(අංජුල මහික වීරරත්න)
ජනාධිපති අරමුදල යටතේ ක්රියාත්මක ශිෂ්යත්ව වැඩසටහන් යටතේ සුදුසුකම් ලැබූ ශිෂ්යත්වලාභීන් සඳහා 2024 අගෝස්තු මාසයට අදාල ශිෂ්යත්ව වාරික මුදල් අද (1) ශිෂ්යත්වලාභීන්ගේ බැංකු ගිණුම් වෙත සෘජුවම යොමු කළ බව ජනාධිපති කාර්යාලය පවසයි.
මෙම ශිෂ්යත්ව වාරික මුදල් බැංකු වෙත යොමු කිරීමේදී ඒ පිළිබඳව කෙටි පණිවිඩයක් (SMS) මගින් සියලු ශිෂ්යත්වලාභීන්ට දැනුම් දෙනු ලැබේ.
2022/2023 අ.පො.ස සාමාන්ය පෙළ සමත්ව අ.පො.ස උසස් පෙළ විභාගයට පෙනී සිටීමට නියමිත සිසුන් 3000ක් සඳහා මසකට රුපියල් 6000 බැගින් ගෙවනු ලබන ශිෂ්යත්ව වාරික මුදලේ 17 වැනි වාරිකයද, 2023/2024 අ.පො.ස සාමාන්ය පෙළ සමත්ව අ.පො.ස උසස් පෙළ විභාගයට පෙනී සිටීමට නියමිත සිසුන් 6000ක් සඳහා මසකට රුපියල් 6000 බැගින් ගෙවනු ලබන ශිෂ්යත්ව වාරික මුදලේ 6 වැනි වාරිකය ද අදාළ ගිණුම්වලට බැර කර තිබේ.
එසේම 01 ශ්රේණියේ සිට 11 ශ්රේණියේ දක්වා ඉගෙනුම ලබන සිසුන් 100,000ක් සඳහා මසකට රුපියල් 3000 බැගින් ගෙවනු ලබන ශිෂ්යත්ව වාරික මුදලේ 5 වැනි වාරිකය සහ පිරිවෙන් හා සීල මාතා අධ්යාපන ආයතනවල ඉගෙනුම ලබන , පිරිවෙන් (සාමාන්ය පෙළ)/ අපොස සාමාන්ය පෙළ විභාග සමත්ව ප්රාචීන විභාග සඳහා හෝ අ.පො.ස උසස් පෙළ සඳහා පෙනී සිටින ගිහි පැවිදි සිසුන් 500ක් සඳහා මසකට රුපියල් 6000 බැගින් ගෙවනු ලබන ශිෂ්යත්ව වාරික මුදලේ 4 වාරිකය ද අද දිනයේ දී ශිෂ්යත්වලාභීන්ගේ බැංකු ගිණුම් වෙත සෘජුවම යොමු කරනු ලැබූ බව ජනාධිපති කාර්යාලය පවසයි.
තවද පිරිවෙන් හා සීල මාතා අධ්යාපන ආයතනවල ඉගෙනුම ලබන ,01 ශ්රේණියේ සිට 11 ශ්රේණිය දක්වා වූ ගිහි පැවිදි සිසුන් 3000ක් සඳහා මසකට රුපියල් 3000 බැගින් ගෙවනු ලබන ශිෂ්යත්ව වාරික මුදලේ 04 වාරිකයට අදාළ මුදල්ද ශිෂ්යත්වලාභීන්ගේ ගිණුම්වලට අද (01) දින බැර කර ඇත.
සිසුන් ලක්ෂයේ ශිෂ්යත්ව වැඩසටහනට සහ පිරිවෙන් සහ සීල මාතා අධ්යාපන ආයතනවල අධ්යාපනය ලබන සිසුන් සඳහා දැනට මාසික වාරික මුදල් ගෙවනු ලබන ශිෂ්යත්වලාභීන්ට අමතරව ශිෂ්යත්ව ප්රදානය කිරීම සඳහා සුදුසුකම් ලැබ ඇති එහෙත් ජනාධිපති අරමුදල වෙත ප්රමාදවී ලැබී ඇති අයදුම් පත්ර සම්බන්ධව ගෙවීම් කිරීම සඳහා අවශ්ය කටයුතු මේ වන විට සිදුකරගෙන යන අතර එම සියලුම ශිෂ්යත්වලාභීන් සඳහා 2024 අගෝස්තු මාසයේ හිඟ වාරික මුදල් ද සමඟ ශිෂ්යත්ව වාරික මුදල් ගෙවීම සිදු කිරීමට නියමිතය.
ඒ අනුව මෙම ශිෂ්යත්ව වැඩසටහන් සඳහා දළ වශයෙන් සිසුන් 116,000 කට පමණ රුපියල් මිලියන 5000කට වඩා වැඩි මුදලක් ගෙවීම් කිරීමට අවශ්ය කටයුතු ජනාධිපති අරමුදල විසින් සිදු කෙරේ.
ශිෂ්යත්ව ලක්ෂයේ වැඩසටහන සඳහා පාසල් මට්ටමෙන් සිසුන් තෝරා ගෙන ඇති බැවින් අයදුම් පත්ර ප්රමාද වීම හෝ බැංකු ගිණුම් සම්බන්ධව පවතින ගැටලු මත මෙතෙක් ශිෂ්යත්ව ප්රදානයන් ලැබී නොමැති එහෙත් සුදුසුකම් ලැබූ ශිෂ්යත්වලාභීන් සඳහා ගෙවීම් කිරීම පිළිබඳ කටයුතු 2024 අගෝස්තු මස තුළ සිදුකරනු ලබන අතර ඒ පිළිබඳ විස්තර ජනාධිපති අරමුදලේ නිල ෆේස්බුක් පිටුවේ පළ කිරීමට නියමිතය.
ඒ අනුව ජනාධිපති අරමුදලේ නිල ෆේස්බුක් පිටුව වන www.facebook.com/president.fund පිටුව වෙත යොමු වීමෙන් මේ පිළිබඳ වැඩිදුර විස්තර ලබා ගත හැකිය.
ජනාධිපති අනුර කුමාර දිසානායක මහතා කොළඹ දවටගහ මුස්ලිම් පල්ලියට ගොස් මවුලවිතුමන්ලා හමුවී ආශිර්වාද ලබා ගත්තේය.
බුත්තල පොලිස් වසමට අයත් අඹකොළවැව ප්රදේශයේ වගා ළිඳකට වැටීමෙන් දෙදරු පියෙකු මියගොස් ඇතැයි බුත්තල පොලීසිය පවසයි.
2024 ජනාධිපතිවරණයෙන් ජනාධිපති ලෙස තේරී පත්වූ අනුර කුමාර දිසානායක මහතා වසර පහක කාලයක් සඳහා ජනාධිපති ධුරය බාර ගත් බව ප්රකාශයට පත් කරමින් අති විශේෂ ගැසට්
බස්නාහිර සහ සබරගමුව පළාත්වලත් මහනුවර, නුවරඑළිය, ගාල්ල සහ මාතර දිස්ත්රික්කවලත් වැසි වාර කිහිපයක් ඇති වන බව කාලගුණ විද්යා දෙපාර්තමේන්තුව කියයි.
හිස්බුල්ලා සටන්කාමීන් ඉලක්ක කර ගනිමින් ඊශ්රායලය දිගින් දිගටම ප්රහාර එල්ල කරන බවත්, පසුගිය පැය 24 ක කාලය ඇතුළත ඊශ්රායල හමුදා එල්ල කළ ප්රහාරවලින් මි
ඌව වෙල්ලස්ස විශ්වවිද්යාලය අසල ග්ලේන්පින්වත්ත හිගුරුගමුව රක්ෂිතයේ රාත්රි (23) හටගත් හදිසි ගින්නකින් අක්කර 10 ක පමණ කොටසක් විනාශ වී ගිය බව ආපදා කළමනාකරණ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ජනාධිපති ශිෂ්යත්ව වාරික අද බැංකු ගිණුම්වලට
Perera Thursday, 01 August 2024 02:14 PM
මැතිවරණ කොමිසමට මේවා ඡන්ද අල්ලස් ලෙස පෙන්නේ නැද්ද?
Kazi Shajahan Thursday, 01 August 2024 02:59 PM
මගේ පූතාලාටත් ලැබෙනවා... නමුත් රනිල්ට ඡන්දේ නම් දෙන්නේ නෑ. මේවා අපේම බදු සල්ලි නේ ආයේ වාසියට බෙදා දෙන්නේ...
RoshanThursday, 01 August 2024 04:40 PM
අපිට පාන්ද ?
සෙනෙවිරත්න Thursday, 01 August 2024 05:59 PM
වෙලාවට එයි මේ දවස් ටිකට, හැබැයි මහපොල ශිෂ්යත්ව මුුදල් ප්රමාද කරනව. දෙන සේරම ගන්න. තේරුම් ගන්න ඔය අපේම මුදල් මිස දෙන අයගෙ පෞද්ගලික මුදල් නොවන බව. ඒ එක්කම ඔය දෙනවට වඩා වැඩි මුදලක් ඒ ඒ අය නිකරුණේ කාබාසිනියා කරන බවත්. ඒක නිසා ගන්න චන්දෙ මාලිමාවට දෙන්න.