(බිමල් ශ්‍යාමන් ජයසිංහ)

හිටපු අමාත්‍ය ජෝන්ස්ටන් ප්‍රනාන්දු මහතාට අයත් බවට සැක කරන ෆෝර්ඩ් වර්ගයේ මෝටර් රථයක් කොට්ටාව පන්නිපිටිය ලියනගොඩ ප්‍රදේශයේ ගරාජයක තිබී සොයා ගෙන ඇතැයි නුගේගොඩ කොට්ඨාසයේ උසස් පොලිස් නිලධාරියෙක් පැවසීය.

හිටපු අමාත්‍යවරයාගේ රියදුරකු විසින් ඉකුත් පෙබරවාරි මාසයේදී මෙම මෝටර් රථය ගරාජයට රැගෙන වීත් තිබූ බව මූලික විමර්ශනවලදී අනාවරණය වී ඇත.

එම අවස්ථාවේදී එහි ලියාපදිංචි අංක තහඩු නොතිබූ බව ගරාජ් හිමියාගෙන් සිදු කළ ප්‍රශ්න කිරීමේදී අනාවරණය වී ඇත.

එම මෝටර් රථයේ මේ වන විට කොට්ටාව පොලිස් භාරයේ නඩු භාණ්ඩයක් වශයෙන් ලේඛනගත කර ඇත.