(ක්‍රිෂාන්ත බාලසූරිය)

කහටගස්දිගිලිය කෝන්වැව සහ පඬරැල්ලෑව ගම්මානයට නිරන්තරයෙන් වන අලින්ගේ ග්‍රාහනය හේතුවෙන් ගම්වාසීහු දැඩි ජීවිත තර්ජනයකට ලක්ව සිටිති.

කොක්එබේ රක්ෂිතය  නිරන්තරයෙන් සැරිසරන වනඅලි මෙලෙස මෙම ගම්මානයට කඩා වැදී පොල්, අඹ කෙසෙල්, ආදී ස්ථිර බෝග මෙන්ම කොමඩු පැකිරි පිපිඤ්ඤා වැනි ගොඩ භෝග වගාවන් විනාශ කරමින් මෙම ගම්මානයේ ජන ජීවිතයට දැඩි පීඩා එල්ල කර ඇති බව ගම්වාසීන් පෙන්වා දෙති.

ගම්මානයට පිවිසීමට ඇති මාර්ගයේ දුෂ්කරතාවයට දෙවෙනි නොවන පරිදි නිරන්තරයෙන් ගම්මානයේ සැරි සරන වන අලින් හේතුවෙන් රෑ බොහෝ වෙන විට තම පුද්ගලික අවශ්‍යතාවක් සපුරා ගැනීමට තරම්මත් නිවසින් එළියට බැසීමට නොහැකි බව ජනතාව පෙන්වා දෙති.

පසුගිය කාලයේ රජය මැදිහත්වීම මත ඉදි වූ විදුලි වැටක් තිබුණද , එම විදුලි වැට නිසි පරිදි ක්‍රියාත්මක නොවීම හේතුවෙන් වැට බිඳගෙන නිරන්තරයෙන් ගම් වදින වන අලි පලවා හැරීමට තමන් සතු කිසිදු ක්‍රමවේදයක් නොමැති වීම කණගාටුදායක කරුණක් බවයි.

පඩරැල්ලාව,ගම්මානයට අමතරව කොක්එබේ, පංවැල්ල,දැකැතිපොතාන, කිඹුල්පැටියාව,දෙමටවැව ජනතාව ද රෑ දවල් නොබලා ගම්බදින වන අලි හේතුවෙන් දැඩි ලෙස අපහසුතාවයට ලක්ව ඇතැයි ප්‍රදේශයේ ජනතාව පවසති.

වසර ගණනාවක සිට , ලිඛිත සහ වාචිකව තමන් මෙම තත්වය පිළිබඳව  වගකීතු රාජ්‍ය නිලධාරීන්ට කොතකුත් දැනුවත් කළ ද මේ දක්වා තම ගැටළුවට සාධාරණ කිසිදු විකල්පයක් ලබා නොදුන් බව ගම්වාසීහු පෙන්වා දෙති.,

පක්ස පාට බේදයකින් තොර සමස්ථ දේශපාලන අධිකාරිට චෝදනා කරන්නේ ඒ ඒ කාලයට පමණක් , තම ගැටලුව දඩ මීමා කරගෙන ,මනාපය ගැනීමට ,පමණක් අදිටනින් කටයුතු කළා හැර තම වටිනා මනාපය ලබාගත් ඡන්ද දායකයාට කිසිදු සාධාරණයක් මෙතෙක් ඉටුකරන්න සමත්ව නැති බව ඔවුහු පෙන්වා දෙති.