(නිමල කොඩිතුවක්කු)

ජනාධිපතිවරණය ජයග්‍රහණයෙන් පසු ජනාධිපතිවරයා කළ පළමු කතාවේ දී තමන් ඉන්ද්‍රජාලකයෙකු නොවන බව පැවසුවත් ඇත්තෙන්ම ඔහු  ඉන්ද්‍රජාලකයෙකු බවට තමන් ප්‍රකාශ කරන බව  පිවිතුරු හෙළ උරුමයේ නායක නීතිඥ උදය ගම්මන්පිල මහතා කොළඹදී පැවසීය.

ඉන්ද්‍රජාලකයා යනු කරන්න බෑ කියා විශ්වාස කරන දේවල් කර පෙන්වන්නා  බවත් ඉතිහාසයේ ප්‍රථම වරට ජනපතිවරණයේ දී ලබා ගත් ඡන්ද ගණනට වඩා පාර්ලිමේන්තු මැතිවරණයේ දී ලබා ගත් ඡන්දගණන වැඩි කරලා පෙනවීමත් උතුර, දකුණ, නැගෙනහිර සහ මධ්‍යම පලාත් හතරම එක පක්ෂයකින් ජයග්‍රහණය කර පෙන්වීමත් හේතුවෙන් ජනාධිපතිවරයා ඉන්ද්‍රජාලකයෙකු බවට පිලිගන්නා බවත් ඔහු සඳහන් කළේය.

පිවිතුරු හෙළ උරුමය කාර්්‍යාලයේ දී පැවති මාධ්‍ය හමුවේ දී අදහස් දැක්වූ ගම්මන්පිල මහතා තවදුරටත් මෙසේද කීවේය.

“ජනාධිපතිතුමා ජයග්‍රහණයෙන් පසු කළ පළමු කතාවේ දී මම ඉන්ද්‍රජාලකයෙකු නොවෙමි කිව්වාට එතුමා කියලා තිබෙන්නේ බොරුවක්. ඇත්තෙන්ම එතුමා ඉන්ද්‍රජාලකයෙකු තමයි. 

ඉතිහාසයේ ප්‍රථම වරට ජනපතිවරණයේ දී ලබා ගත් ඡන්ද ගණනට වඩා පාර්ලිමේන්තු මැතිවරණයේ දී ලබා ගත් ඡන්දගණන වැඩි කරලා පෙන්නුවා. ඊටත් වඩා වැදගත්. ඉතිහාසයේ ප්‍රථම වරට උතුර, දකුණ, නැගෙනහිර සහ මධ්‍යම කියන පලාත් හතරම එක පක්ෂයකින් ජයග්‍රහණය කරලා පෙන්නුවා.

ඉන්ද්‍රජාලකයා කියන්නේ කරන්න බෑ කියලා විශ්වාස කරන දේවල් කරලා පෙන්වන කෙනා. එහෙමබැලුවාම ජනපතිතුමා ඉන්ද්‍රජාලකයෙකු තමයි.