කාබනික පොහොර ටොන් ගණනින් කෙලවරපිටියේ ගොඩගැහිලා

(සුජිත් හේවාජුලිගේ)

ශ්‍රී ලංකා ඉඩම් සංවර්ධනය කිරීමේ සංස්ථාවේ කෙරවලපිටිය ගබඩාවේ කොම්පෝස්ට් පොහොර ටොන් දාහක් පමණ ගොඩ ගැසී ඇතත් ඒවා මිලදී ගැනීමට කිසිවකු ඉදිරිපත් නොවීමෙන් විනාශ වීමේ අවදානමක් මතුව ඇතැයි පරිසරය ස්වභාවික සම්පත් සහතිරසර සංවර්ධනය පිළිබඳ ආංශික අධීක්ෂණ කාරක සභාවේ සභාපති ගම්පහ දිස්ත්‍රික් පාර්ලිමේන්තු මන්ත්‍රී ඉන්ජිනේරු අජිත් මාන්නප්පෙරුම මහතා පැවසීය.

කොම්පෝස්ට් ටොන් ලක්ෂ ගණනක් සෑදීමට අවශ්‍ය අමුද්‍රව්‍ය විශාල ප්‍රමාණයක්ද එහි ඇති නමුත් ඉල්ලුමක් නැතිවීම හේතුවෙන් ඒවාද ප්‍රයෝජනයට ගත නොහැකිව විනාශ වෙමින් පවතින බව ඔහු ප්‍රකාශ කළේය.

ශ්‍රී ලංකා ඉඩම් සංවර්ධනය කිරීමේ සංස්ථාවේ ප්‍රධානීහු මේ පිළිබඳව පරිසරය ස්වභාවික සම්පත් සහ තිරසර සංවර්ධනය පිළිබඳ ආංශික අධීක්ෂණ කාරක සභාවේදී තොරතුරු අනාවරණය කළහ. ඒ අනුව එම කාරක සභාවේ සභාපති ඉන්ජිනේරු අජිත් මාන්නප්පෙරුම මහතා ඇතුළු කණ්ඩායමක් එම කෙරවලපිටිය ගබඩාවට පසුගියදා ගොස් ඒ පිළිබඳව නිරීක්ෂණය කළේය. මෙම තොරතුරු අනාවරණය වූයේ එම නිරීක්ෂණයේදී ය.

රටේ බැහැරකරන අපද්‍රව්‍ය ප්‍රයෝජනයට ගත හැකි නිසි වැඩපිළිවෙලක් සකස් කර ඇතත් එය ක්‍රියාත්මක කිරීමට බොහෝ තැන්වලින් සහයෝගය නොලැබෙන බවද මන්ත්‍රීවරයා ප්‍රකාශ කළේය.

සමහර ප්‍රතිචක්‍රීකරණය කළ නොහැකි ද්‍රව්‍යවලින් ඔයිල් වැනි දෑ හදන බවත් ඒවාට අවශ්‍ය අමුද්‍රව්‍ය නොයෙන හෙයින් ඒ කටයුතුවල මන්දගාමී තත්වයක් ඇති බවත් මාන්නප්පෙරුම මහතා සඳහන් කළේය.

මේ රටේ ඇති සියලුම කුණුවලින් පොහොර හැදීමට විදුලිය තෙල් හැදීමට බලාපොරොත්තු වන බව පැවසූ මන්ත්‍රීවරයා මේ භූමියම ඒ සඳහා ප්‍රයෝජනයට ගත හැකි බව ප්‍රකාශ කළේය.

මේ සම්බන්ධයෙන් කිසිවකුගේ අවධානය යොමු නොවීම කනගාටුදායක බවද හෙතෙම සඳහන් කළේය.

අදහස් (6)

කාබනික පොහොර ටොන් ගණනින් කෙලවරපිටියේ ගොඩගැහිලා

Lalla Sunday, 11 August 2024 09:53 PM

රාජ්‍ය අංශය හදන පොහොර වල ගුණාත්මක භාවය ගැන සහතිකය කුමක්ද. නිකම්ම කලුපාට කුණුපස්නම් අහිතකර බැක්ටීරියා ආදිය පිළිබඳව බිය නැතිකල යුතු නේද? පෞද්ගලික අංශය නිපදවන හොඳ කොම්පොස්ට් වලට අධික ඉල්ලුමක් තියෙනව. මිලත් ඉහලයි.ඒත් පස සරු වෙන එක ඇත්ත.

: 1 23

Edward Monday, 12 August 2024 08:23 AM

ඒ වගේම පොහොර හදලා ගොඩගහගෙන හිටියම තියෙනවා කියලා කවුද දන්නෙ ඒ ගැන ප්‍රචාරයක් කරන්න ඕන දෙවනුව ටෙන්ඩර් පරිපාටිය අනුව විකිණීමට කටයුතු කරන්න ඕන ඔය ගැන කෘෂිකර්ම ඇමැතිවරයා හෝ එම දෙපාර්තමේන්තුව සමග සම්බන්ධ වෙලා ගොවීන්ට සහන ක්‍රමයක් යටතේ මිලට ගන්න පහසුකම් සලසන්න ඕන එහෙම නැත්නම් ටෙන්ඩර් ක්‍රමයට විකිණීම කරන්න බැරිනම් සති අන්ත පුවත්පත් මගින් ප්‍රචාරයක් කරන්න පුළුවන් .

: 0 9

Pradeep Kumara Monday, 12 August 2024 08:13 AM

මුලින්ම ඔය කොම්පෝස්ට් පොහොරවල ගුණාත්මක භාවය පරීක්ෂා කරන්න. මොකද පසුගිය කාලයේ කාබනික වගා රැල්ලත් එක්ක බොහෝ දෙනෙක් සාමාන්‍ය පස් වලට අළු කලවම් කරලා කොම්පෝස්ට් පොහොර ලෙස අලෙවි කලා. එහි ගුණාත්මක භාවය මැනීමට කිසිදු යාන්ත්‍රණයක් තිබුනේ නෑ. මෙම පොහොර තොගය නිසි ගුණාත්මක බවින් යුක්තයි නම් ගොවිජන සේවා මධ්‍යස්ථාන හරහා සහනදායී මිළකට ගොවීන්ට ලබා දීමට කටයුතු කරන්න.

: 1 8

sam Monday, 12 August 2024 09:48 AM

ගෙන්නපු ඇමතියාගෙයි නිලධාරීන්ගෙයි විදේශ බැංකු ගිණුම් තරවෙලා ඇති .කාටද ආඩම්බර

: 11 7

Nilantha Monday, 12 August 2024 11:39 AM

සෑම් මාලිමා අදහස් හිතේ තියාගෙන අදහස් ඉදිරිපත් කලත් පත්තරේ ලිපියක් කියවා තේරුම් ගන්න බැහැ නේද .සෑම් ඔය පොහොර රටින් ගෙනවිත් නැහැ .ලංකාවෙ නිෂ්පාදනය කරල විකිණීම නොකර තියාගෙන ඉදලා කියලා කියන්නෙ. ලංකාවෙ නිෂ්පාදනය කලාම ඇමතිගේ ගිනුම් තරවෙන්නෙ කොහොමද

: 2 8

Kusum DalpadaduMonday, 12 August 2024 01:05 PM

Sam වගේ බුද්ධිමත්තු රටට අවශ්‍ය යුගයක් මේ... ඔහොම ඉදිරියටම යමු... (අනේ අපේ රට...)

: 0 4

ඔබේ අදහස් එවන්න

දියත

ලංකා සභාවෙන් ජනපතිට සුභ පැතුම්

2024 සැප්තැම්බර් මස 24 8 0

ශ්‍රී ලංකාව නවවැනි විධායක ජනාධිපතිවරයා ලෙස තේරී පත්වූ අනුර කුමාර දිසානායක මහතාට සුබ පැතුම් එක් කරන බවත් මෙරට බහුතරයක් අනුර කුමාර දිසානායක මහතා වෙත තැ

කොට්ටාවේදී දුම්රිය ඇන්ජිම තනිවම ගිහින්

2024 සැප්තැම්බර් මස 24 754 1

කැළණි වැලි දුම්රිය මාර්ගයේ කොළඹ කොටුව දක්වා ධාවනය වූ දුම්රියක ඇන්ජිම කොට්ටාව දුම්රිය ස්ථානය ආසන්නයේ දී දුම්රිය මැදිරි වලින් වෙන් වී ඉදිරියට ධාවනය වූ

ඡන්දෙට ගමට ආ අයව බස් කාක්කෝ වවාගෙන කති

2024 සැප්තැම්බර් මස 24 441 0

ජනාධිපතිවරණයට ජන්දය ප්‍රකාශ කිරිම සදහා කොළඹ ඇතුළු දිවයිනේ විවිධ ප්‍රදේශවල සිට හැටන් ඇතුළු වතු ආශ්‍රිත ප්‍රදේශයට පැමිණි පිරිසට ආපසු රැකියා ස්ථාන සදහ

ජපානයට භූ කම්පනයක්: සුනාමි අනතුරු අගවයි

2024 සැප්තැම්බර් මස 24 329 0

ජපානයේ ඉසූ දූපත් ආසන්නයේ රික්ටර් මාපකයේ 5.6 ක අගයක් ගත් භූමි කම්පාවක් හටගත් බව ඇමෙරිකා භූ විද්‍යා සමීක්ෂණ ආයතනය ප්‍රකාශ කළේය.

පාර්ලිමේන්තුව අද රෑ විසුරුවයි?

2024 සැප්තැම්බර් මස 24 2543 3

පාර්ලිමේන්තුව අද( 24) මධ්‍යම රාත්‍රී විසුරුවා හැරීමට නියමිතව ඇතැයි පාර්ලිමේන්තු ආරංචි මාර්ගවලින් පැවසේ.

තෙප්පම පෙරැළි ධීවරයා මරුට

2024 සැප්තැම්බර් මස 24 115 0

යාපනය පොන්නාලෙයි මුහුදු ප්‍රදේශයේ ධීවර කටයුතුවල නිරතවු ධීවරයකු තෙප්පම පෙරැළී දියේ ගිලී මියගොස් ඇති බව වඩ්ඩුකෝඩ්ඩෙයි පොලිසිය පවසයි.