(කීර්ති ප්රනාන්දු)
පාස්කු ප්රහාරයේ ඉදිරි පරීක්ෂණ සම්බන්ධව රජය සමග කතෝලික සභාව එකඟ වූ සාකච්ඡාවෙන් ඉවත් වන්නට සිදුවූයේ ජනාධිපතිවරයා විසින් සිදු කරනු ලැබූ ප්රකාශයක් නිසා බව මැල්කම් කාදිනල් රංජිත් කොළඹ අගරදගුරුතුමෝ පැවැසූහ.
ජනාධිපතිවරයා කතෝලික සභාව පාවිච්චි කරමින් කරන්නට උත්සාහ කළ ලාබ දේශපාලන යටිකූට්ටු වැඩපිළිවෙළ තමන් හට හෙළිදරව් වූ බව ද කාදිනල්තුමෝ එහිදී කීහ .
දෙවොලපොළ වඩුමුල්ල යහපත් අනුශාසනාදායක මාතා දේවස්ථානයේ 75 වැනි සංවත්තරය සහ වා ර් ෂි ක මංගල්යය සැමරීම වෙනුවෙන් පැවැති දේව මෙහේදී කාදිනල් තුමෝ මේ බව ප්රකාශ කළහ.
පාස්කු ප්රහාරය ගැන කතා කරන විට අපි නිතරම අවදියෙන් ඉන්නේ. ඒක අපේ වගකීමක්. අපේ සහෝදර සහෝදරියන් ,සංචාරක හෝටල්වලට පැමිණි විදේශිකයන් ඇතුළු 274 දෙනකු අමු අමුවේ ඝාතනය කළා . ඒක තමයි අවුරුදු තිහක් ලංකාවේ තිබුණු අවාසනාවන්ත යුද්ධයෙන් පස්සේ සිදුවුණු ඉතා භයානකම ත්රස්තවාදී ප්රහාරය. ඒ නිසා ශ්රී ලංකා කතෝලික රදගුරු මණ්ඩලය ලෙස අපි ඉල්ලා සිටියේ නිතරම කරුණාකරලා විනිවිද පෙනෙන විමර්ශනයක් කරන්න කියලා . ඒ කියන්නේ එක එක දේශපාලන පක්ෂවලට ඒ අයගේ වැරදි වහගන්න කරන විමර්ශනයක් නෙවෙයි. විනිවිද පෙනෙන හැමෝටම දැකගන්න පුළුවන් ආකාරයේ අවංක විමර්ශනයක් කරන්න කියලයි අපි ඉල්ලා සිටියේ . දැන් ඡන්දයක් එන නිසා විවිධ කණ්ඩායම් කීපයක් ඒගොල්ලන්ගෙ ප්රතිපත්ති සහ පාස්කු ප්රහාර විමර්ශනය ගැන මොනවද කරන්න බලාපොරොත්තු වෙන්නේ කියලා අපට දැනුම් දීලා තියෙනවා. රදගුරු මණ්ඩලය ඒ ගැන සතුටු වුණා. ඒ වගේම දැන් පවතින රජයත් ඒ පිළිබඳව සාකච්ඡා කරන්නට අවශ්යයි කියලා අපිට දැනුම් දුන්නා .අපි ඒකට සතුටු වුණා. ඒ නිසා අපි ඒ අයත් එක්ක සාකච්ඡා කරන්නට ඉදිරිපත් වෙච්ච වෙලාවේදී ඒ සාකච්ඡාව අවංක චේතනාවකින් කරන ලද ආරාධනයක් නොවන බව පැහැදිලි වන ආකාරයේ ප්රකාශයක් අපේ රටේ නායකයා විසින් කරනු ලැබුවා .එනම් මේ කටයුතුවලදී තම කමිටුවකට පත්වීම් ලබන නිසා නීතිපතිතුමා එතුමාගේ කාලය තව මාස හයකින් දීර්ඝ කරනවා කියලා ජනාධිපතිතුමා කළ ප්රකාශය එය සම්පූර්ණයෙන්ම අප නොමග යැවීමක් හැටියටයි අපි දකින්නේ. මොකද නීතිපතිතුමා කියන්නේ එක්කෙනෙක් නෙමෙයි එතුමාගේ කාලය අවසන් වුණාම තවත් නීතිපති කෙනෙක් පත් කරගන්න පුළුවන් . අපට ප්රශ්නයක් නෑ. නීතිපතිතුමාගේ කාලය දීර්ඝ කිරීම සම්බන්ධව රදගුරු මණ්ඩලයෙන් අහන්න කියන එක මහා මෝඩ කතාවක්නේ. රදගුරු මණ්ඩලය දන්නවයැ නීතිපතිතුමාගේ සේවා කාලයේ දික් කරන්නට මොනවද හේතු වුණේ කියලා .අපි දන්නේ නැහැනේ . අපෙන් අහන්න කියන එක මහ මෝඩ වැඩක් .අපිව අමාරුවේ දාන්න කරන වැඩක් .රදගුරුතුමන්ලව අමාරුවේ දාන්න කරන වැඩක් .ඇයි අපිට බැහැනේ නීතිපතිතුමාගේ සේවය දික් කරන්න . එහෙම කරන්න හේතුව මොකක්ද කියලා අපි දන්නෙත් නැහැ .ඉතින් ජනාධිපතිවරයා එහෙම කීම තුළ අපි දැක්කා යම් ආකාරයක යටිකූට්ටු වැඩපිළිවෙළක් .ඒ නිසා අපට සිද්ධ වුණා ඒ සාකච්ඡා ප්රතික්ෂේප කරන්නට ඒ වගේම අපිව පාවිච්චි කරමින් යුක්තිය ඉෂ්ට කිරීමට උත්සාහ කරනවා කියලා පෙන්වමින් ජනතාවගේ හිත දිනා ගැනීමට සහ ඡන්දයට එය පාවිච්චි කරන්නට යම්කිසි කෙනෙක් ඉදිරිපත් වෙනවා නම් ඒක අවංක චේතනාවකින් කරන වැඩක් නොවන බවත් පැහැදිලියි.
කමරාගොඩ මීසම බාර ටිරෝන් අජිත් පියතුමාගේ අනුශාසනාව සහ මෙහෙයවීම මත දේවස්ථාන කිතුණු සංඝය මගින් සංවිධානය කර තිබූ මෙම ජුබිලි මංගල්යය සහ දේව මෙහෙය සඳහා ප්රදේශයේ බෞද්ධ භික්ෂූන් වහන්සේ සහ බොදුනු ජනතාව විශාල පිරිසක් එක්ව සිටියහ. මංගල්යය කටයුතු වෙනුවෙන් දේවස්ථානයේ වැඩ කටයුතු රැසකට ඔවුන්ගේ පූර්ණ දායකත්වය ලබා දී තිබීම කැපී පෙනෙන්නට තිබිණ.
ශ්රේඨාධිකරණය නියෝගයට පටහැනිව කටයුතු කළ පතල් කාර්යාංශයේ අධ්යකෂ ජනරාල්වරයාට එරෙහිව අධිකරණයට අපහාස කිරීම සම්බන්ධයෙන් පියවර ගැනීමට බලාපොරොත්තු වන බ
කුකුළේගඟ ජලාශයේ ගඟ ඉහළ ජල පෝෂක ප්රදේශවලට පවතින වර්ෂාව හේතුවෙන් ජලාශයේ වාන් දොරටු දෙකක් අද (27) විවෘත කර ඇතැයි බුලත්සිංහල ප්රාදේශීය ලේකම් කාර්යාලය ප
ජනාධිපති අනුර කුමාර දිසානායක මහතා විසින් ජනාධිපති කාර්යාලයේ නීති අධ්යක්ෂ ජනරාල් ලෙස ජ්යෙෂ්ඨ නීතිඥ ජේ.එම්. විජේබණ්ඩාර මහතා පත් කර ඇත.
ක්රීඩා අමාත්යංශය වියදම් කළ ප්රතිපාදනවල ප්රගතිය පිළිබඳ කඩිනම් විගණනයක් කරන්නැයි අග්රාමාත්ය ආචාර්ය හරිනි අමරසූරිය මෙනවිය පැවැසුවාය.
හක්මන ප්රදේශයට ඊයේ (26) දින මධ්යම රාත්රියේ සිට ඇදහැලුණු ධාරානිපාත වර්ෂාව හේතුවෙන් හක්මන, මුලටියන හා කඹුරුපිටිය, මුල ටියන ප්රධාන මාර්ගයේ ස්ථාන කිහිප
පසුගිය ජනාධිපතිවරණයේදී ශ්රී ලංකා පොදුජන පෙරමුණ හැරදා හිටපු ජනාධිපති රනිල් වික්රමසිංහ සමග එක්වූ පළාත්සභා සහ පළාත් පාලන ආයතන නියෝජිතයින්ට නැවතත් ශ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
‘‘ජනපති කතෝලික සභාව නොමඟ යැව්වා‘‘
Nalin Sunday, 09 June 2024 07:12 PM
පොඩි බබ්බු...
රංපොඩ Sunday, 09 June 2024 07:19 PM
අනේ මන්දා මේ ප්රශ්නය මොකද්ද කියලා. ඒ ඝාතන කරපුු අන්තවාදීන් හිරේ නේද? මේකට දේශපාලනය පැටළිලා දැන් මොකද්ද කියලා හඳුනාගන්න බෑ. ඒක ම්ලේච්ඡ අන්තවාදීන්ට වාසියක්...!
Don perea Sunday, 09 June 2024 07:49 PM
මෙම ඝාතනය සමහර මිනිස්සුන්ට ජෝක් එකක් වගේ, පුදුම ජාතියක්...
පිටරැටියා Monday, 10 June 2024 02:21 AM
ලංකාවේ බලලෝබී බඩගෝස්තරවාදී කාලකන්නි දූශිත දේසපාලුවෝ කවදත් කෙරුවේ මුලුමහත් ජනතාව ගොනාට අන්දවපු එක තමා .එහෙව් උන්ට කතෝලික සභාව අන්දවන එක ඒ හැටි දෙයක් ද?
Asanga thiththagalla gamage Monday, 10 June 2024 10:14 AM
අනේ පව් මේගොල්ලන්ව නොමග යවන්න හරි බාබාලනේ.