(සුමිත් පොතුපිටිය සහ බිමල් ශ්‍යාමන් ජයසිංහ)

පානදුර ත්‍රීරෝද රථ සංගමයේ ලේකම්වරයා බව කියන ත්‍රිරොද රථ රියැදුරකු රථවාහන රාජකාරියේ යෙදි සිටි පානදුර උතුර පොලිසියේ කොස්තාපල්වරයකුගේ නිල ඇඳුම ඉරා පරුෂ වචනයෙන් බැණ වැදී පහර දී පළා යාමට උත්සාහ කිරීමේදී දැඩි පරිශ්‍රමයක් දරා අත්අඩංගුවට ගත් බව පානදුර උතුර පොලිසිය කියයි.

අත්අඩංගුවට ගත් සැකකරු පානදුර මූලික රෝහලේ වෛද්‍යවරයකු වෙත ඉදිරිපත් කිරීමේදී මත්පැන් පානය කර ඇති බව වෛද්‍ය වාර්තාවේ සටහන් යොදා ඇති බව පොලීසිය සඳහන් කරයි.

එම පහර දීමෙන් කොස්තාපල්වරයාගේ නිල ඇඳුම ඉරී යකඩ බොත්තම් කීපයක් ද කැඩි ඉවතට විසි වී ඇත.

පාණදුර කොට්ඨාස භාර ජ්‍යෙෂ්ඨ පොලිස් අධිකාරී සමන්ත වෙදගේ මහතාගේ උපදෙස් මත  දෙකක කාලයක් අන්තර් මුර සංචාරයේ යෙදී සිටි කොස්තාපල්වරුන් දෙදෙනා පානදුර පරණ පාරේ ජුබිලි හන්දියේ රාජකාරියේ නිරතව සිටියදී අතුරු මාර්ගයක සිට පානදුර දෙසට ආ ත්‍රීරෝද රථයක් එකවරම ආපස්සට හරවා ගෙන ධාවනය කිරීම සම්බන්ධයෙන් ඇති වූ සැකයක් මත ඒ පසුපස හඹා ගොස් නවතා පරික්ෂා කිරීමට යාමේදී සැකකාර ත්‍රිරොද රථ රියදුරු එලෙස හැසිරී තිබූ බව පොලිසිය කියයි.

සැකකාර  රියදුරු බලපත්‍රය ඉල්ලා ප්‍රතික්ෂේප කිරීමත් සමගම තී රෝද රථයේ යතුර ලබාගැනීමට පොලිස් නිලධාරීන් උත්සාහ කිරීමේදී ඔහු පොලිස් කොස්තාපල්වරයාගේ නිල ඇඳුමෙන් අල්ලා තල්ලු කිරීමේදී බිම වැටී ඇති අතර අනෙක් කොස්තාපල් ෙ ක්ෂණික ඔහු නැගිට්ටුවා තිබූ බව පොලිසිය කියයි.

අනතුරුව මේ පිළිබඳ ස්ථානාධිපතිවරයා මෙන්ම රාත්‍රි රාජකාරියේ නිරත සැරයන්වරයා දැනුවත් කර අමතර පොලිස් නිලධාරීන් එම ස්ථානයට ගෙන්වාගෙන සැකකරු අත්අඩංගුවට ගැනීමට කටයුතු කර තිබූ බව උසස් නිලධාරියෙක් කීය.