පාර්ලිමේන්තු කාරක සභාව රාජ්ය අමාත්ය ලසන්ත අලගියවන්න මහතාගේ සභාපතිත්වයෙන් පාර්ලිමේන්තු සංකීර්ණයේදී පසුගිය (09) වැනිදා රැස් විය. මෙම තොරතුරු අනාවරණය වූයේ එම රැස්වීමේදීය.
එසේම සමෘද්ධි සංවර්ධන දෙපාර්තමේන්තුවේ පරිපාලන ගැටලු නිරීක්ෂණය වන බව මන්ත්රීවරු පෙන්වා දුන්හ.
මීට අමතරව සමෘද්ධි බැංකුවල කාර්යභාරය සහ අස්වැසුම සහනාධාරය සමෘද්ධි බැංකු හරහා ලබාදීමේ හැකියාව සලකා බැලීම සම්බන්ධයෙන්ද මෙහිදී සාකච්ඡා කෙරිණ.
මෙම කාරක සභාවට රාජ්ය අමාත්යවරුන් වන ප්රසන්න රණවීර, සුරේන් රාඝවන්, ඩයනා ගමගේ පාර්ලිමේන්තු මන්ත්රීවරුන්වන තිස්ස අත්තනායක, සිවඥානම් ශ්රීතරන්, ජේ.සී. අලවතුවල, වීරසුමන වීරසිංහ, ඉසුරු දොඩන්ගොඩ, ආචාර්ය මේජර් ප්රදීප් උඳුගොඩ, මංජුලා දිසානායක සහ ආචාර්ය හරිනි අමරසූරිය යන මහත්ම මහත්මීහුද සහභාගී වූහ.
මහ මැතිවරණය සම්බන්ධයෙන් දේශපාලන පක්ෂ ලේකම්වරුන් සහ මැතිවරණ කොමිෂන් සභාවේ සාමාජිකයන් අතර හමුවක් හෙට (15) පැවැත්වීමට නියමිතය.
රටේ වර්තමානයේ ක්රියාත්මක වෙන්නේ හිටපු ජනාධිපති රනිල් වික්රමසිංහ මහතා ක්රියාත්මක කළ සමාජ ආර්ථික වැඩපිළිවෙලම බව හිටපු අමාත්ය වෛද්ය රමේෂ් පතිර
එක්සත් ජාතීන්ගේ සංවර්ධන වැඩසටහනේ (UNDP) සහකාර මහලේකම් කන්නි විග්නරාජා මහත්මිය අද (14) ජනාධිපති කාර්යාලයේදී ජනාධිපති අනුර කුමාර දිසානායක මහතා හමු වූවාය.
සභාවර 5ක දී දින 390ක් රැස්වී තිබෙන නවවැනි පාර්ලිමේන්තු කාල සීමාව තුළ ආණ්ඩුක්රම ව්යවස්ථා සංශෝධන, අනුප්රාප්තික ජනාධිපති ඡන්දයෙන් තෝරා පත්කර ගැනීම, විශ
මාස හයක සිර දඬුවමට එරෙහිව සීමා සහිත මෙන්ඩිස් සමාගමේ අධ්යක්ෂවරුන් වන අර්ජුන ඇලෝසියස් සහ ඇන්තනී රන්දෙව් යන මහත්වරුන් ඉදිරිපත් කළ ඇප ඉල්ලීම ප්රතික්ෂ
ලිට්රෝ ගෑස් ලංකා සමාගම, කොළඹ කිංග්ස්බරි හිදී පසුගියදා පැවති ශ්රී ලංකා සෙරමික් හා වීදුරු කවුන්සිලයේ (SLCGC) 18 වැනි වාර්ෂික මහා සභා රැස්වීමේ තාක්ෂණික සැසි
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
කෝටි 1800 ක් පඩි ගෙව්වත් දුප්පත්කම එතනමයි
ravin Tuesday, 15 August 2023 03:29 PM
විහිලු සපයන ආයතනය විසින් සපයනු ලබන තවත් විහිළුවක්
Lalla Tuesday, 15 August 2023 03:59 PM
ඔය බොරු දේශපාලන වැඩට ගන්න සමෘද්ධිය අස්වැසුම නවත්තන්න. හොරුන්ට නිකමුන්ට කන්න දීල බෝකිරීම වැඩිවෙනව විතරයි.අනික සුදු අලි යෝජනා ක්රමයකට පඩි ගෙවන්න යන වියදම...