කිරි ගොවිපළ අයිතිය අමුල්ට දීමට එරෙහිව විරෝධයක්

(නිමල කොඩිතුවක්කු)

මිල්කෝ ආයතනය සහ ජාතික පශු සම්පත් සංවර්ධන මණ්ඩලයේ ගොවිපළ විකිණීමට එරෙහිව කොළඹ කොටුව දුම්රිය පොළ ඉදිරිපිට අද(03) පස්වරුවේ විරෝධතාවයක් පැවැත්විණ.

"දේශීය කිරි කර්මාන්තය අමුල් සමාගමට බිලිදීම වහා නවත්වනු, දේශීය කිරි කර්මාන්තය ගොඩනැගීමේ වැඩපිළිවෙලක් වහා ක්‍රියාත්මක කරනු, දූෂිත රනිල් රාජපක්ෂ ආණ්ඩුවේ ජාතික සම්පත් විකිණීමේ සැලසුම් පරදමු, අක්කර තිස්දහසක් අමූල් සමාගමට විකුණන රනිල් රාජපක්ෂ දූෂිත ආණ්ඩුවේ සැලසුම් පරදවමු" ආදී විරෝධතා පුවරු ප්‍රදර්ශනය කරමින් සටන් පාඨ කියමින් පිරිස විරෝධතාවයේ නිරත වූහ.

විරෝධතාකරුවන් කොළඹ ටෙක්නිකල් මංසන්ධියේ සිට පා ගමනින් කොටුව දුම්රිය ස්ථානය දක්වා පැමිණීමට සැලසුම් කර තිබුණත් අධිකරණ නියෝග මත එම පා ගමන අවලංගු කෙරිණ. විරෝධතාවය හේතුවෙන් කොළඹ කොටුව ඉදිරිපිට එක මන්තීරුවක ගමනාගමනයටද බාධා එල්ල විය. විරෝධතාවය සඳහා පොලිසිය, ජල ප්‍රහාරක රථ ආදිය කැඳවා තිබිණ.

විරෝධතාවය අතරතුර පාර්ලිමේන්තු මන්ත්‍රී දයාසිරි ජයසේකර මහතා ද ඊට එක්වූ අතර විරෝධතාකරුවන්ගෙන් ඔහුට දැඩි විරෝධයක් එල්ල විය.

ජාතික පසු සම්පත් මණ්ඩලය සුරැකීමේ සංවිධානය, සමස්ත ලංකා ගොවිජන සම්මේලනය ඇතුළු සංවිධාන එක්ව මෙම විරෝධතාවය පවත්වනු ලැබීය.

(ඡායාරූප : ශාන්ත රත්නායක)

අදහස් (5)

කිරි ගොවිපළ අයිතිය අමුල්ට දීමට එරෙහිව විරෝධයක්

මැක්ස් Wednesday, 03 July 2024 09:11 PM

මේ මොන විහිළුවක් ද? ජවිපෙ නායකයෝ ඉන්දියාවට ගිහින් අමුල් ලොක්කෝ මුණ ගැහිලා මිල්කෝ දේපළ විකිණීම ගැන මීක් නැතුව ඒවාට සහයෝගයත් දීල එනවා. මෙහෙදී නාමල් කරුණාරත්න නමැති ජවිපෙ ගෝලයා දාලා උද්ගෝෂණ සංවිධානය කරනවා. ඩබල් ගේම් යනු කලාවක් නම් ජවිපෙ නායක මහත්තුරු එහි පිකාසොලාම තමයි.

: 0 0

sunimal Thursday, 04 July 2024 01:55 AM

ළඟදි දවසක මම ගියා රජයේ තවානකට ගම්මිරිස් පැළ 500 ක් ගන්න . එතන හිටපු මිනිස්සු 8 දෙනෙක් පැය 4 කට වඩා වෙලාවක් ගත්ත මේ පැළ 500 මගේ බට්ට ලොරියට පටවන්න . මෙතනත් ඒ වගේ ය තමයි 99%ක්ම ඇත්තේ. රජයේ කියන ව්‍යාපාර සියල්ලම විකුණන්න ඕනෑ . රජයේ ණය බර මේ තත්වෙට එන්න මේ වගේ වැඩත් විශාල බලපෑමක් වෙලා තියෙනවා .

: 0 3

Ruwan De Silva Thursday, 04 July 2024 06:43 AM

අමුල් කියන්නේ ඉන්දීයාවේ රජයට අයිති ලාභ ලබන සමාගමක්, අමුල් යුරෝපයේ, ඇමරිකාවේ ජනප්‍රිය සන්නාමයක්, චීස්, බටර් වුනත් හරි ගුණාත්මක භාවයෙන් තියෙන්නේ. මම හිතන්නේ මිල්කෝ එක ලංකා රජයට පාඩු පිට වුනාට අමුල් එකට දුන්නම ලාභ පිට ලාභ ලබයි. එහෙම නැත්තං ඉතිං සමාගමකට දුන්නත් එකයි. මමත් ඉස්සර වැඩ කරපු නිසා දන්නවා අතිරික්ත කිරි කියලා කාණුවට හලනවා කිරි, ජාතික අපරාධ, කවදාවත් ෆොන්ටෙරා එක එහෙම විනාශ වැඩ කරේ නෑ.

: 0 2

බොරු රොබින් හුඩ් Thursday, 04 July 2024 10:37 AM

ටෙන්ඩර් දාලා නම් කමක් නැහැ .

: 0 1

සෙනෙවිරත්න Thursday, 04 July 2024 12:25 PM

පාඩු ලබන ඒවා විතරක් නෙවෙයි ලාබ ලබන ඒව පවා බලෙන් පිටරැටියන්ගේ ඇඟේ ගහන ක්‍රමයක් මේ, මෙයට එරෙහි වෙමු

: 1 2

ඔබේ අදහස් එවන්න

දියත

සේරුවිල පාසලකට අලියෙක් ඇවිත්

2024 සැප්තැම්බර් මස 27 119 0

සේරුනුවර අධ්‍යාපන කොට්ඨාසයට අයත් සේරුවිල කාවන්තිස්ස ප්‍රාථමික විද්‍යාලයට අද (27) දහවල් වන අලියෙක් පැමිණ තිබේ.

ජපාන නව අගමැති ෂිගුරු ඉෂිබා

2024 සැප්තැම්බර් මස 27 145 0

ජපානයේ පාලක පක්ෂය වන, ලිබරල් ප්‍රජාතන්ත්‍රවාදී පක්ෂයේ නායකයා තෝරා ගැනීමේ ඡන්ද විමසුමින්, ෂිගුරු ඉෂිබා ජයග්‍රහණය කළේය. ජපානයේ අග්‍රාමාත්‍ය ධුරය හිමිව

කොස්තාපල්ගෙන් අල්ලසක් ගත් සැරයන් රිමාන්ඩ්

2024 සැප්තැම්බර් මස 27 241 0

රාජ්‍ය බුද්ධි සේවයේ පොලිස් කොස්තාපල්වරයෙකුට අධිකරණයෙන් හිමිවන ත්‍යාග වවුචර් පත් අත්සන් කර ලබාදීම සඳහා මත්පැන් බෝතලයක්(ගල් අරක්කු බෝතලයක්) අල්ලසක් ල

කටුනායක වීසා පෝලිම අඩු වෙලා

2024 සැප්තැම්බර් මස 27 842 0

ශ්‍රී ලංකාවට පැමිණීම සදහා මෙතෙක් අත්හිහිටුවා ’’ මාර්ගගත ක්‍රමයට වීසා බලපත්‍ර ’’ ( Online Visa ) ලබා දීම , යළි අද දින අලුයම 12.00 සිට ආරම්භ විය.

විශ්‍රාමික හමුදා සෙබළාගේ සිරුර වැසිකිලි වලක

2024 සැප්තැම්බර් මස 27 560 0

පිහිඹියගොල්ලෑව , පිනී ගමෙි පදිංචි විශ්‍රාමික හමුදා සෙබලකු සහාසික ලෙස ඝාතනය කර වැසිකිලි වලකට දමා ඇතැයි පොලීසිය කියයි.

ව්‍යාපාරිකයා කොල්ල කා පලා ගිය අයෙක් අල්ලයි

2024 සැප්තැම්බර් මස 27 376 0

නිධානයකින් ගොඩ ගත් පෞරාණික කාසි තොගයක් රුපියල් ලක්ෂ 10කට විකිණීමට ඇති බව පවසමින්, ත්‍රිකුණාමලය ප්‍රදේශයේ පදිංචි ව්‍යාපාරිකයකු සූක්ෂම ලෙස අනුරාධපුරය