( කුෂාන් ජයවර්ධන)

කලාවැව හදිසි වාන් දොරටු අද(29) පෙරවරුවේ සිට අඩි 16 බැගින් විවෘත කිරීමට කලාවැව ජලාශ බාර කාර්යාලය පියවර ගෙන තිබේ. මේ වනවිට කලාවැවේ සමස්ථ ජලධාරිතාවය අක්කර අඩි  86357ක්ව තිබේ.

අඩි 16 බැගින් විවෘත කර ඇති හදිසිවාන් දොරටු මගින් මේ වනවිට තත්ත්පරයට ඝණ අඩි  13443ක ජලධාරිතාවයක් කලාඔයට මුදා හැරෙමින් පවති .

මේ හේතුවෙන් කලාවැව අවුකන මාර්ගය අවුකන විහාරස්ථානය අසළ සිට දුම්රිය පාලම දක්වා කොටස ජලයෙන් යටව ඇති අතර මේ වනවිට එම මාර්ගයේ රථවාහන ධාවනය ද ඇන හිට තිබේ..

කලාවැව අවට ප්‍රෙද්ශයට තවදුරටත් වැසි ලැබෙමින් පවතින අතර තත්ත්පරයට ඝණ අඩි 10000ක පමණ ජලධාරිතාවයක් දඹුළු ඔය ඇතුළ ජලමූලාශ්‍ර මගින් මේ වනවිටත් කලාවැවට එක්වෙමින් පවති. මේ වනවිටත් කලාවැව ජල පෝශක ප්‍රෙද්ශවලට වැසි ලැබෙමින් පවති.