(සුජිත් හේවාජුලිගේ )

කොවිඩ් එන්නත්කරණ වැඩසටහන ලබන 8 වෙනිදා සිට තවත් දිස්ත්‍රික්ක 12ක ක්‍රියාත්මක කිරීමට සැලසුම් කර ඇතැයි කොවිඩ් 19 පාලනය කිරීමේ ජාතික ක්‍රියාන්විත මධ්‍යස්ථානයේ ප්‍රධානී යුද හමුදාපති ජෙනරාල් ශවේන්ද්‍ර සිල්වා මහතා පවසයි.

එන්නත්කරණ වැඩසටහන ලබන 8 වැනි දා සිට සිට මෙසේ ක්‍රියාත්මක කෙරෙන දිස්ත්‍රික්ක 12 වන්නේ මාතලේ නුවරඑළිය කෑගල්ල, ත්‍රිකුණාමලය, හම්බන්තොට බදුල්ල, අනුරාධපුර පුත්තලම අම්පාර මඩකලපුව මොණරාගල හා පොලොන්නරුවයි.

මෙම දිස්ත්‍රික්කවල කොවිඩ් අවදානම වැඩි ග්‍රාම සේවා වසම් ඉලක්ක කරගෙන වයස 60ට වැඩි පුද්ගලයන්ට ,ගර්භනී මාතාවන්ට හා රජයේ සේවකයන්ට එන්නත් ලබාදීම සිදුකරන බව යුද හමුදාපතිවරයා වැඩිදුරටත් කීය.

බස්නාහිර පළාතෙන් පසු කුරුණෑගල, මාතර, ගාල්ල , රත්නපුර ,යාපනය,සහ මහනුවර යන දිස්ත්‍රික්කවල එන්නත් කරන වැඩ සටහන මේ දිනවල ක්‍රියාත්මක වේ.