(නිමන්ති රණසිංහ)

ජනපති මැදුරේ තිබූ ඇඳක ඇතිරිල්ලක් සොරා ගත්තේයැයි කොළඹ මධ්‍යම අපරාධ විමර්ශන ඒකකයත් අඩංගුවට ගත සැකකරුවකු ලබන 09 වැනිදා තෙක් රක්ෂිත බන්ධනාගාර ගත කරන ලෙස කොළඹ කොටුව මහේස්ත්‍රාත් තිළිණ ගමගේ මහතා අද (26) නියෝග කළේය.

මෙම සැකකරු ජුලි 09 වැනිදා මහජනතාව සමඟ ජනාධිපති මන්දිරයට ඇතුළු වී ඇති බවත් එහිදී ජනපති මැදුරේ තිබූ ඇඳක ඇතිරිල්ලක් සොරාගෙන ඇති බවට කරුණු අනාවරණය වන බවත් පොලිසිය අධිකරණයට කරුණු ඉදිරිපත් කළේය.

සිද්ධිය සම්බන්ධයෙන් සිදු කරන ලද විමර්ශනවලට අදාල සීසීටීවී දර්ශන සහ වීඩියෝ පට පරිශීලනය කිරීමෙන් පසු සැකකරු අත්අඩංගුවට ගත් බව ද පොලිසිය අධිකරණයට කරුණු ඉදිරිපත් කර ඇත.