(මනෝප්‍රිය ගුණසේකර)

රුපියල් කෝටි 04ක් වටිනා මනෝවර්ධක පෙති සහ කොකේන් ලඟ තබා ගත් බවට චෝදනා ලැබු ජර්මන් පුරවැසිභාවය හිමි ශ්‍රි ලංකිකයකු විත්තියේ සාක්කි නොකැඳවාම නිදොස් කොට නිදහස් කිරීමට කොළඹ මහාධිකරණ විනිසුරු ආදිත්‍ය පටබැඳිගේ මහතා තීරණය කළේය.

විත්තිකරුට එරෙහිව සාක්කි දුන් රේගු නිලධාරීන්ගේ සාක්කි එකිනෙකට පරස්පර බව සහ නඩු භාණ්ඩමය පිළිබඳ සැක මතුවන බව සඳහන් කරමින් විත්තිකරු වෙනුවෙන් පෙනී සිටි නීතීඥ දර්ශන කුරුප්පු මහතා කළ ඉල්ලීමක් පිළිගනිමින් විත්තියේ සාක්කි නොකැඳවාම විත්තිකරු නිදොස් කොට නිදහස් කිරීමට විනිසුරුවරයා තීරණය කළේය.

අපරාධ නඩු විධධානන සංග්‍රහයේ 200 වගන්තිය යටතේ විත්තියේ සාක්කි නොකැඳවාම මෙලෙස නිදොස් කර නිදහස් කරන ලද්දේ ජර්මන් පුරවැසිභාවය හිමි ශ්‍රි ලංකිකයකු වන ගාල්ල මිලිද්දුව සහ ජර්මන් ෂෙවිනින්ගන් පදිංචි රොනාල්ඩ් ඩැනියල් ජුලියන් ගෝමස් නමැත්තෙකි.

2017 මැයි 25 වැනිදා හෝ ඊට ආසන්න දිනයක ගාල්ලේදී මනෝවර්ධක පෙති 3000ක් සහ කොකේන් ග්රෑම් 40ක් ලඟ තබාගත් බවට විත්තිකරුට එරෙහිව නීතීපතිවරයා විසින් චෝදනා නඟා ඇත.