(නිමල කොඩිතුවක්කු )

මහ මැතිවරණ ඡන්ද විමසීමේදී තැපෑලෙන් ඡන්දය දීමට අපේක්‍ෂිත සියලූම තැපැල් ඡන්ද අයදුම්කරුවන්ගේ අයඳුම්පත් බාර ගැනීම හෙට (01) දිනයෙන් ආරම්භ වේ.

මෙම අයදුම්පත් භාර ගැනීම ලබන 8 වනදායින් අවසන් වන බව මැතිවරණ කොමිෂන් සභාව පවසයි.

2024 ජනාධිපතිවරණය සඳහා භාවිතා කරන ලද ඡන්ද හිමි නාම ලේඛනය මහ මැතිවරණය වෙනුවෙන්ද වලංගු බැවින් තැපැල් ඡන්දය ප්‍රකාශ කිරීමට සුදුසුකම් සපුරා ඇති අයට මේ සඳහා අයදුම් කළ හැකි බව මැතිවරණ කොමසාරිස් ජනරාල් සමන් ශ්‍රී. රත්නායක මහතා පැවසීය.

පසුගිය ජනාධිපතිවරණය සඳහා තැපැල් ඡන්ද අයදුම් කළ සියළුම දෙනා මෙම ඡන්ද විමසීම සඳහා නැවතත් ස්වකීය තැපැල් චන්ද අයඳුම්පත් ඉදිරිපත් කිරීම අනිවාර්ය බවත් ඔහු සඳහන් කළේය.

ඒ අනුව සුදුසුකම් සපුරා ඇති සියලුම අයදුම්කරුවන් ලබන අටවන දාට පෙර අදාළ දිස්ත්‍රික්කයේ දිස්ත්‍රික් තේරීම් බාර නිලධාරී වෙත ලැබී තිබිය යුතු බවත් සියලූම ආයතන ප්‍රධානීන් සහතික කිරීමේ නිලධාරීන් හා තැපැල් ඡන්ද හිමියන් වෙත දන්වා සිටින බවත් රත්නායක මහතා තවදුරටත් කීවේය.