‘‘ජනතාවට හීන් දාහඩිය දමන අයවැයක්‘‘

(යොහාන් භාසුර)

රජය ඉදිරිපත් කළ අයවැය (2022) ජනතාවට හීං දහඩිය දාන අයවැයක් බවත් අධික ජීවන වියදමට එහි කිසිඳු විසඳුමක් යෝජනා කර නොමැති බවත් ජාතික ජනබලවේගයේ පාර්ලිමේන්තු මන්ත්‍රී ජනතා විමුක්ති පෙරමුණේ ප්‍රචාරක ලේකම් විජිත හේරත් මහතා අද (12) පස්වරුවේ පැවසීය.

ලබන වසරේ රජයේ වියදම කෝටි ලක්‍ෂපහමාරක් වීම නිසා විශාල අයවැය හිඟය පියවීම සඳහා කෝටි තුන්ලක්‍ෂ විසිදහසක් ණය ගැනීමට සිදුවීමෙන් ජනතාවගේ හිස මත තවත් ණය කන්දක් පාත්වන බව කී ජනතා විමුක්ති පෙරමුණේ ප්‍රචාරක ලේකම්වරයා අධික බඩු මිල ප්‍රශ්නයට ජනතාවට කිසිඳු උත්තරයක් අයවැයේ නොමැති බව ද සඳහන් කළේය.

මිල අධික ලෙස ඉහළ ගිය ගෑස්, තෙල්, පරිප්පු, හාල්, සීනි සහ පිටි ආදි සියලුම භාණ්ඩවල මිල ගණන් වැඩිවීමේ ප්‍රශ්නයට පිළිතුරක් ලැබී ජීවන වියදම් සහනක් ජනතාව බලාපොරොත්තු වූ බව කී විජිත හේරත් මහතා පැවසුවේ මෙවර අයවැය ද වෙන්දා මෙන්ම නිකම්ම නිකන් වචන හරඹයක් පමණක් බවත්ය.

තෙල් මිල මීට පෙර ඉහළ දමා තිබීම නිසා එහි තවත් වැඩි කිරීමට දෙයක් ඉතිරිව නොතිබුණ බව කී මන්ත්‍රීවරයා බැසිල් රාජපක්‍ෂ මහතා මහලොකු විප්ලවයක් කරනවා යැයි කීවත් අයවැයේ එවැනි පෙරළියක් නොමැති බව කීය.

වාහනයක් අනතුරකට ලක්වුවහොත් අනතුර වළක්වානොගැනීමට ද ගෙවීමක් කිරීමට අයවැයෙන් යෝජනා කිරීමෙන් වාහනයකට අනතුරක් නොවුණ ද සියලුම දෙනාට පොදුවේ රක්‍ෂණ වාරිකය ඉහළ යන බව පැවසූ විජිත හේරෙත් මහතා රක්‍ෂණ සමාගම් රජයට එම මුදලට ගෙවීමට නම් වාරික මුදලට වැඩි කළ යුතු බවත් සඳහන් කළේය.

අදහස් (16)

‘‘ජනතාවට හීන් දාහඩිය දමන අයවැයක්‘‘

මසිරිපාල Friday, 12 November 2021 06:56 PM

ක්‍රියාත්මක කරන විට සුලුදිය පිටනොවී හීං දාඩියෙන් බේරුනොත් ඇති...

: 121 190

අතුල සෞදි Friday, 12 November 2021 06:59 PM

වාහන කතාව නම් හේරත් සහෝදරයාට සම්බන්ධයි. ඔන්න ඊළඟ පාර බීලා වාහනේ පැද්දට කමක් නැහැ හප්පන්න ඔට්ටු නැහැ.

: 141 218

සත්‍යපාල Friday, 12 November 2021 07:15 PM

ඔහේලා මොකේද කවද්ද හොඳක් දැක්කේ...?

: 118 261

RaveendraFriday, 12 November 2021 08:22 PM

ජෙප්පන් ඉතින් තමන්ගේ අයවැයක් ගේන්නේ "ලබන ආත්මෙනේ." අන්න එදාට ජෙප්පන් එහි නම් කිසිඳු නරකක් දකින්නේ නැහැ. කිසිදා "කිසිඳු බලයට පත් රජයක" ( ජෙප්පන් යනු සියල්ලෙන් අංග සම්පූර්ණ බුද්ධිමත් රැලක් නිසා) කිසිදේකට හොඳයි නොකියපු මෙවන්නන් ගැන කුමන කතාද...?

: 30 140

SUNIL MILANO Friday, 12 November 2021 07:53 PM

හීන්දාඩිය නෙමෙයි. පුදුම තරහක් එන්නේ මේ අයගේ මුහුණත්තහඩු දැක්කාම. හැටක් විතර ඇණගෙන ඇණගෙන යන්න හිතෙනවා.

: 6 165

රටවැසියා Friday, 12 November 2021 10:02 PM

69ක් විතර අරගෙන ගියොත් හොඳ නැද්ද?

: 46 15

Kuma Friday, 12 November 2021 08:04 PM

වාහන අනතුරුවලදී වැරැද්ද කළ වාහනයෙන් දඩමුදලක් අයකරගැනීමේ ක්‍රියාවලිය බොහෝ රටවල සිදුවන්නක්.. තවද රක්ෂණ සමාගම අගතියට පත් වාහනය සම්පූර්ණයෙන්ම අලුත්වැඩියා කර දිය යුතුයි කුමා...

: 2 66

jagathFriday, 12 November 2021 10:18 PM

ඕක හොඳ දෙයක් තමයි. එ්ත් ඕකෙන් වෙන්නේ සියලු දෙනාගේම රක්ෂණ වාරික ඉහළ යාමයි.

: 4 44

අතුල සෞදි Friday, 12 November 2021 08:33 PM

@Sunil ඒක ඇත්ත. ප්‍රධාන පක්ෂ දෙකටම රට හදන්න නොදී වැඩපිළිවෙළවල් කඩාකප්පල් කරන්නේ මේ තුන්දෙනා. කිසිම දෙයක හොඳක් නොදකින... කොරහෙත් කිඹුල්ලු දකින හීනමානයින්.

: 17 102

ChinthakaSaturday, 13 November 2021 11:32 AM

හරියටම හරි... ඔබ නියම දේ කරලා තියෙනවා...

: 2 1

naleen Friday, 12 November 2021 11:03 PM

අයවැයේ මොනවා තිබුණත් හැමදාම විපක්ෂයේ ඉන්න අයට එ්ක හිස් එකක්..., ආණ්ඩුවේ අයට එ්ක විශිෂ්ඨ එකක්...

: 0 0

චන්දන Saturday, 13 November 2021 07:01 AM

ඔයාලා රටටම කරන්න යන දේ 88,89 කාලේ දැක්කා... සේරම සම්පත් ගිනි තියලා විනාශ කළා. ඒවා කලේ කාගෙ යහපතටද? අහිංසක ජනතාවගේ දේපල නේද නැති කළේ...

: 1 0

Chinthaka Saturday, 13 November 2021 09:12 AM

හොඳ දෙයක් තියෙනවා... මන්ත්‍රීලගේ විශ්‍රාම වැටුප අවුරුදු 10 ක් කරපු එක. ජවිපය ඒකටත් තරහ ඇති... මොන ආණ්ඩුවක් බලයට ආවත් කිසිදා බලයට එන්න බැරි ජවිපය දකින්නෙම නරකක්...

: 1 0

hesa Saturday, 13 November 2021 01:22 PM

ජනතාවට කෙසේවෙතත් තමුන්නාන්සේලාට හීන් දාඩිය දාලා තියෙන්නේ.. ඒකනේ තුණ්ඩු කෑලි බෙදන්න පටන් ගත්තේ.. එ්වාට දැන් අහුවෙන්නෑ..

: 3 4

wahaldeepe Saturday, 13 November 2021 07:05 PM

ප්‍රතිචාර ටිකක් බැලුවා... බරපතල වහල්ලු තමයි ඉන්නේ...

: 0 1

BamunuarachchiMonday, 15 November 2021 03:00 PM

ජේවීපී වහල්ලුද? සජබ වහල්ලුද? පොහොට්ටු වහල්ලුද? පොහොට්ටුවට වහල්ලු වෙලා ඉන්නේ 2005-2015 දක්වා මහින්ද රටට කල වැඩ නිසා. ජේවීපී වහල්ලු වෙලා ඉන්නේ සජප වහල්ලු වෙලා ඉන්නේ උන් රටට මොන බමබුවක් කල නිසාද? මිනිස්සු හිතාගෙන ඉන්නේ කාගේවත් වැරදි පෙන්නුවාම ඒ ගොල්ලෝ හරී කියලා.

: 1 0