(සුජිත් හේවාජුලිගේ)

කන්දකාඩු පුනරුත්ථාපන කඳවුරේ රැඳවියන් පිරිසක් පලා යෑමේ සිද්ධිය  සම්බන්ධයෙන් පරීක්‍ෂණ පවත්වා අවශ්‍ය නිර්දේශ ලබාදීම සඳහා අධිකරණ බන්ධනාගාර හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය ජනාධිපති   නීතිඥ  ආචාර්ය විජයදාස රාජපක්ෂ මහතා විසින් පංච පුද්ගල පරීක්ෂණ මණ්ඩලයක් පත් කරනු ලැබ ඇත.

එම පරීක්‍ෂණ මණ්ඩලයේ සභාපතිවරයා ලෙස පත් කරනු ලැබසිටින්නේ  ශ්‍රේෂ්ඨාධිකරණයේ  විනිසුරු හෙක්ටර් යාපා මහතාය.

එම පරීක්‍ෂණ මණ්ඩලයේ සෙසු සාමාජිකයන් ලෙස පත්කරනු ලැබ සිටින්නේ   අතිරේක ලේකම්(පාලන හා පොලිස්)මහජන ආරක්ෂක අමාත්‍යාංශයේ  එම්.එස්.පී සූරියප්පෙරුම,අධිකරණ බන්ධනාගාර හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශයේ  අතිරේක ලේකම් පාලන ආර්.එස්  හපු ගස්වත්ත, එම අමාත්‍යාංශයේ ලේකම් (නීති) පියුමන්ති පිරිස් සහ  ආරක්ෂක අමාත්‍යාංශයේ අතිරේක ලේකම් සමන් දිසානායක ,යන මහත්ම මහත්මීහු වෙති.

එම සිද්ධිය සම්බන්ධයෙන් පරීක්ෂණ පවත්වා නිර්දේශ ඇතුළත් වාර්තාව   සති තුනක් ඇතුළත තමාට බාරදෙන  ලෙස ඇමතිවරයා   පරීක්ෂණ මණ්ඩලයට උපදෙස්දී ඇත