ගමේ මන්ත්‍රීවරු රොත්තකටම මැතිසබය එපාවෙලා

(සුජිත් හේවාජුලිගේ )

ඈත දුර බැහැර පාර්ලිමේන්තු මන්ත්‍රීවරුන්ගෙන් සියයට විස්සත් තිහත් අතර සංඛ්‍යාවක් අධික ඉන්ධන මිල ගණන් හේතුවෙන් මැතිසබයට පැමිණීම සීමා කර ඇතැයි වාර්තා වේ.

එසේම පෞද්ගලික කටයුතු සඳහා කොළඹට පැමිණීම සහ වෙනත් ගමන් බිමන් යෑමද සීමා කර ඇතැයි දැනගන්නට ඇත.

මේ සම්බන්ධයෙන් අදහස් දැක්වූ හිටපු අමාත්‍ය විමලවීර දිසානායක මහතා පැවසුවේ තමාට අම්පාරේ සිට කොළඹට පැමිණ යෑමට වරකට රුපියල් පනස් දහසකට වැඩි මුදලක් වැය වන බවයි

උතුරු පළාතේ මන්ත්‍රීවරුන්ට කොළඹට පැමිණ යෑමට රුපියල් අසූ දහසක් පමණ වරකට වැය වන බව කියති.

මේ අතර මන්ත්‍රීවරුන්ගේ දීමනාවෙන්ද රුපියල් අසූ දහස, ලක්ෂය බැගින් බදු කපා ගෙන ඇතැයි වාර්තා වේ.

මන්ත්‍රීවරුන්ගෙන් බදු අය කරන්නේ කාර්ය මණ්ඩල සාමාජිකයන්ගේ දීමනා සියල්ල එකතු කර ඊට සමානුපාතිකව බවත් මෙය ඉතා අසාධාරණ තීරණයක් බවත්
විමලවීර දිසානායක මහතා පැවසුවේය.

මේ සම්බන්ධයෙන් මන්ත්‍රීවරුන් රැසක් කතානායකවරයා ඇතුළු පාර්ලිමේන්තු ප්‍රධානින්ට දැනටමත් පැමිණිලි කර ඇත.

අදහස් (6)

ගමේ මන්ත්‍රීවරු රොත්තකටම මැතිසබය එපාවෙලා

sena Saturday, 11 February 2023 01:42 PM

මෙයාලාට බස්වල සහ කෝච්චිවල නොමිලේ යාමට සීසන් එකක් දෙන්න ඕනේ... රටේ අනිත් මිනිස්සු බදු ගෙවනවා නම් මන්ත්‍රීලා බදු නොගෙවා කොහොමද?

: 0 48

සචිනි Saturday, 11 February 2023 08:47 PM

දෙන්න ඕනෑ නොවෙයි, ඔවුන්ට නිදහස් ගමන් පහසුකම් තියෙනවා. නමුත් නොදන්නාකමටත් ඉස්සරහට හා පස්සට වාහන ඇතුව කෝච්චියේ යන්න බැහැ. මිනිසුන්ට පේන්නෙත් නැහැ. ලොකුකම පෙන්නන්න බැරිනිසා කෝච්චියේ යන්නෙත් නැහැ. ඒ අතර තවත් එකක් තියෙනවා... හැමදාම දුම්රිය වර්ජනයක් තියෙන නිසා බයකුත් ඇති කියලා හිතෙනවා...

: 0 23

Nihal Saturday, 11 February 2023 02:16 PM

ජනතාවගෙන් බදු අයකරන කොට හොඳයි. මන්ත්‍රීවරුන්ගෙන් අයකරන කොට තමයි බදුවල තරම තේරෙන්නේ... පුද්ගලික අංශයේ අයගේ බදු අයකිරීමට වැටුපට අමතරව ඒ අයට ලබාදී ඇති වාහනය, රියදුරු, ඉන්ධනද, මෙඩිකල්, නිවාස, අතිකාල දීමනා ද ඇතුළත්කර බදුඅයකිරීම මොන තරම් අසාධාරණද? ආදායම වැඩිකර ගැනීමට බදු අයකළ යුතුයි. එය සාධාරණ විය යුතුයි...

: 0 22

Rasika Saturday, 11 February 2023 03:14 PM

පොදු ප්‍රවාහන සේවා කියලා දෙයකුත් තියෙනවා. රටේ අනිත් මිනිස්සු යන්නේ එහෙම...

: 0 14

Deraniyagala Saturday, 11 February 2023 03:25 PM

නුඹලා ගෙනාපු බදු පනතනේ. මහජනතාවට හොඳ නම් නුඹලාටත් ඒක හොඳ වෙන්න ඕනෑ. ඊයේ පෙරේදා සංශෝධනය කරගත්තෙත් ඔය ටිකනේ...

: 0 15

ravin Saturday, 11 February 2023 04:39 PM

හපොයි, හපොයි, වියදම් අධිකයි කියලා තේරුම් ගත්තු එකම මදිද? නැතිනම් ඒක ඡන්ද ගුණ්ඩුවක්ද?

: 1 12

ඔබේ අදහස් එවන්න

දියත

පරාජය ඉදිරියේ මහින්දානන්ද ගත් තීරණය

2024 නොවැම්බර් මස 16 256 0

හිටපු අමාත්‍යය මහින්දානන්ද අලුත්ගමගේ මහතා දේශපාලනයෙන් සමු ගන්නා බව (16) දින නාවලපිටිය මහින්දානන්ද අලුත්ගමගේ පදනම් කාර්යාලයේ මාධ්‍ය හමුවක් පවත්වමින්

හම්බන්තොටට තද වැසි

2024 නොවැම්බර් මස 16 101 0

කොළඹ කතරගම ප්‍රධාන මාර්ගයේ හුංගම වේල්ල ජලයෙන් යටවීම හේතුවෙන් රථ වාහන ගමනා ගමනයට බාධා ඇති විය.

පැරදුණත් පොරොන්දු ඉටු කරයි

2024 නොවැම්බර් මස 16 585 0

මහ මැතිවරණයට තරග වැදි පරාජය වු හිටපු පාර්ලිමේන්තු මන්ත්‍රි අලි සබ්රි රහිම් පුත්තලමේ ත්‍රි රෝද රථ රියදුරන්ට ලබා දුන් පොරෝන්දුවක් මත ත්‍රිරෝද ටයර් ප්‍

ලංගම බසයක් සහ ජේ සී බී යන්ත්‍රයක් ගැටී පහක් රෝහලේ

2024 නොවැම්බර් මස 16 102 0

ලංගම බස් රථයක් සහ ජේ සී බී යන්ත්‍රයක් කළුතර හොරණ මාර්ගයේ පනාපිටිය ප්‍රදේශයේ දී එකිනෙක ගැටී මගින් පස්දෙනකු රෝහල් ගතකර ඇති බව කළුතර උතුර පොලිසිය පවසයි.

අලුත් මන්ත්‍රී නම් ගැසට් කරයි

2024 නොවැම්බර් මස 16 236 0

පාර්ලිමේන්තු මැතිවරණයෙන් ජය ගත් අපෙක්ෂකයන්ගේ නම් ප්‍රකාශයට පත් කරමින් මැතිවරණ කොමිෂන් සභාව මගින් අති විශේෂ ගැසට් නිවේදනයක් නිකුත් කර තිබේ .

ට්‍රම්ප්ගේ තරුණ සහායිකාව නටලි හාප්

2024 නොවැම්බර් මස 16 2171 0

ඇමෙරිකන් ජනාධිපති ධුරයට තේරී පත්වුණු ඩොනල්ඩ් ට්‍රම්ප්ගේ නව කැබිනට් මණ්ඩල සාමාජිකයන් සේම, ට්‍රම්ප්ගේ තරුණ සහායිකාව, නටලි හාප් ගැන ද මේ වනවිට බොහෝ දෙනා