තවත් පිරමීඩ ලොක්කෙක් මාට්ටු

(රෝෂන් තුෂාර සහ ඉන්දිකා රාමනායක)

"ට්‍රෙරෙඩ්වින් "නමින් පිරමීඩ ආකාරයේ මූල්‍ය ව්‍යාපාරයක් පවත්වාගෙන යමින් මුදල් තැන්පත්කරුවන්ගෙන් රුපියල් කෝටී පන්සීයකට අධික මුදලක් ජාවාරම් කර ජනතා මුදල් සාපරාදී සාවද්‍ය පරිහරණය කිරීමේ සැකයට තවත් "සක්විත්තෙක්"අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසයේ ජාලගත විමර්ශන ඒකකය මගින් අද අත්අඩංගුවට ගැනිණි.

මෙසේ අත්අඩංගුවට පත් වූයේ වසර තුනක් සැඟව සිටි ගලින්බිඳුණුවැව ප්‍රදේශයේ පදිංචිකරුවෙකි.

සැකකරු පිළිමතලාව ප්‍රදේශයේ සැඟව සිටියදී අත්අඩංගුවට ගත් බව ජාලගත විමර්ශන කොට්ඨාසය සඳහන් කළේය.

සැකකරු උපාධිධාරියු, ගුරුවරයකු ලෙස කටයුතු කර ඇති සැකකරු දකුණු පළාතේ ප්‍රධාන ප්‍රසිද්ධ විහාරස්ථානයක බස්නායක නිලමේවරයා ලෙසද කටයුතු කර ඇත.

එම කොට්ඨාසයේ වැඩබලන අධ්‍යක්ෂවරයාගේ මෙහෙයවී මත පොලිස් අධිකාරි අනුරපේමරත්න,ප්‍රධාන පොලිස් පරීක්ෂක සුජීව විජේසේන,ස්ථානාධිපති ප්‍රධාන පොලිස් පරීක්ෂක උපුල් වීරසේකර,උප පොලිස් පරීක්ෂක තිවංක සනත් ඉදිරිසිංහ සහ පොලිස් කොස්තාපල් ( 93012) ලහිරු,පොලිස් කොස්තාපල් ජයරත්න,රණසිංහ,බණ්ඩාර සහ මහෝදා නිලධාරිනීන් මෙම මෙහෙයුමට එක් වී ඇත.

මොහුගේ පිරමීඩ ජාවාරමේ මුදල් ආයෝජනය කළ තැන්පත්කරුවන් වෙතොත් ඒ එම පුද්ගලයන්ට පැමිණිලි ඉදිරිපත් කළ හැකි බව ජාලගත විමර්ශන ඒකකය දැනුම් දී සිටින අතර ඔවුන්ගේ රහස්‍යභාවය රැකීමට ද එම කොට්ඨාසය පියවර ගැනීමට සූදානම් බව උසස් පොලිස් නිලධාරියෙක් සඳහන් කළේය.

අදහස් (9)

තවත් පිරමීඩ ලොක්කෙක් මාට්ටු

Ruwan Saturday, 27 January 2024 04:15 PM

අනිත් වංචාකාරයො තමයි ප්ලාන්ටේශන් කාරයෝ. සමහර ප්ලාන්ටේශන්ස් තියනවා, ඔවුන් වැනිලා වගාවට අරගෙන තියන ආයෝජන දිහා බැලුවහම මැඩගස්කරයටත් වඩා ශ්‍රී ලංකාවේ වැනිල වගා කරල තියෙන්න ඕනේ. මේ වංචාවන් ඉක්මනින්ම හොයල බලන්න ඕනේ... තව විශාල මිනිසුන් ප්‍රමාණයක් මේ වංචාවට අහුවෙන්න කලින්...!

: 0 52

Manoj Manjula Bibulawela Saturday, 27 January 2024 06:03 PM

නොවටින ඉඩමක ඔප්පුවක් ඇපයට තියා, වගා කටයුතු සඳහා යැයි මුදල් ආයෝජන ලබා ගන්නා තක්කඩි සමාගම් ද රාශියක් ඇත.

: 0 29

නදිනි ගනේගොඩ Sunday, 28 January 2024 01:26 AM

ලංකාවේ මෙහෙම දේවල් නිතරම වෙනබව මිනිස්සු දන්නා නමුත්.. නිතරම වන්චා වලට අහුවෙන එක තමා පුදුමේ...!

: 0 1

හේරත් Sunday, 28 January 2024 08:40 AM

අසරණ මිනිස්සුන්ව රවටන මේ වගේ හොරුන්ට නම් සමාවක් දෙන්නම හොඳ නෑ. මිනිස්සු කොච්චර අසරණ වෙනවාද මේ වැඩ නිසා. කෝටි 500 ක් විතර හොරකම් කරනකන් මේගැන හොයාබලීමක් කරලා නෑනේ...

: 0 3

Nimal Sunday, 28 January 2024 09:01 AM

රැවටී සුවහසක් බොරුකාරයින් හට... පාඩම් ලබා නැහැ යුග යුග ගණන් සිට... තවමත් පාඩම් ඉගෙන ගෙන නැහැ. එන එන බොරු කාරයින්ට රැවටෙනවා. මේ අයගේ ක්‍රියාමාර්ග බොහෝදුරට සමානයි. පසුව එන තැන්පත්කරුවන්ගේ මුදල්වලින් මුල් අයගේ පොලිය ගෙවනවා. මාස කීපයක් යනවිට පොලිය ගෙවන්න ක්‍රමයක් නෑ... එවිට පැනලා යනවා.

: 0 2

nimal Sunday, 28 January 2024 11:06 AM

තණ්හාය ජායතී සෝකෝ එයාට මුකුත් වෙන්නේ නෑ. ඔහු ටික කලකට පසු හිරෙන් නිදහස් වනු ඇත. සල්ලි තැන්පත් කරපු මිනිස්සු දුක් වින්දා. රජයේ පොලීසියට හෝ රටේ නීති පද්ධතියට දොස් පැවරීමෙන් ඵලක් නැත. තණ්හාව පුද්ගලයාටත්, සමාජයටත් දුක් උපදවයි. නොයෙක් කරදර, හිරිහැර පමුණුවයි. මෙම තණ්හාව නිසාම රැස් කරගත් ධනය ඇතැමුන් ආරක්ෂා කරනුයේ නිධානයක් රකින නාගයන් සේය. ඔවුහු වස්තුව තමාගේවත්, අනුන්ගේවත් යහපත සඳහා යොදා නොගනිති. කොපමණ ලැබුණත්තෘප්තියකට පත් නොවෙති.

: 0 4

Nandana Sunday, 28 January 2024 02:01 PM

හොර හැත්ත... මේ අය තමයි පැජරෝ, ප්‍රාඩෝ, වී8, ලෑන්ඩ් රෝවර් වගේ වාහනවල යන්නේ...

: 0 2

රොෂාන් Sunday, 28 January 2024 03:56 PM

ඔව් ඔය ගියේ v8 එකේ එක්කෙනෙක්...

: 1 1

හසිනි Wednesday, 20 March 2024 08:55 PM

අනේ මේ වගේ තව අය ඉන්නවා.කවුරුත් උදව් කරන්නැහැ. සමහරක් ආදරෙ පාවිච්ච් කරලා සල්ලි කඩගන්නවා.ඊටපස්සෙ බ්ලොක් කරනවා.ජීවිතය තිත්තයි අවංක වෙලා අහු වුණාම

: 0 0

ඔබේ අදහස් එවන්න

දියත

දුන්හිඳ බස් අනතුරේ තවත් සිසුවෙක් මරුට

2024 නොවැම්බර් මස 23 590 0

බදුල්ල දුන්හිඳ අබගහඔය 5 කනුව ප්‍රදේශයේදී ඉකුත දා සිදු බස් අනතුරින් තුවාල ලබා සිටි තවත් සිසුවකු අද මියගිය බව පොලිසිය කියයි.

උත්සව සමයේ වැටලීම් වැඩිකරන්න කියයි

2024 නොවැම්බර් මස 23 257 0

එළැඹෙන උත්සවය සමය වෙනුවෙන් ලබන ජනවාරි මස 15 වෙනි දින දක්වා දිවයින පුරා වැටලීම් සහ විමර්ශන වැඩසටහන් ක්‍රියාත්මක කරන ලෙසට පාරිභෝගික කටයුතු පිළිබඳ අධිකා

සිලින්ඩරයේ ජාතික ලැයිස්තුවට ශ්‍රීලනිපයත් සටනට

2024 නොවැම්බර් මස 23 896 0

නව ප්‍රජාතන්ත්‍රවාදී පෙරමුණට ලැබී ඇති ජාතික ලැයිස්තු මන්ත්‍රී ධුර දෙකෙන් අනෙක් මන්ත්‍රී ධූරය ශ්‍රී ලංකා නිදහස් පක්ෂයට ලබා දෙන ලෙස එම පක්ෂය ඉල්ලීමක්

වඳුරව නිධානය කළුගල් ගොඩක්

2024 නොවැම්බර් මස 23 3895 0

පුරා දින තුනක් තිස්සේ කැණීමට ලක් කරනු ලැබූ වේයන්ගොඩ වඳුරව නිදන් ඇතැයි කියන ස්ථානයෙන් ගොඩ ගැනුණු විවිධ ප්‍රමාණයේ ගල් කුට්ටි විස්සක් විදුම් යන්ත්‍රයක

IMF ලංකාව ගැන ගත් තීරණය

2024 නොවැම්බර් මස 23 1933 0

ජාත්‍යන්තර මුල්‍ය අරමුදල මෙරටට ලබාදී ඇති ආධාර වැඩසටහනේ ප්‍රගතිය සම්බන්ධයෙන් කළ තෙවැනි සමාලෝචනය අවසන් කරමින් ශ්‍රී ලංකා බලධාරීන් සහ ජාත්‍යන්තර මූල්

පුංචි සභා මැතිවරණය ලබන වසර මුල

2024 නොවැම්බර් මස 23 1081 0

පළාත් පාලන මැතිවරණය ලබන වසරේ මුලදී පැවැත්වීමට තීරණය කර ඇතැයි විදේශ කටයුතු, විදේශ රැකියා සහ සංචාරක අමාත්‍ය විජිත හේරත් මහතා පැවසීය